HONOLULU – Bayat a dinadael dagiti uram iti kabakiran dagiti pagtaengan iti Maui, dinadaelda met dagiti panggedan. Mabalin a saan nga ammo dagiti umili a mabalinda ti agaplikar iti Tulong iti Kinaawan Trabaho iti Kalamidad manipud iti estado ti Hawaii.
Mabalin a maikari iti benepisio ti kinaawan panggedan gapu iti didigra dagiti trabahador, dagiti makinkukua iti negosio ken dagiti agtrabtrabaho a bukbukodda nga agnanaed iti Maui a nga naawanan iti trabaho wenno nakissayan wenno nasinga ti oras ti panagtrabahoda gapu iti uram iti kabakiran idi Agosto. Saklawen dagita a benepisyo manipud Agosto 13 agingga iti Pebrero 10, 2024, no ti agtultuloy a kinaawan panggedan ti indibidual ket direkta a resulta ti didigra. Saan a mabalin nga aggigiddan a mabayadan ti regular nga seguro ti kinaawan panggedan ken benepisyo ti kinaawan panggedan gapu iti didigra.
Plaso ti aplikasion: Dagiti indibidwal a mamati a kwalipikadoda para itiTulong iti Kinaawan Trabaho iti Kalamidad ket rumbeng nga agaplikar iti kabiitan a panawen. Ti plaso ti panagaplay ket Lunes, Set. 25.
Tapno makaaplay: Dagiti indibidwal ket mabalinda nga af-file iti Tulong iti Kinaawan Trabaho iti Kalamidad a panangtunton iti https://uiclaims.hawaii.gov. Dagidiay saan a makaipila iti online a panangtunton ket mabalinda ti tumawag tapno agaplay iti libre wenno para iti ad-adu pay nga impormasyon iti aniaman kadagitoy a numero: 833-901-2272; 833-901-2275; 808-762-5751 wenno iti 808-762-5752.
Kualipikado: Mabalin a maikari dagiti indibidwal nga agaplikar no ti kinaawan panggedanda ket direkta a resulta ti didigra gapu iti uram iti kabakiran. Kas pagarigan, no:
- adda pisikal a pannakadangran wenno pannakadadael iti lugar a pagtrabahuam;
- dika makadanon iti pagtrabahuam gapu ta naserraan dagiti kalsada kas paset ti panagtignay iti didigra.
Kasta met, dagiti maikari nga indibidwal ket mabalin a dagidiay:
- malapdan a makadanon iti pagtrabahuanda wenno lugar ti bukodda a panggedan gapu iti didigra;
- saan a makaaramid kadagiti serbisyo iti panggedan wenno bukod a panggedan gapu iti pannakadangran a gapuanan ti direkta a resulta ti didigra.
- nagbalin a kangrunaan a suporta ti sangakabbalayan gapu iti ipapatay ti ulo ti sangakabbalayan gapu iti didigra;
- naiskedyulda a mangrugi wenno mangirugi manen iti panggedan wenno agtrabtrabaho iti bukodda a panggedan ngem nalapdanda gapu iti didigra. Kas pagarigan, dagidiay adda iti industriya ti agrikultura ken panagkalap.
Para iti kaudian nga impormasion maipapan kadagiti panagregget a agpaimbag iti uram iti kabakiran ti Maui, bisitaen ti mauicounty.gov ken fema.gov/disaster/4724. Suroten ti FEMA iti social media: @FEMARegion9 ken facebook.com/fema.