HONOLULU - Ni ansou me lulidahn wasah kan nan Maui kawelahr tehnpas akan, irair wet pil kahrehdahr solahr doadoahk. Tohn koausoan kan kak sohte wehwehki me irail kak alehdi sawas laud sang ohpis me apwalih aramas akan me alehdi kahpwal ni arail sohte doadoahk sang nan wehin Hawaii.
Tohn doadoahk, irail ko me mie arail pisiness oh irailko me pein wia arail doadoahk me koausoan Maui ahpw alehdi kahpwal en sohla doadoahk de arail awahn doadoahk tikitikla de pil sohla doadoahk pwehki irair en lulida me wiawi nan sounpwong en August kak alehdi sawas en sohla arail doadoahk. Soangen sawas pwukat kak wia mehn epwel sang August 13 lel Feb. 10, 2024, ma aramas menet pahn sohte paiamwahu, irail pil kak alehdi sawas laud sang ohpis me apwalih tohn wehi nan ansoun kahpwal kan. Insurens me kin apwalih tohn doadoahk kan me doadoahk rahn koaros oh irail kan me alehdi kahpwal en sohla doadoahk lepin anseu pahn sohte kak alehdi isais ong irail ni ansou tehkis.
Ansoun ritidi en doaroapweh kan: Kumwailko me kamehlele me kumwail kak alehdi sawas sang Disaster Employment Assistance de pali me kin apwalih kahpwal en lulida de oahlahn wasa kak alehdi sawas wet ni ansou karuwaru. Rahn me kumwail kak kapidolong noumwail doaroapweh kan iei Ni-Ehd, Septembe 25.
Ong alehdi sawas wet: Emen aramas kak audehda doaroapwehn Disaster Unemployment Assistance claim ni https://uiclaims.hawaii.gov. Irail kan me sohte kak audehda doaroapweh wet nan indernet kak eker dengwa ni sohte isais oh alehdi pil ekei mehn kairoir teikan ni nempehn dengwa: 833-901-2272; 833-901-2275; 808-762-5751 de 808-762-5752.
Kak alehdi sawas: Emen aramas kak alehdi sawas ma re sohte doadoahk pwehki lulidahn arail wasa oh dipwisou kan sang lulul en kisinei me leloahng irail oh arail wasa. Me duwehte met, ma:
- koamwi alehdi kahpwal wet ni eh leloahng komwi oh oahlahn omwi wasahn doadoahk;
- komwi sohte lelahng nan omwi wasahn doadoahk pwehki ritdihen ahl akan sangni omw wasahn koausoan wiahla wasa me kahpwalo leloahng.
Oh pil, komw kak alehdi irehn sawas sang irail kan me kin patohwanda:
- ma komwi pil alehdi kahpwal en sohte lelahng omwi wasahn doadoahk de pein omwi wasahn doadoahk pwehki kahpwal en lulidah wet;
- de pil sohte kak patohwanda sawas ong wasahn doadoahk de omw pein doadoahk pwehki irair en kahpwal ong paliweren aramas eh oahla sang ni irail en kahpwal me leloahng ih.
- irair wet me lap mehlel nan omw wasahn koausoan pwehki mehlahn kaun en peneinei me apwalih koausoan wet sangni amwail alehdi kahpwal en lulidah wet;
- alehier wiepen tepida de pwurehng pwurala doadoahk ahpw sohte kak pwehki lulidahn de oahlahn amwail wasahn doadoahk. Ni karasepe, irailko me doadoahk nan wasahn apwalih kekeirdahn kisin tungoal akan de wasahn nahk mwahmw.
Ong alehdi mehn kairoir kapw me pidada lulidahn wasah kan nan Maui oh sawas me kak kohda, komw kak ketido nan wasa mauicounty.gov oh fema.gov/disaster/4724. Idawenla FEMA nan mehn karoir kan: @FEMARegion9 oh facebook.com/fema.