Dagiti agrenrenta iti Maui County a nadadael ti balbalay ken sanikuada gapu ti uramid Agosto 8 ket mabalin nga agaplikar ti tulong ti FEMA iti didigra (FEMA disaster assistance).
Ti FEMA Individual Assistance ket magun-odan dagiti agrenrenta agraman dagiti estudiante, kasta met dagiti makinkukua iti balay. Makatulong dagiti pederal a tulong (grant) a mangbayad iti temporario a pagnaedan. Ti umuna a mayted a maipaay para renta (rental grant) ket para iti makabulan wenno dua a bulan a periodo ken mabalin a marepaso para iti kanayonan a tulong.
Mabalin met a kualipikado iti tulong (grant) dagiti agrenrenta iti sidong ti programa ti FEMA nga Other Needs Assistance para kadagiti saan nga naseguro (insured) a napapateg a personal a sanikua a pannakapukaw ken dadduma pay a gastos a nainaig iti ddigra. Dagitoy ti mabalin a pakairamanan:
- Panangsukat wenno panangtarimaan kadagiti kasapulan a personal a sanikua kas iti kadagiti muebles, alikamen, kawes, libro a pagadalan wenno alikamen iti eskuelaan;
- Panangsukat wenno panangtarimaan kadagiti alikamen (tools) ken dadduma pay nga alikamen a mainaig iti trabaho a kasapulan dagiti agtrabtrabaho a bukbukodda;
- No ti kangrunaan a luganmo ket nadadael gapu kadagiti bagyo ken saanen a mapaandar (ken ti lugan ket agtungpal kadagiti kasapulan ti rehistrasion ken seguro ti estado) mabalin a makatulong ti FEMA. Saan nga amin a nadadael ket masakupan isu a kitaem iti FEMA no maikari iti luganmo;
- Dagiti saan nga insured wenno out of pocket a gastos iti medikal, dental, panangaywan iti ubing, panagakar, ken panagidulin.
Mabalin a umutang dagiti makinkukua iti balay ken agrenrenta iti agingga iti $100,000 iti U.S. Small Business Administration, a mangipaay iti pautang iti didigra tapno masukatan dagiti nadadael a personal a sanikua kas iti kawes, muebles, alikamen wenno kotse. Umuna, masapul nga agaplikarda iti FEMA, kalpasanna agaplikarda iti SBA. Para iti ad-adu pay nga impormasion, mapan iti Hawaii wildfires | U.S. Small Business Administration (sba.gov)
Adtoy dagiti pamay-an ti panagaplay para iti tulong ti FEMA iti didigra:
- Bisitaen DisasterAssistance.gov
- Usaren ti FEMA mobile app
- Awagam ti Disaster Assistance Helpline at 800-621-3362. No agus-usar ka iti relay a serbisio iti Video Relay Service, serbisio a caption iti telepono (captioned telephone service) wenno dadduma pay, itedmo iti FEMA ti numerom para iti dayta a serbisio inton agaplikarka. Adu ti lengguahe dagiti operator ti helpline ket silulukat dagiti linia iti 24 nga oras, pito nga aldaw iti makalawas. Pinduten ti 2 para iti Espaniol. Pinduten ti 3 para iti agipatarus a makasao iti lengguahem.
- Para ti bidyo ti American Sign Language no kasano ti agaplikar, mapan iti
https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6
Tapno makaaplikar iti SBA online, wenno tapno mai-download dagiti aplikasyon, mapanka dyay https://DisasterLoanAssistance.sba.gov/. Mabalinmo nga awagan ti Customer Service ti SBA iti 800-659-2955 wenno ag-email iti DisasterCustomerService@sba.gov iti ad-adu pay nga impormasyon wenno tapno maipatulod kenka iti aplikasion iti pautang. Para kadagiti tattao a tuleng, narigat ti panagdengngeg, wenno addaan iti baldado iti panagsao, i-dial iti 711 tapno makastrek ti serbisio ti telecommunications relay.
Para iti kaudian nga impormasyon maipapan iti panangikagumaan a mangpaimbag iti Maui manipud iti uram, bisitaem ti mauicounty.gov and fema.gov/disaster/4724. Surutenyo ti @FEMARegion9 iti Twitterken iti facebook.com/fema.