Nu sika ket adda wenno karaman iti Direkta a Pabalay a Programa ti FEMA, adda ti naituding a recertification advisor wenno taga-mamagbaga ti panangpabaro wenno panangisubli ti sertipikasion a mangsuporta kenka iti dalanmo ti permanente a pabalay. Napateg ti agtalinaed a regular a komunikasion mo iti taga-mamagbaga tapnu agtalinaed met a kualipikado wenno adda ti kalintegam para iti temporario a pabalay.
SALUDSOD: Siak ket karaman iti temporario a Direkta a Pabalay a Programa ti FEMA. Mamin-anu a nasken a makitak ti taga-mamagbagak ti re-sertipikasion?
SUNGBAT: Kasapulan a makapagkitakayo maminsan ti maysa a bulan, ken iti kamaudianan a panagkitayo, ma-iskedyul wenno mapagsaritaan ti sumaruno a a panagkita. Bisitaenna ka ti taga-mamagbagam iti temporario a pagtaenganyo iti las-ud ti maysa nga oras nu sadinno mangted daytoy ti makaumanay nga oportunidad tapnu mapagsaritaan ti progreso ti panangbirok ti temporario a pabalay ken aniaman nga isyu wenno problema a mabalinmo mapasaran iti situasion mo iti temporario a pabalay.
Napateg a masurot ti naituding nga iskedyul wenno panagkita. Nu saan ka nga adda iti balayyo iti naituding nga oras – nu kaspagarigan adda iti nagbaliw iti iskedyul iti trabaho – kasapulan a tawagam ti taga-mamagbagam ken pagsaritaan ti pannakapabaro wenno pannakabaliw ti petsa ti panagkita. Ti pannakalipat wenno saan a panagatendar ti naituding a panagkita nga awanan ti abiso wenno pakaammo ket mangitunda ti pannakapukaw met ti kalintegan para ti temporario a pabalay.
SALUDSOD: Ania dagiti klase ti situasion a kasapulak nga i-report wenno ibaga iti taga-mamagbagak seknan ti re-sertipikasion?
SUNGBAT: Masapul nhga i-report wenno ibagam ti aniaman a nagbaliw iti pamastrekan iti sangkabalayan wenno komposision kas koma ti miembro ti pamilia a timmalaw wenno simmangbay. Nu adda ti miembro iti sangkabalayan nga addaan rangkap ti bagina wenno espesial a kasapulan, kasapulan a mapakaammoan ti taga-mamagbaga. Mabalin a makatulong ti FEMA iti panang-akomodar wenno panangbiruk ti kanayonan a rekurso para kenka.
SALUDSOD: Kasanu ngarud nu adda ti agdama nga isyuk wenno perdik seknan ti panag-mentenar?
SUNGBAT: Kabayatan ti panagbisita, i-tsek tit aga-mamagbaga ti re-sertipikasion ti kasasaad ti yunit tapnu maipasigurado a magun-od ti yunit dagiti pagalagadan wenno pagannurotan ti FEMA a mangipasigurado a ti yunit ket natalged, nadalus, ken agan-andar wenno maus-usar. Mabalin mo pay a pakaammoan tit aga-mamagbaga ti aniaman a problema ti panag-mentenar a kasapulan a maurnos tapnu ammo ti FEMA dagiti isyu.
Tapnu makaawat ti panag-mentenar wenno pannakataripato, kontaken ti kompania ti tagamaton wenno taga-aywan dagiti sanikua.
Nu dagiti nakasalat iti Kilohana ti agkasapulan ti suporta ti pannakamentenar ti yunitda, adtoy ti tawagan a numero: 877-959-6183.
SALUDSOD: Mabalin kadi a matulungannak tit aga-mamagbagak ti re-sertipikasion seknan ti panagpayad ko ti upa?
SUNGBAT: Wen, matulunganna ka tit aga-mamagbagam a mangamiris dagiti kwentam ti upa ken pannakaipalawag nu kasanu ti agbayad kabayatan ti binulan a panagkitayo. Laglagipen a saan a mabalin agbayad ti cash wenno tay aktual a kuarta.
SALUDSOD: Apay a makiddaw a regular ti panagkitami ti Taga-mamagbagak ti re-sertipikasion?
SUNGBAT: Kumpirmaran ti taga-mamagbaga ti re-sertipikasion a sika ket agtalinaed a kwalipikasdo wenno kadda ti kalintegam iti temporario a pabalay ti FEMA. Bayat ti binulan a panagkita wenno taripnongyo, rukuden ti taga-mamagbaga ti progreso seknan ti panagbirok ti permanente a pabalay maibasar iti naglabas a naestablisar a plano iti permanente a pabalay. Iti agdama, nawaya ka nga agdamag iti taga-mamagbagam ti aniaman a saludsod wenno pakaseknam kasta payen ti panagsaludsod seknan ti kaadda dagiti agdama a rekurso.
SALUDSOD: Ania ti plano a permanente a pabalay?
SUNGBAT: Ti permanente a pabalay ket ti napilim a pabalay nu sika ket tumalaw iti temporario a pabalay a programa ti FEMA. Nu sika ket agup-upa sakbay ti didigra wenno kalamidad, manamnama nga agsubli ka iti situasion a panagupa. Kasapulan a ti planom ti permanente a pabalay ket praktikal ken magun-od.
SALUDSOD: Kasanuk nga ipakita iti taga-mamagbagak ti re-sertipikasion nga adda iti progreso iti planok a permanente a pabalay?
SUNGBAT: Kiddawen kenka tit aga-mamagbagam ti re-sertipikasion a mangipaay ka ti ebidensia wenno prueba a sika ket nagaplikar ka ti uray maysa laeng a yunit ti permanente a pabalay tapnu maipakita a sika ket adda iti pagdurdur-asan ti gagemmo a permanente a pabalay.
SALUDSOD: Kasanu a suportaannak ti taga-mamagbagak ti re-sertipikasion nu kasta a marigrigatannak nga agbirok ti permanente a pabalay wenno agpanpanunot nu ania ti kabaelan nga alaen wenno pilien?
SUNGBAT: Mangted ti taga-mamagbaga ti pakete ti impormasion a pakaammoan ti listaan dagiti pagpilian seknan ti permanente a pabalay, oportunidad iti trabaho, ken naduma-duma a grupo a mabalin mangidiaya dagiti rekurso. Makatulong pay dagiti taga-mamagbaga a mangikeddeng kadagiti gagem iti panangbirok ti permanente a pagtaengan a maibasar ti pinansial a kabaelam.
SALUDSOD: Mabalin ko kadi a kontaken wenno tawagan ti taga-mamagbagak ti re-sertipikasion nu kasta nga adda dagiti saludsod ko seknan ti panagbayad ti upa wenno sabali pay nga impormasion seknan ti temporario a pabalay wenno plano a permanente a pabalay?
SUNGBAT: Wen, maguyugoy a rumbeng laeng nga agtalinaed ti komunikasion mo iti taga-mamagbagam ti re-sertipikasiom ken makiddaw nga agkitakayo maminsan iti maysa a bulan. Adddanda ti oras a mangsungbat kjadagiti saludsod mo. Siguraduem a naka-save wenno adda kenka ti numero ti telepono a naipaay kenka.
SALUDSOD: Kasanu a maipasiguradok wenno maberipikarko ti kinasiasinno ti taga-mamagbagak ti re-sertipikasion iti FEMA nu tawagandak?
SUNGBAT: Nu kayat mo a beripikaren ti kinasiasinno ti taga-mamagbagam iti FEMA, mabalin a saludsodem kadakkuada a kumpirmaranda ti impormasion a nai-submitir mo iti FEMA. Kasasayaatan a pagrugian ket saludsudem a kumpirmaranda ti FEMA registration number.
Ti pannakapatalinaed ti silulukat a komunikasion ken panagtinnulong wenno kooperasion iti taga-mamagbaga ti re-sertipikasion ket mangipasigurado a makaawatka ti suporta ken nasayaat a panagiturong a kasapulan iti intero a proseso.