Mangitukon daytoy a panid kadagiti sungbat kadagiti masansan a saludsod maipapan iti Tulong Iti Indibidual para kadagiti nakalasat iti didigra.
Usaren ti dropdown menu tapno agsala babaen ti kita ti saludsod wenno i-type ti keyword.
Mabalin a makaipaay ti FEMA iti Pannakaisubli ti Gastos iti Panagdagus (LER) para kadagiti manipud iti bulsa a gastos iti panagdagus, ngem no laeng dagitoy a gastos ket saan a masakupan babaen ti dadduma a wagas, kas iti seguro.
Tapno maikonsidera para iti LER, masapul a makaragpatka kadagiti kangrunaan a pagalagadan ti pannakakualipikar para iti tulong ken masapul a paneknekan ti FEMA a ti pagtaenganyo ket saan a mabalin a pagnaedan, saan a madanon, wenno naapektaran iti napaut a pannakapukaw kadagiti kasapulan gapu iti didigra. Masapul met nga agisubmitirka kadagiti mapaneknekan a dokumentasion, kas kadagiti resibo, dagiti gastosmo iti panagdagus.
Iti linteg, saan a mabalin nga uliten ti FEMA dagiti benepisio a maited babaen ti seguro. Adu a polisia ti seguro ti mangiraman iti Kanayonan a Gastos iti Panagbiag (ALE) wenno Pannakapukaw iti Pannakausar (LOU) nga sakup, a mangipaay iti kuarta a mangsaklaw kadagiti gastos iti panagdagus no dika makapagnaed iti pagtaenganyo gapu iti didigra. No ti seguroyo ket saan a karaman ti ALE wenno LOU, wenno no ti kuarta nga inted ti seguro yo ket saan a mangsaklaw iti amin a gastosyo iti panagdagus, mabalinyo nga isubmitir ti dokumentasion ti seguroyo iti FEMA tapno maikonsiderar para iti Pannakaisubli ti Gastos iti Panagdagus.
Ti Transisyonal a Tulong ti Pagkamangan (Transitional Sheltering Assistance, TSA) ket maysa a programa ti FEMA a mangipalubos iti temporario, ababa a panawen a pagdagusan para kadagiti maikari nga aplikante no awan ti dadduma a pagpilian iti balay.
Dagiti naidestiero nga agab-abang a kasapulanda ti natalged a lugar a pagdagusan bayat nga agsapsapulda iti napapaut a balay ket mabalin a maikari para iti ababa a panawen a panagtalinaed iti hotel a bayadan ti FEMA iti sidong ti programana a Transisyonal a Tulong ti Pagkamangan (Transitional Sheltering Assistance, TSA). Saan a mabalin ti agkiddaw dagiti aplikante iti TSA, ngem ti FEMA ket mangilasin kadagiti nakalasat a mabalin a maikari ken addaan iti panagkasapulan iti daytoy espesipiko a tulong. Ipakaammo ti FEMA ti pannakakualipikar iti TSA babaen ti nadumaduma a pamay-an agraman ti timek; teks; ken email.
No ti TSA ket inaprobaran ti estado, teritorio, wenno gobierno ti tribuyo, ti listaan dagiti makipaset nga otel ket maipaskil iti DisasterAssistance.gov. Mabalinmo pay a masarakan daytoy nga impormasion babaen ti panagtawag iti FEMA Linya ti Tulong iti 800-621-3362. No agus-usarkayo iti serbisyo ti video relay (VRS), adda kapsion na a serbisyo ti telepono wenno dadduma pay, itedyo iti FEMA ti numeroyo para iti dayta a serbisio.
Iti linteg, saan a mabalin nga uliten ti FEMA dagiti benepisio a maited babaen ti seguro.
Adu a polisia ti seguro ti mangiraman iti Kanayonan a Gastos ti Panagbiag (ALE) wenno Pannakapukaw ti Pannakausar (LOU) coverage, a mangipaay iti kuarta a mangsaklaw kadagiti temporario a gastos iti balay no dika makabiag iti pagtaenganyo gapu iti didigra. No ti seguro yo ket saan a mangiraman iti ALE wenno LOU, wenno no ti kuarta nga ipaay ti insurance ket saan nga umdas a mangsaklaw iti temporario a kasapulam iti balay, mabalinmo nga isubmitir ti insurance settlement-mo iti FEMA para iti konsiderasion para iti Tulong iti Pagabang.
Saan nga agisubli wenno mangaramid iti baro nga aplikasion bayat ti proseso ti tulong iti didigra. Ti panangipatulod iti nasurok a maysa nga aplikasion iti tunggal didigra ket mangpataud iti pannakaitantan. Mabalinmo a kitaen ti kasasaad ti aplikasionmo wenno basaen ti aniaman a surat ti FEMA babaen ti pananggun-od iti DisasterAssistance.gov nga account wenno babaen ti panagtawag iti FEMA Linya ti Tulong iti 800-621-3362.
Repasuen ti surat ti pangngeddeng a mangilawlawag no apay a napagkedkedanka ken no ania nga impormasion ti kasapulanmi kenka. Sakbay a mangisubmitir iti apela, napateg a maawatan no apay a napagkedkedan ti damo a desision ken no ania ti kasapulan no kayatmo ti agapelar.
Apaman a naaramid ti online account-mo, i-emailnaka ti FEMA iti temporario nga 4-digit a PIN. Mabalin nga agpaut iti 24 nga oras tapno maawat ti PIN-mo. Kitaem dagiti spam ken junk folder-mo no dimo makita ti email iti inbox-mo.
Dagiti DRC ket pisikal a makastrek kadagiti tattao nga addaan iti depekto ken dadduma pay nga addaan iti pannakagun-od ken dagiti kasapulan iti panagandar. Naikkan dagitoy iti tulong ken adaptive technology kas kadagiti amplified phones, caption phones, video phones, wheelchair ramps ken dadduma pay a resources tapno makatulong a mangsigurado nga amin nga aplikante ket makastrek kadagiti resources.
Dagiti aplikante nga addaan iti di naseguro wenno kurang ti naseguro a gastos iti medisina wenno dental a gapuanan ti didigra. Mabalin a maikarika no:
*Dagiti gastos a sakupen ti insurance wenno dadduma pay a gubuayan ket saan a maikari iti pannakaisubli ti FEMA
