Վտանգի մեղմացման միջոցառումներ Անհատների և տնային տնտեսությունների ծրագրի շրջանակում – Անտառային հրդեհների դեմ պայքարի միջոցառումներ

Դրամական միջոցների տրամադրման մասին նամակն ստանալուց հետո դիմումատուները, որոնց տան վերանորոգման օգնությունը ներառում է լրացուցիչ դրամական միջոցներ հետևանքների վերացման միջոցառումների համար, կստանան լրացուցիչ նամակ, որում կբացատրվեն, թե ինչ միջոցառումներ են նախատեսված հետևանքների վերացման համար։ Տան վերանորոգման օգնության՝ ներառյալ հետևանքների վերացման ֆինանսավորման համար գործում է Սթեֆորդի օրենքով սահմանված կացարանային օգնության սահմանաչափը, որը 2022 ֆինանսական տարվա համար կազմել է 37 900 ԱՄՆ դոլար։ Հետևանքների վերացման օգնությունը սահմանափակ է և տրամադրվում է միայն տան այն տարրերի համար, որոնք նախքան աղետից վնասվելը գոյություն են ունեցել և աշխատող վիճակում են եղել։ 

Հետևանքների վերացում տանիքի վերանորոգման միջոցով

• Ասֆալտի բիտումից կղմինդրով տանիքների համար FEMA-ն խորհուրդ է տալիս վնասված կամ ավերված կղմինդրները փոխարինել այնպիսի նոր կղմինդրներով, որոնք նախատեսված են դիմակայելու ժամում մինչև 116 մղոն արագությամբ քամու ուժգնությանը։
• Վերանորոգման միջոցով տանիքին պատճառված վնասի նվազեցման համար դրամական միջոցներ ստացող սեփականատերերը, որոնց տների տանիքները ասֆալտի բիտումային կղմինդրից են, փոխարինման համար նախատեսված ասֆալտի բիտումից կղմինդրների փաթեթավորումների պիտակների վրա պետք է ստուգեն քամու դիմացկունության ATSM⁵ D7158 ստանդարտին համապատասխանության մասին նշումը։
• Քամուց և ջրից առաջացող վնասի նվազեցման նպատակով կատարվող տանիքային վերանորոգումների մեթոդների վերաբերյալ մանրամասն տեղեկությունների համար տե՛ս «Խորհուրդներ «Մայքլ» փոթորկից հետո կատարված վերականգնողական աշխատանքների վերաբերյալ 2 (2019), քամուց և ջրի ներթափանցումից առաջացող վնասի նվազեցման լավագույն գործելակերպերը»։
• Տանիքի լուրջ վնասման դեպքում դրամական միջոցները կարող են ներառել նաև կղմինդրների փոխարինումից առաջ ավելի խիտ ռետինապատ մեմբրանի և երեսպատման ավելի հաստ նյութի տեղադրման ծախսերը, որպեսզի հնարավոր լինի նվազեցնել կամ կանխել ներսում ջրից առաջացող վնասը։
• Կղմինդրե ծածկույթ չունեցող տանիքների դեպքում դրամական միջոցները կարող են օգտագործվել այնպիսի տեխնոլոգիաների նախագծման և տեղադրման համար, որոնք կարող են բարձրացնել տանիքի շահագործման հատկանիշները՝ հաշվի առնելով տվյալ աշխարհագրական տարածքին հատուկ աղետների ռիսկերը։ 

Հետևանքների վերացման միջոցառումներ վառարանի և ջրատաքացուցիչի համար 

• Վառարանի կամ ջրատաքացուցիչի բարձրացումը հատակից կարող է օգնել նվազեցնել ապագայում ջրհեղեղից առաջացող վնասի հավանականությունը։
• FEMA-ն խորհուրդ է տալիս վնասված կամ ավերված վառարանը կամ ջրատաքացուցիչը բարձրացնել և տեղադրել շրջանակով հարթակի վրա։
• Նախքան վառարանը կամ ջրատաքացուցիչը բարձրացնելը տան սեփականատերերը կոմունալ ծառայությունների իրենց տեղական ընկերությունից պետք է ճշտեն, թե արդյոք կան պահանջներ, որոնք կսահամանափակեն վառարանի կամ ջրատաքացուցիչի բարձրացումը։
• Ապագայում ջրհեղեղից առաջացող վնասի ռիսկը նվազեցնելու նպատակով վառարանի կամ ջրատաքացուցիչի բարձրացման մեթոդների մասին մանրամասն տեղեկությունների համար տե՛ս FEMA-ի թիվ 312 հրապարակումը՝ «Տանտիրոջ ուղեցույց արդիականացման վերաբերյալ» , 3-րդ խմբագրություն (2014), գլուխ 9, «Սպասարկման սարքավորումների պաշտպանությունը»։ 

Հետևանքների վերացման հիմնական միջոցառումներ էլեկտրական վահանակի համար 

• Էլեկտրական վահանակների բարձրացումը կամ տեղափոխումը կարող է օգնել նվազեցնել ապագայում ջրհեղեղից առաջացող վնասի հավանականությունը։
• Կոմունալ ծառայություններ մատակարարող ընկերության պահանջների և Էլեկտրասարքավորումների ստանդարտների մասին ազգային օրենսգրքի համաձայն գործում են սպասարկման էլեկտրական սարքավորումների տեղադրման վայրի սահմանափակումներ։ Նախքան էլեկտրական վահանակը բարձրացնելը տան սեփականատերերը կոմունալ ծառայությունների իրենց տեղական ընկերությունից պետք է ճշտեն, թե արդյոք կան պահանջներ, որոնք կսահամանափակեն էլեկտրական վահանակի բարձրացումը կամ տեղափոխումը։
• Էլեկտրական համակարգերի տեղափոխման վերաբերյալ մանրամասն տեղեկությունների համար տե՛ս FEMA-ի թիվ 312 հրապարակումը՝ «Տանտիրոջ ուղեցույց արդիականացման վերաբերյալ» , 3-րդ խմբագրություն (2014), գլուխ 9, «Սպասարկման սարքավորումների պաշտպանությունը»։ 

Հետևանքների վերացման միջոցառումներ օդափոխության անցքի ցանցի համար 

• Ձեղնահարկի, նկուղային տարածքների և պատշգամբի տակ գտնվող փակ կառույցների օդափոխության անցքերի փակումը կարող է կանխել ածխի կտորների ներթափանցումը և կրակի տարածումը տան ներքին տարածքներում։
• Եթե օդափոխության անցքերը ցանցեր չունեն, կամ եթե գոյություն ունեցող ցանցի բացվածքները ¼ դյույմից մեծ են, FEMA-ն խորհուրդ է տալիս ձեղնահարկի, նկուղային տարածքների և պատշգամբի տակ գտնվող փակ կառույցների օդափոխության բոլոր անցքերի վրա ցանցեր տեղադրել։
• Օդափոխության անցքերի ցանցերի տեղադրման վերաբերյալ մանրամասն տեղեկությունները տե՛ս FEMA-ի «Անտառային հրդեհների գոտիներում կառուցապատման ուղեցույց տանտերերի համար․ օդափոխության անցքեր» տեղեկագրում։ 

Հետևանքների վերացման միջոցառումներ ջրորդանների և պաշտպանակների համար 

• Հրակայուն նյութերից (օր․՝ ցինկապատ պողպատ, պղինձ և ալյումին) ջրորդանների և ջրահեռացման ակոսների, ինչպես նաև ջրորդաններում մետաղական ցանցերի կամ մետաղական թասակների տեղադրումը կարող է նվազեցնել ջրորդաններում ածխի կտորների միջոցով տերևների կամ աղբի բոցավառման հավանականությունը։
• Հրակայուն նյութերից ջրորդանների և տերևների պաշտպանակների տեղադրման վերաբերյալ մանրամասն տեղեկությունները տե՛ս FEMA-ի «Անտառային հրդեհների գոտիներում կառուցապատման ուղեցույց տանտերերի համար․ ջրորդաններ և ջրահեռացման ակոսներ» տեղեկագրում։ 

Ծանոթագրություններ