Ua ib feem ntawm peb lub zeem muag pab kom cov zej zog muaj zog tuaj thiab khov dua, FEMA yuav muab kev pab cuam rau cov tswv tsev tsim nyog uas tau raug ntawm kev puas tsuaj uas lub teb chaws Tus Thawj Tswj Hwm Tshaj Tawm txog kom pab koj kho los yog ntxiv zog rau koj lub tsev kom ruaj khov zog raws li txais cai ntawm Txoj Cai Robert T. Stafford Disaster Relief and Emergency Act1 (Stafford Act) (Txoj Cai Pab Thaum Raug Kev Puas Tsuaj).
Cov tswv tsev uas tau raug hluav taws kub hnyiab thiab tsim nyog txais kev pab ntawm Lub Khoos Kas Pab Tib Neeg thiab Tsev Neeg (IHP) Kev Pab Kho Tsev es tej zaum lawv yuav tsim nyog txais nyiaj txiag ntxiv kom thiaj tiv thaiv lawv lub vaj tse raws li qhov raug thiab qhov uas lub tsev raug ntau npaum li cas. Tej kev tiv thaiv kom txo kev pheej hmoo muaj xws li:
Cov tswv tsev tsim nyog uas muaj tsev raug ntawm cua hlob/khaub zeeg cua2 lawv txais tau nyiaj rau:
- Kho lub ruv tsev kom thev tau cua hlob nrawm nroos thiab kom txhob cia dej los nkag.
Cov tswv tsev tsim nyog uas muaj tsev raug dej nyab3 lawv txais tau nyiaj rau:
- Kho lub ruv tsev kom thev tau cua hlob nrawm nroos thiab kom txhob cia dej los nkag.
- Muab lub tshuab kub dej los tshuab cua kub tsa kom siab zog thiaj tsis raug dej nyab ntxiv.
- Muab lub thawv tswj fai fab tsa kom siab zog thiaj tsis raug dej nyab ntxiv.
Cov tswv tsev tsim nyog uas muaj tsev raug hluav taws nkhawb thiab tshuav lawv txais tau nyiaj rau 4:
- Muab lub nthab cov qhov npog cia nrog daim ntxaij, cov chaw nkag mus npog cia, thiab npog cov qhov nraum qab tsib taug hauv qab lub lawj kom thiaj tsis raug hluav taws.
- Ntsia cov ciav dej cug nag uas tsis txawj raug kub hnyiab thiab cov khoom thaiv nplooj ntoo kom thiaj tsis raug kub hnyiab.
Tom qab uas lawv txais lawv tsab ntawv tshaj tawm kev pab uas lawv yuav txais, cov neeg tso npe uas tsim nyog txais Kev Pab Kho Tsev uas kuj yuav txais nyiaj ntxiv kom thiaj txo kev pheej hmoo raug kev puas tsuaj lawv yuav txais dua ib tsab ntawv ntxiv uas piav txog tej kev txo kev pheej hmoo uas lawv ua tau. Kev Pab Kho Tsev uas suav nrog cov nyiaj siv los mus txo kev pheej hmoo raug kev puas tsuaj ntxiv, txwv tsis pub pub ntau tshaj $37,900 rau xyoo nyiaj txiag 2022 raws li txoj cai Stafford Act. Kev pab kho tsev kom thiaj txo kev pheej hmoo raug ntxiv mus los muaj tsis ntau thiab tsuas yuav pub kho tej qho uas twb khiav zoo ua ntej raug kev puas tsuaj.
Kev Kho Ruv Tsev Kom Txo Kev Pheej Hmoo
- Rau cov ruv tsev uas muaj vuas vov, FEMA yaum kom theej cov vuas uas raug hlo li nrog ib co vuas uas thev tau cua hlob nrawm npaum li 116 mph.
- Cov tswv tsev uas muaj vuas vov tsev uas txais nyiaj kho lub ruv tsev yuav tau xyuas seb cov vuas tsev uas lawv yuav siv los theej cov uas raug lawm puas muaj ntawv pov thawj hais tias ATSM5 D7158 kom thiaj thev tau cua hlob heev.
- Kom thiaj kawm ntxiv txog cov tswv yim kho lub ruv tsev kom thiaj txawj thev cua hlob thiab dej, thov mus saib Cov Tswv Yim Txo Kev Pheej Hmoo Raug Cua Hlob Thiab Dej Los Nkag.
- Yog lub ruv tsev raug sab heev, tej zaum cov nyiaj txais no yuav muaj txaus los mus yuav ib daim cob uas hnyav me ntsis uas yuav muab vov ua ntej tso cov vuas tsev rau ntawm lub ruv tsev thiab cov khoom thaiv los kuj ib nyuag tuab zog kom thiaj tiv thaiv kom txhob raug dej ntub.
- Rau cov ruv tsev uas tsis muaj vuas los vov, ces siv tau cov nyiaj kom ntsia thiab siv tswv yim uas yuav tiv thaiv koj lub ruv tsev ntawm tej yam uas nquag raug nyob rau hauv koj lub cheeb tsam ntawd.
Tej Kev Txo Kev Pheej Hmoo Rau Lub Tshuab Cua Kub thiab Lub Tshuab Kub Dej
- Muab lub tshuab cua kub thiab lub tshuab kub dej tsa kom siab zog xwv kom yav tom ntej yuav tsis raug dej los nyab.
- FEMA yaum kom muab lub tshuab cua kub los yog tshuab kub dej tsa rau ntawm ib lub lawj kom txhob nyob hauv av.
- Ua ntej yuav muab tsa no, cov tswv tsev yuav tau tiv tauj mus rau lawv lub zos lub koom haum khiav dej kom saib seb puas muaj lus txib uas txwv tsis pub yus tsa cov tshuab no.
- Kom thiaj kawm ntxiv txog kev tsa lub tshuab cua kub los yog tshuab kub dej kom txhob raug dej los nyab yav tom ntej no, thov mus saib FEMA Phau Ntawv Thib 312, Cov Tswv Tsev Kev Coj Qhia Kom Kho Tsev Hom 3 (2014), Tshooj 9, Tiv Thaiv Cov Tshuab Hauv Tsev.
Tej Kev Txo Kev Pheej Hmoo Rau Lub Thawv Tswj Fai Fab
- Qhov uas muab lub thawv tswj fai fab tsa los yog txav los tej zaum yuav txo kev pheej hmoo raug dej los nyab yav tom ntej.
- Muaj lus txib thiab Txoj Cai Thoob Teb Chaws lus qhia txog seb yus muab yus lub thawv tswj fai fab tso rau qhov twg. Ua ntej yuav muab tsa, cov tswv tsev yuav tau tiv tauj mus rau lawv lub zos lub koom haum khiav fai fab kom saib seb puas muaj lus txib uas txwv tsis pub yus tsa los yog muab txav yus lub thawv tswj fai fab.
- Kom thiaj kawm ntxiv txog kev txav lub thawv tswj fai fab, thov mus saib FEMA Phau Ntawv Thib 312, Cov Tswv Tsev Kev Coj Qhia Kom Kho Tsev Hom 3 (2014), Tshooj 9, Tiv Thaiv Cov Tshuab Hauv Tsev.
Tej Kev Txo Kev Pheej Hmoo Rau Daim Ntxaij Npog Qhov
- Npog tej qhov rau hauv lub nthab nrog ib daim ntxaij, cov qhov rau hauv chaw nkag mus, thiab cov qhov rau hauv lub lawj nraum qab tsib taug nrog ib daim ntxaij yuav pab kom hluav ncaig nkag tsis tau thiav rauv taws sab hauv tsev.
- FEMA yaum kom muab daim ntxaij los npog lub nthab cov qhov, cov qhov rau hauv qhov chaw nkag mus xwb, los yog cov qhov rau hauv lub lawj sab nraum tsev yog tias cov qhov no tsis muaj daim ntxaij lawm los sis yog lub qhov luaj dua ¼ nti.
- Kom thiaj kawm ntxiv txog kev siv daim ntxaij no, thov mus saib FEMA Daim Qhia Tseeb: Tus Kws Txua Tsev Kev Coj Qhia Rau Kev Txua Tsev Hauv Qhov Chaw Raug Hluav Taws Tau, Cov Qhov.
Tej Kev Txo Kev Pheej Hmoo Rau Cov Thaiv
- Qhov uas ntsia cov ciav dej cug nag thiab cov ciav dej coj mus hauv av uas tsis txawj raug kub hnyiab (piv xam li yog hlau, tooj liab, thiab txhuas) thiab cov ntxaij hlau rau cv ciav dej cug nag yuav pab txo kev pheej hmoo raug hluav ncaig rauv taws rau cov nplooj ntoo rau hauv koj cov ciav dej cug nag.
- Kom thiaj kawm ntxiv txog kev siv cov ciav dej cug nag thiab cov thaiv kom nplooj ntoo txhob nyob hauv ciav dej no, thov mus saib FEMA Daim Qhia Tseeb: Tus Kws Txua Tsev Kev Coj Qhia Rau Kev Txua Tsev Hauv Qhov Chaw Raug Hluav Taws Tau, Cov Ciav Dej.
Cov lus txig ntawm cov tseem fwv hauv lub xeev, lub cheeb tsam, lub xub, thiab lub zos los tej zaum yuav txawv dua FEMA cov. Yog li no, ua ntej yuav pib kho tsev kom txo kev pheej hmoo li no, cov tswv tsev yuav tau tiv tauj mus rau lawv lub zos qhov chaw txua tsev kom thiaj xyuas seb cov lus txib ntawm lub xeev, lub cheeb tsam, lub xub, thiab lub zos yog dab tsi. Yog tias raug kev puas tsuaj ntawm dej los nyab thiab lub zos twb koom Lub Khoos Kas Tuav Pov Hwm Rau Dej Nyab, ces cov tswv tsev yuav tau tiv tauj mus rau tus kws saib xyuas dej nyab kom thiaj kawm seb lawv ua tau li cas nyob rau hauv lawv lub cheeb tsam kom thiaj txo kev pheej hmoo raug dej nyab dua.6
Cov neeg tso npe uas muaj lus nug txog cov nyiaj siv los txo kev pheej hmoo los yog lwm yam kev pab IHP lawv tiv tauj tau mus rau FEMA Tus Xov Tooj Pab rau ntawm 800-621-3362 kom thiaj kawm ntxiv.
Cov Lus Kaw
- Tshooj 408 (c)(2)(A)(ii).
- Tej kev txo kev pheej hmoo no yuav zoo rau tej kev puas tsuaj tom qab Lub Tsib Hlis Ntuj Tim 26, 2021.
- Tej kev txo kev pheej hmoo no yuav zoo rau tej kev puas tsuaj tom qab Lub Tsib Hlis Ntuj Tim 26, 2021.
- Tej kev txo kev pheej hmoo no yuav zoo rau tej kev puas tsuaj tom qab Lub Tsib Hlis Ntuj Tim 26, 2021.
- ASTM International, uas yav tas los muaj npe hu ua American Society for Testing and Materials, yog ib lub koom haum thoob lub ntiaj teb no uas luam ntawv txog cov ntsiab cai rau tej khoom siv, khoom ua, txheej xwm thiab kev pab.
- Kom tiv tauj mus rau Tus Kws Saib Xyuas Dej Nyab Hauv Lub Xeev, cov tswv tsev mus saib tau lub koom haum Association of State Floodplain Managers’ daim teev npe txog cov kws saib xyuas dej nyab nyob tom State Floodplain Managers (SCS) State Contacts (floods.org).