Si w te aplike pou asistans FEMA w ap resevwa yon lèt ki eksplike desizyon FEMA pran nan 10 jou. Li lèt ou a ak anpil atansyon epi rete an kontak ak FEMA. Yo ka bezwen plis enfòmasyon pou apwouve aplikasyon w lan.
Si ou apwouve
Ou ka jwenn lajan pa depo dirèk, oswa yon chèk Trezò Ameriken ki baze sou ki metòd peman ou te chwazi nan aplikasyon an. Premye peman ou a ka pou bagay esansyèl, tankou manje ak dlo. Ou ka resevwa lajan tou pou anboche yon kontraktè pou bay yon estimasyon pou reparasyon lakay ou. Rete an kontak ak FEMA menm si yo apwouve w. Si sitiyasyon ou chanje, ou ka kalifye pou plis asistans pou katastwòf.
Si ou PA apwouve
FEMA ka bezwen plis enfòmasyon nan men ou pou sipòte aplikasyon w lan. Sa a pral eksplike nan lèt detèminasyon ou. Li lèt la ak anpil atansyon. Fason ki pi rapid pou soumèt lòt dokiman se telechaje sou kont asistans pou katastwòf ou nan DisasterAssistance.gov.
Gen kesyon ki gen rapò ak katastwòf?
Vizite yon Sant Rekiperasyon Dezas ki toupre w. Pou jwenn yon sant rekiperasyon, ale sou fema.gov/drc. Ou ka Rele tou Liy Èd FEMA nan 800-621-3362. Si ou itilize sèvis relè videyo, tit sèvis telefòn oswa lòt moun, bay FEMA nimewo w pou sèvis sa a.