Texas Severe Winter Storms

Dènye jou pou endividyèl ak fanmi yo aplike pou asistans apre katastwòf sa a fin pase. Ou pa kapab kòmanse yon nouvo reklamasyon ankò.

Pou tcheke estati yon reklamasyon ki deja soumèt, vizite DisasterAssistance.gov.

Yo te di m pou m rele Administrasyon Ti Biznis Etazini

FEMA pa gen dwa bay asistans pou katastwòf pou sèten pèt ki kouvri pa prè pou katastwòf Administrasyon Ti Biznis Etazini (U.S. Small Business Administration, SBA). SBA bay endividyèl ak fwaye yo prè pou katastwòf ak enterè ki ba pou ede yo ak pèt dezas yo. FEMA travay ak SBA pou detèmine si ou ka kalifye pou Asistans Pwopriyete Pèsonèl, Asistans Transpò, oswa yon Règleman Asirans Gwoup Inondasyon.

FEMA pral refere w otomatikman bay SBA pou konsidere w pou yon prè pou katastwòf si w satisfè nòm revni SBA yo. FEMA sèvi ak revni anyèl brit lakay ou ak kantite moun ki depandan yo pou detèmine si yo ta dwe refere w bay SBA.

Si yo refere w bay SBA, FEMA ap kontakte w atravè yon sistèm kominikasyon otomatik pou eksplike kijan pou aplike pou yon prè pou katastwòf. Ou dwe ranpli epi retounen yon aplikasyon prè pou w konsidere w pou yon prè SBA oswa sèten kalite asistans FEMA. Ou pa oblije aksepte yon òf prè SBA. Sepandan, si yo apwouve w pou yon prè SBA, epi ou pa aksepte li, yo p ap voye w tounen bay FEMA pou byen pèsonèl oswa asistans transpò.

Pou plis enfòmasyon sou pwogram prè SBA pou katastwòf la, tanpri rele SBA nan 800-659-2955 (TTY: 800-877-8339). Enfòmasyon SBA disponib tou nan www.SBA.gov/disaster oswa pa imèl nan disastercustomerservice@sba.gov.

Mwen te aplike pou asistans. E Annapre?

Jwenn yon Konseye pou Kay

Depatman Lojman ak Devlopman Iben Etazini (Department of Housing and Urban Development, HUD) bay sipò nan yon rezo ajans konsèy lojman (housing counseling agencies, HCA) ak konseye sètifye nan tout peyi a. HCA k ap patisipe ak HUD yo apwouve epi pran fòmasyon pou bay zouti pou pwopriyetè ak lokatè aktyèl oswa k ap vini pou yo ka fè chwa ki responsab konsènan bezwen kay yo genyen selon sitiyasyon finansyè yo.

Verifye Pwopriyetè oswa Lokatè Kay

FEMA oblije verifye ou te rete nan adrès ki nan aplikasyon w lan kòm rezidans prensipal ou anvan yo akòde w majorite kalite asistans. FEMA dwe verifye tou ke kay la se pou ou avan pou l bay Reparasyon Kay oswa Asistans Ranplasman. Aprann plis sou pwosesis aplikasyon an.

Nan efò n ap fè pou rann èd pou asistans katastwòf la pi rapid epi redui travay moun k ap aplike yo, nou eseye verifye pwopriyetè ak lokatè lè nou itilize yon rechèch otomatik nan dokiman piblik.

Si nou pa ka verifye ke w ap viv oswa ou posede kay ou mete nan aplikasyon an, n ap mande w pou w bay dokiman ki pwouve ou rete epi/oswa ou posede l pou ede nou detèmine si w elijib pou asistans.

Ki jan pou ede

Benevola ak Donasyon

Rekiperasyon an ka pran plizyè ane apre yon dezas. Gen anpil fason pou ede tankou bay donasyon kach, bay bagay moun bezwen oswa bay tan w. Aprann plis sou fason pou ede moun ki nan bezwen yo.

Pa al deplwaye pwòp tèt ou nan zòn dezas yo. Òganizasyon de konfyans nan zòn ki afekte yo konnen ki kote yo bezwen volontè yo. Travay ak yon òganizasyon ki etabli pou asire w ke ou gen sekirite apwopriye, fòmasyon ak konpetans ki nesesè pou reponn.

Ajans Lyezon Volontè FEMA (Voluntary Agency Liaisons, VALs)  bati relasyon ak kowòdone efò ak òganizasyon volontè, ki baze sou lafwa ak òganizasyon kominotè ki aktif lè gen katastwòf.

Fè Biznis ak FEMA

Si w enterese bay sèvis ak machandiz peye pou sekou pou katastwòf, vizite paj Fè Biznis ak FEMA nou an pou kòmanse.

Si ou posede yon biznis ki enplike nan retire debri epi ou swete patisipe nan efò netwayaj nan zòn ki afekte yo, tanpri kontakte gouvènman lokal la nan zòn ki afekte yo pou ofri sèvis ou yo.