HICKORY, N.C. – Huav 39 lub nroog, nrog rau Pab Pawg Sab Hnub Poob Ntawm Cherokee Indians, muaj ntau tshaj 153,000 tsev neeg tau txais kev pab los ntawm FEMA rov tsim kho vaj tse raug los ntawm cua daj cua dub Helene.
4 hli tom qab cua daj cua dub, tib neeg thiab coob tse neeg tau txais kev pab xauj tsev, pab nyiaj txiag kho vaj kho tsev, nyob hauv cov tsev txawb los ntawm FEMA thiab cov tsev ua thauj tau mus ub mus no, nyiaj txiag pab kho tsev, thiab rau lwm yam.
Hauv qab no yog qhia txog qees yam uas FEMA koos tes nrog lub xeev North Carolina thiab tsoom fwv hauv zos los mus sib pab tsim kho:
- 2,596 tsev neeg tau los mus nyob rau hauv FEMA cov tsev so ua tau them tag nhro huv si; muaj 10,648 tau tawm hauv cov tsev no mus lawm.
- 3,284 tsev neeg tau txais kev pab xauj tsev.
- 150 tsev neeg nyob rau hauv FEMA cov tsev so tam si no.
- 18,000 tsev neeg tau txais nyiaj los mus tsim kho vaj tse ua raug puas tsuaj.
- 5,000 tsev neeg tau txais nyiaj pab kho kev taug thiab choj.
- 106,000 FEMA cov neeg soj ntsuam tau tawm mus ntsuam xyuas qees yam cov chaws nyob puas tsuaj.
- 138,000 cov tsev raug ntsuam xyuas los ntawm FEMA pab pawg ua hauj lwm hais txog kev puas tsuaj loj.
- 66,000 tus tib neeg tau mus rau hauv lub tsev pab tib neeg thaum muaj kev puas tsuaj loj Disaster Recovery Center.
- 1,800 tsev neeg tau txais kev pab los ntawm FEMA los mus them nqi dej nyab mus txog 3 xyoo.
FEMA tsuas yog ib qho ntawm tsoom fwv kev pab los mus pab lub xeev North Carolina xwb. Lub koos haum pab them $123 laab rau tus nqi dej nyab rau tsev neeg ua foos hais tias dej nyab los ntawm cua daj cua dub Helene. Lub lag luam me U.S. Small Business Administration tau nyiaj muaj $108.6 laab noj paj tsawg rau hauv xeev North Carolina. Cov tub rog nyob rau hauv U.S. Army Corps of Engineers ua hauj lwm nrog lub xeev thiab hauv zej zog los mus pab tshem khib nyiab pov tseg. Muaj, 4 laab dag khib nyiab ua tau tsheb mus pov tseg lawm, thiab cov neeg ua hauj lwm hauv xeev tau tshem 2.8 laab khib nyiab mus pov tseg, thiab cov tsoom fwv neeg ua hauj lwm tau tshem 1.2 laab, thiab cov neeg kho kev kho dej Corps of Engineers yuav tau coj cov khib nyiab mus pov tseg.