O le Polokalama a le FEMA mo Tagata ta’ito’atasi ma Aiga (IHP) e maua mai ai fesoasoani tau tupe ma tautua tu’usa’o mo tagata ma aiga e agava’a o ē iai ni mea totino e le’i inisiuaina pe lē lava le inisiua, ma ni mana’oga ma’oti ua tula’i mai ona o se fa’alavelave fa’anatura ua alo’ia e le Peresetene. O le fesoasoani e fa’aāgaāga mo mana’oga fa’avae o le aiga, ae le o le toe fa’aleleia meatotino uma i le tulaga na iai a’o le’i tupu le fa’alavelav fa’anatura. O tagata na sao mai e lē inisiuaina pe itiiti fo’i le inisiua o le fale ua fa’aleagaina e ono agava’a mo le fesoasoani a le FEMA ma ua fautuaina e fa’afeso’ota’i le latou kamupanī inisiua ma faila se talosaga mo mea ua fa’aleagaina e le fa’alavelave fa’anatura.
Ia Malamalama Po’o Ā Mea Fa’aleagaina e Ono Kava e le FEMA
O le fesoasoani a le FEMA e lē se sui o le inisiua ma e lē mafai ona suitulaga mo mea uma ua fa’aleagaina e le fa’alavelave fa’anatura. E fa’amoemoe e fesoasoani i mana’oga fa’avae ma lagolago i taumafaiga toe fa’alelei ona o le fa’alavelave fa’anatura. E ono tu’uina mai le fesoasoani a le FEMA pe afai ua lē mafai ona toe nofoia le fale ona ua fa’aleagaina e le fa’alavelave fa’anatura. E fa’auigaina e le FEMA le “lē mafai ona nofoia” i se fale ua lē saogalemu, lē lelei mo le soifua malolōina, po’o le tatau ona nofoia. “Saogalemu” e fa’atatau i le puipuia mai ni fa’afitauli na mafua ona o le fa’alavelave fa’anatura po’o ni fa’amata’u i ē nonofo ai, ma le “lelei mo le soifua malolōina” e fa’atatau i le sa’oloto mai ni tulaga ono fa’atupu ma’i. E fa’avasega e le FEMA ni mea na fa’aleagaina e le fa’alavelave fa’anatura fa’apea sa lelei ma ola ae le’i tupu le fa’alavelave fa’anatura. “Aogā” e fa’atatau i se mea i le fale po’o le fale na mafai ona fa’aaogā mo lona fa’amoemoe na fai ai.
Ia fa’atatau le fa’aleagaina o le fale i afā malolosi ma lolōga na tutupu ia Ianuari 21-23, 2024 i le Itumālo o San Diego. E ono fa’afeso’ota’i atu e le ‘au asiasi a le FEMA tagata na sao mai e fa’atulaga se taimi mo le asiasiga.
Fa’ata’ita’iga o le Saogalemu, Lelei mo le Soifua Malolōina ma le Toe Fausia Aogā ina ia Mafai ona Lelei le Fale e Nofoia:
- Mea Totino: E ono fesoasoani le FEMA i le toe avatu pe lipea mea ua fa’aleagaina i le fa’alavelave fa’anatura pei o ‘ea vevela, ‘ea malulū, alā savili, ma nisi masini i totonu o le fale pei o afi fa’avevela, vai vevela, pusa’aisa ma ogaūmu. O nisi masini e lē tuli ina iai mo le ola o le tagata pei o masini fulu ipu, ma masini tifaga e lē kavania. O nisi lipea e ono kava e iai mea fa’apolokalamaina pei o le uila, kesi ma le tulaga o le otaota lafoa’i.
- Fa’aalo ma le Taualuga fa’aleagaina: E ono fesoasoani le FEMA e lipea tutulu na mafua i le fa’alavelave fa’anatura e ono leaga ai le fa’aalo ma lamatia ai uaea uila, o molī o le fale, ae le o ni pisipisia mai le tutulu.
- Fola: E ono fesoasoani le FEMA e lipea se fola i se vaega o nofoia o le fale, ae le o se ufiufi o le fola pei se fala palasita po’o se kapeta.
- Fa’amalama: E ono fesoasoani le FEMA e fai fa’amalama na ta’ei i le fa’alavelave fa’anatura, ae le o pola toso ma ‘ie fa’amalama.
E ono toe fa’aola e le FEMA Tupe na Fa’aalu i se Nofo Totogi (LER) o ni tagata talosaga agava’a sa fa’aalu a latou tupe i se fale nofo totogi ona ua fa’aleagaina lo latou fale i se tulaga ua lē mafai ona toe nofoia. E le tatau ona maua e le tagata talosaga se fesoasoani mo le nonofo lea mai se isi lava auala mo aso o lo’o talosagaina ai le LER.
E fa’atapula’a le aofa’i o le fesoasoani tau tupe e ono maua e se tagata po’o se aiga i lalo o le IHP. E tofu le ituaiga fesoasoani IHP ma ona tu’utu’uga ma’oti mo le agava’a ma pepa fa’atonuina e fa’amaonia ai le agava’a. Ona e eseese uma tulaga o tagata sao mai, e ono eseese fo’i le fika a le FEMA i mea e kava. O le tau o lipea e sili atu i le tulaga e mafai ona fa’asaogalemu, ma lelei mo le soifua malolōina ma mafai ona fa’aaogā le fale, o le a lē agava’a.
Fa’aaogā Tatau Tupe Foa’i Mai
O fesoasoani tupe e maua ona o fa’alavelave fa’anatura e lē tatau ona fa’aaogaina i ni malaga, fa’afiafiaga, pe fa’aalu i nisi mea e lē feso’ota’i ma le fa’alavelave fa’anatura. E tatau ona teu e tagata sao mai a latou risiti mo tausaga e tolu e fa’aali ai pe na fa’apefea ona fa’aaogā tupe maua mai le FEMA.
Afai o le a lē fa’aaogaina le tupe maua e pei ona fa’atulaga i le tusi, e ono fa’atonuina oe e toe totogi le FEMA ma e mafai ona e lē toe agava’a mo nisi fesoasoani mai le feterale e ono avanoa mulimuli ane mo mea toe fa’aleleia o le tou fa’alavelave fa’anatura.
Afai e Lē Lava le Fesoasoani e Lipea ai Lou Fale i le Tulaga na Iai Muamua:
A e talosaga mo se fesoasoani o fa’alavelave fa’anatura, e ono fa’asino oe i le Pulega o Pisinisi Laiti a le U.S. (SBA) E ofoina mai e le SBA ni nogātupe mo fa’alavelave fa’anatura i se pasene maulalo, O tagata e ona fale ma ē mautotogi ua maua ni pepa talosaga mo se nogātupe mai le SBA, e fautuaina ia fa’atumu le talosaga tusa pe filifili o le a lē avea lena. O tagata talosaga e toe fa’ama’amulu pe lē talia le nogātupe mai le SBA o le a lē fa’asinoina i le FEMA mo se fesoasoani o ni mana’oga tau SBA. Afai e pasia lau nogātupe, e lē fa’amalosia oe e talia. Afai e te talosaga ae lē agava’a mo se nogātupe SBA, e ono matala ai se faitoto’a mo se isi foa’i tupe fa’aopoopo mai le FEMA.
- Mo pisinisi ma nisi fa’alapotopotoga lē sa’ili polōfiti: e o’o i le $2 miliona mo mea totino fa’aleagaina ma manu’aga tau tamāoaiga.
- Mo ē ona fale: e o’o i le $500,000 e lipea pe toe fai ai le fale nofo.
- Mo ē ona fale ma ē mautotogi: e o’o i le $100,000 e toe fa’atau ai mea totino, e aofia ai ma ta’avale.
O pisinisi ma tagatānu’u e mafai ona talosaga i le initaneti: https://lending.sba.gov. Mo ni fesili ma se fesoasoani i le fa’atumuga o le talosaga a le SBA, vala’au i le 800-659-2955 pe imeli i le disastercustomerservice@sba.gov.
Mo fa’amatalaga aupito lata mai o afā malolosi ma lolōga i le Itumālo o San Diega iā Ianuari 21-23, 2024, asiasi i le www.fema.gov/disaster/4758.