Iyon FEMA Individuals and Households Program (Programan Indibiduat Siha yan Taotao Guma Siha, IHP) ha pribeniniyi asistensian fanansiat yan direkto na setbisiu siha para man nombrayon na indibiduat siha yan taotao guma siha nai man tai siguridat osino chat-siguridat na nesesario na gasto siha yan siriosu na nisisidat siha sa pot i Diniklaran-Presidente na desgrasia. I asistensia ma intentdi para u fakcha'i i fondamento na nisisidat i taotao guma siha, ti u bira tatti todu i kosas propiadat petsonat guatu gi antes di-desgrasia na kondision. Man lalalaha' nai man tai siguridat osino chat-siguridat na yinamak prinsipat na residensia sina man nombrayon para FEMA na asistensia yan man ma abisa na uma a'gang iyon-niha kompanian siguridat para uma fila klinema pot ginen-desgrasia na yinamak.
Komprendi Hafa Na Minalingu i FEMA Sina Ha Kobre
I FEMA na asistensia sa ti tulaikan siguridat yan ti sina man apasi para todu minalingu siha ginen i desgrasia. Ma intendi para u fakcha'i fondamento na nisisidat siha yan u suplimento chinagin rinikobren desgrasia siha. I FEMA na asistensia sina ma pribeniyi yanggen i desgrasia ha naguaha yinamak nai inafefekta i sagayon i guma. I FEMA ha pupula "uninhabitable (ti sagayon) " na liheng ni ti safu, gasgas, osino propiu para uma okupa. "Safe (Safu) " ha rifeferi i inasegura ginen i ginen-desgrasia na piniligru siha osino spinanta i okupante siha yan "sanitary (gasgas) " ha rifeferi i linibre ginen i ginen-desgrasia na pinilgrun hinemlo siha. I FEMA lokkue ha gagagao na i ginen-desgrasia na patte siha man fungsionat antes di i desgrasia. "Functional (Fungsionat) " ha rifeferi i kosas osino guma ni sina ma usa para i ma intendi na usu-na.
Yinamak guma debi na u ginen atdit na pakyo siha osino dilubiu siha na masusedi Henero 21-23, 2024 iya Bariun San Diego. I inspektot FEMA siha sina ma a'gang i man lalalaha' nai man manaplika para uma na guaha appointment para inspeksion.
Ehemplo siha pot Safu, Gasgas yan Fungsionat na Rinipeha siha para u Na Propiu i Guma para u Masagayi:
- Prpiadat: i FEMA sina man asiste yan nina'nuebo sino rinipeha siha para yinamak-desgrasia heating, ventilating, yan air-conditioning na sistema siha yan standadu na appliances taotao guma siha tat kumo furnaces, hot waters heaters, refrigerators yan stoves. Ti-esensiat na kosas siha taiguihi ha dishwashers yan trastes home theatre ti man ma kobre. Otro posibli na rinipeha siha nai sina man makobre sa sisteman utilidat siha tat kumo electrical, gas, yan septic/systeman sewer siha.
- Yinamak kisami yan atuf siha: i FEMA sina man asiste man ripeha ginen-desgrasia na sumi atuf siha nai ma yayamak kisami siha yan ma espapanta i electrical components, taiguihi ha overhead na kandit siha, lao ti mancha siha ginen i sumi atuf siha.
- Satgi siha: i FEMA sina man asiste man ripeha yinamak-desgrasia na papa satgi gi san halom i ma okukupa na patte siha gi guma, lao ti gi tampen satgi taiguihi ha tile osino carpet.
- Bentana siha: i FEMA sina man asiste yan ginen-desgrasia na yinamak bentana siha, lao ti gi blinds osino kuttina siha.
I FEMA sina ha pribeniyi Lodging Expense Reimbursement (Apas Gaston Sinaga, LER) para man nombrayon na aplikante siha nai ma rikohi san hiyong-i-boksa na gaston sinagan temporario siha sa ginen i yinamak na ha afefekta i sagayon iyon-niha prinsipat na residensia. I aplikante ti debi na ginen manrisibi asistensian sinaga ginen i otro na sustansia para parehu na fecha siha ni ma rikuekuesta LER.
I kinantida i asistensian fanansiat i indibiduat osino taotao guma sina ma risibi gi papa IHP sa limite. Kada klase na asistensian IHP gai spesifiku siha na kondision inombrayon yan ginagao dokumentasion siha. Sa pt kada sichuasion i lalalaha' difrentis, i kinatkulan i FEMA gi hafa sina para u kobre ti man parehu. Gasto siha para rinipeha na ha ups i kondision siha para u na safu i guma, gasgas yan fungsionat ti man nombrayon.
Gastan Maolek i Nina'en Salappi Siha
Nina'en desgrasia siha ti debi u fan ma'usa para biahi, tani, osino hafa na gastu siha ni ti sasaonao yan i desgrasia. Man lalalaha' debi na uma manteni risibu siha para tres anos para uma na annok taimanu ma gasta i nina'en FEMA siha.
Yanggen i nina'en salappi ti ma usa sigun gi ma sangan gi katta, sina hao ma gagao para un apasi tatti FEMA yan sina malingu i inombrayon para mas asistensian federat nai sina mu guaha dispues para iyo-mu rinikobren desgrasia.
Yanggen Asistensia ti Mu Nahong para u Ripeha Tatti I Guma-mu para i Orihinat na Kondision:
Yanggen man aplika hao para asistensian desgrasia, sina hao ma riferi guatu gi U. S. Small Business Administration (U. S. Administrasion Bisnis Dikiki, SBA). I SBA ha ofrefresi tatpapa-intires na inayao salappi desgrasia siha. Man gai guma siha yan atkilante siha ni marisibi i aplikasion para inayao salappi SBA man ma sosoyu na uma kompli i aplikasion achokha ma disidi ti para uma chuli. Aplikante siha nai lumatngus siha huyong ginen i kinalamtin osino renunsia i inayao salappi ginen i SBA siempre ti u fan mariferi para FEMA para asistensia yan Dipendentin-SBA na nisisidat siha. Yanggen ma aprueba hao para inayao salappi, ti obligao hao para un aksepta. Yanggen man aplika hao ya ti nombrayon para inayao salappi SBA, sina esti ha baba i potta para adisionat na nina'en salappi ginen i FEMA.
- Parabisnis siha yan palu nonprofits: esta hulo $2 miyon para yinamak propiadat yan linamin ekonomia.
- Paraman gai guma siha: esta hulo $500,000 para rinipeha osino na nina'nuebo iyon-niha prinsipat na residensia.
- Paraman gai guma siha yan atkilante siha: esta hulo $100,000 para rinipehan propiadat petsonat, inklukluso atumobit siha.
Bisnis siha yan residente siha sina maaplika online gi https://lending.sba.gov. Para kuestion siha yan asistensia kumompli i aplikasion SBA, a'gang 800-659-2955 osino email disastercustomerservice@sba. gov.
Para i mas alacha na infotmasion pot i Henero 21-23, 2024 Bariun San Diego atdit na pakyo siha yan dilubiu, bisita www.fema.gov/disaster/4758.