COLUMBIA, S.C. – South Carolina ပြည်နယ်၏ တောင်းခံချက်အရ၊ FEMA ၏ အကူးအပြောင်းကာလ နေထိုင်မှုအထောက်အပံ့အစီအစဉ်ကို Helene ၏ဘေးအန္တရာယ်မှလွတ်မြောက်လာသူများအနေနှင့် ဆက်လက်၍ ယာယီခိုလှုံရန်လိုအပ်နေသူများအတွက် ဇန္နဝါရီလ ၁၁ ရက် ၂၀၂၅ အထိ တိုးချဲ့လိုက်ပါသည်။
ယင်းသည် အိမ်ထောင်စုများအနေနှင့် အခြားသော နေစရာအိမ်ကိစ္စ ဖြေရှင်း ချက်တွေ့ရှိရန် သို့မဟုတ် ၎င်းတို့၏အိမ်ကို ပြင်ဆင်မှုပြုခြင်းအတွက် အချိန်ပို ရရှိစေပါသည်။ ယင်းတွင် ဧရိယာအတွင်းရှိ ဟော်တယ်များတွင် နေထိုင်ပြီးဖြစ်သော မိသားစု 6,000 ကျော်တို့အတွက် ဟော်တယ်နှင့် မိုတယ်အခန်းများ၏ ငှားရမ်းခများ ကို ဆက်လက် ထောက်ပံ့ပေးလိမ့်မည်ဖြစ်သည်။
“အကူးအပြောင်းကာလနေထိုင်မှု အထောက်အပံ့အစီအစဉ်ကို အားလပ်ရက် ကာလတလျောက်တိုးချဲ့ခြင်းသည် ဤ သဘာဝဘေးအန္တရာယ်အပြီးတွင် များစွာလိုအပ်နေသူများအတွက် သက်သာခွင့်နှင့် ၎င်းတို့၏ဘဝကို ပြန်လည် ထူထောင်နေသည့် South Carolina တွင် နေထိုင်သူများအတွက် အထောက် အကူဖြစ်စေပါလိမ့်မည်။”ဟု Kim Steson၊ South Carolina အရေးပေါ် စီမံခန့်ခွဲမှု ဒါရိုက်တာက ပြောပါသည်။
အစီအစဉ်တိုးချဲ့ မှုကို ဇန္နဝါရီလ ၁၀ ရက် 2025 ညအချိန်အထိ South Carolina ရှိ Helene ဘေးအန္တရာယ်မှလွတ်မြောက်လာသူများ၊ ယင်းတို့ အနေနှင့် ယာယီခိုလှုံစရာ ဆက်လက်လိုအပ်နေသူများအတွက် တိုးချဲ့ပါမည်။ ၎င်းတို့သည် တည်းခိုနေထိုင်ရာ နေရာများမှ ဇန္နဝါရိလ ၁၁ ရက် 2025တွင် ထွက်ခွါရပါမည်။
ယနေ့အထိ အိမ်ထောင်စုပေါင်း 10,000ကျော်သည် ယာယီခိုလှုံစရာနေရာ များတွင် အကူးအပြောင်းကာလ နေထိုင်မှု အထောက်အပံ့အစီအစဉ်တွင် ပါဝင်သည့် ဟော်တယ်များတွင် နေကြပြီး၊ ယင်း၏သုံးပုံတပုံသည် သင့်တော် သောနေရာ၊ ရေရှည်နေနိုင်သော အိမ်ယာကိုရရှိပြီး၊ ၎င်းတို့ပြန်လည်ထူထောင် ရန် ပြောင်းရွှေ့ပြီး ဖြစ်ပါသည်။
FEMA သည် အိမ်ထောင်စုများအား ၎င်းတို့သည် အထောက်အပံ့အတွက် မူလလျှောက်လွှာတင်ချိန်တွင် ဖော်ပြခဲ့သည့် ၎င်းတို့အားဆက်သွယ်ရန် နည်းလမ်းများအတိုင်း ၎င်းတို့တည်းခိုနေထိုင်ရာမှ ထွက်ခွါရမည့်ရက် မတိုင်မီ ၇ ရက် ကြိုတင်၍ သတိပေးပါလိမ့်မည်။ အလားတူ သတင်းပေးပို့ချက်တခုကိုလည်း သဘာဝဘေးအန္တရာယ် အထောက်အပံ့အကောင့်ကို DisasterAssistance.gov.တွင် ဖွင့်လှစ်ထားပါက ယင်းအဖွဲ့ဝင်များ၏ အကောင့် သို့ပေးပို့ပါလိမ့်မည်။
ဘေးအန္တရာယ်မှလွတ်မြောက်လာသူများသည် သတင်းအချက်အလက် ပိုမို သိရှိရန်အတွက် FEMA Helpline 800-621-3326 သို့ ဆက်သွယ်နိုင် ပါသည်။