ATLANTA - FEMA ဘေးအန္တရာယ် လွတ်မြောက်သူ ကူညီမှုအဖွဲ့ဝင်များသည် ဟာရီခိန်း ဟဲလင်း မုန်တိုင်းကြောင့် ထိခိုက်သည့် တောင်ကာရိုလိုင်းနား ပတ်ဝန်းကျင်မှ လူများအား FEMA အကူအညီများလျှောက်ထားရန် ကူညီနေကြသည်။
DSA ကျွမ်းကျင်သူများသည် FEMA အဝတ်အစားများနှင့် အစိုးရ၏ဓာတ်ပုံ အထောက်အထားများကို တတ်ဆင်ထားသည်။ သူတို့သည် ဖယ်ဒရယ်အကူအညီကို လျှောက်ထားရန်၊ လျှောက်လွှာ၏ အခြေအနေကို စစ်ဆေးရန်၊ ဖြစ်နိုင်ခြေရှိသော လိုအပ်ချက်များကို ဖော်ထုတ်ရန်နှင့် အရင်းအမြစ်များကို ပံ့ပိုးပေးနိုင်သည့် အဖွဲ့အစည်းများနှင့် ချိတ်ဆက်မှုပြုလုပ်ရန် ဒုက္ခရောက်နေသော ရပ်ကွက်များတွင် တစ်အိမ်တက်တစ်ဆင်း သွားရောက်ကြသည်။ DSA အဖွဲ့ဝင်များသည် ငွေတောင်းခံခြင်း သို့မဟုတ် လက်ခံခြင်း ဘယ်တော့မှမပြုပါ။
သင် FEMA အကူအညီလျှောက်ထားပြီးနောက်၊ FEMA သည် အိမ်ပျက်စီးမှုကို စစ်ဆေးရန် သင့်အား ခေါ်ဆိုနိုင်ပါသည် သို့မဟုတ် လျှောက်ထားမှု အလုပ်ဖြည့်ရန် အချက်အလက်များ လိုအပ်နိုင်ပါသည်။ ထိုဖုန်းခေါ်ဆိုမှုများသည် မရင်းနှီးသောဒေသကုဒ် သို့မဟုတ် ဖုန်းနံပါတ်များမှ ဖြစ်နိုင်ပါသည်။
ဖုန်းကို ဖြေဆိုရန် အရေးကြီးပါသည်။ FEMA စစ်ဆေးမှုသည် အိမ်၏ လုံခြုံရေး၊ ကျန်းမာရေးနှင့် လွယ်ကူစွာ အသုံးပြုနိုင်မှုကို သုံးသပ်ရန်လိုအပ်နိုင်ပါသည်။ စစ်ဆေးမှုကို မစီစဉ်နိုင်ပါက FEMA ၏ လျှောက်ထားမှု အမြဲပြန်လည်သုံးသပ်မှုတွင် နောက်ကျနိုင်ပါသည်။
FEMA ကိုယ်စားလှယ်များအားလုံးသည် တရားဝင် အထောက်အထားများ ရှိပါသည်။ အိမ်စစ်ဆေးသူများသည် လျှောက်ထားသူနှင့် ထပ်မံရောက်ရှိမည့်နေ့ရက်ကို မလာခင်စီစဉ်ပါမည်။ သူတို့သည် လျှောက်ထားသူ၏ FEMA လျှောက်လွှာ နံပါတ်ကို သိရှိပြီး ဖြစ်သည်။ သူတို့သည် ဓာတ်ပုံ မှတ်ပုံတင် အထောက်အထားများရှိပြီး လျှောက်ထားသူအား ပြသမည်။ စစ်ဆေးသူများသည် ငွေတောင်းခံခြင်း သို့မဟုတ် လက်ခံခြင်း ဘယ်တော့မှမပြုပါ။ သူတို့၏ဝန်ဆောင်မှုသည် အခမဲ့ဖြစ်ပါသည်။
ဘယ်လိုလျှောက်ထားရမလဲ
Aiken, Anderson, Bamberg, Barnwell, Cherokee, Greenville, Greenwood, Lexington, Newberry, Oconee, Pickens, Saluda နှင့် Spartanburg ပြည်နယ်များရှိ အိမ်ရှင်များနှင့် ငှားနေသူများသည် အောက်ပါနည်းလမ်းများဖြင့် လျှောက်ထားနိုင်ပါသည် - DisasterAssistance.gov သို့ ဝင်ကြည့်ပါ၊ FEMA အက်ပ်ကိုအသုံးပြုပါ၊ သို့မဟုတ် ၈၀၀-၆၂၁-၃၃၆၂ကို ဖုန်းခေါ်ပါ။ ဖုန်းလိုင်းများသည် နေ့စဉ်ဖွင့်လှစ်ထားပြီး ဘာသာစကားများစွာဖြင့်ကူညီပေးပါသည်။ သင်သည် ဗီဒီယို တစ်ဆင့်ခံဝန်ဆောင်မှု (VRS, Video Relay Service)၊ စာတမ်းထိုး တယ်လီဖုန်း၊ သို့မဟုတ် အခြားဝန်ဆောင်မှုများကဲ့သို့သော တစ်ဆင့်ခံဝန်ဆောင်မှုများ အသုံးပြုပါက အဆိုပါဝန်ဆောင်မှုအတွက် သင့်ဖုန်းနံပါတ်ကို FEMA ကိုပေးပါ။ အကူအညီ လျှောက်ထားနည်း ဗီဒီယိုများအား ကြည့်ရှုရန် FEMA Accessible: Applying for Individual Assistance - YouTubeတွင် ရရှိနိုင်ပါသည်။
တောင်ကာရိုလိုင်းနား၏ ပြန်လည်ထူထောင်ရေးနှင့် ပတ်သက်သော နောက်ဆုံးရသတင်းများကို https://www.fema.gov/disaster/4829 တွင် ကြည့်ရှုနိုင်ပါသည်။ FEMA အား X ပေါ်တွင် x.com/femaregion4 ၌လည်းကောင်း၊ သို့မဟုတ် Facebook ပေါ်တွင် facebook.com/fema၌လည်းကောင်း ဖောလိုး လုပ်ပါ။