ATLANTA –ဟာရီခိန်း ဟဲလင်း မုန်တိုင်းကြောင့် ထိခိုက်မှု ရှိသော Edgefield၊ Laurens နှင့် Union ခရိုင်များရှိ အိမ်ပိုင်ရှင်များနှင့် အိမ်ငှားသူများသည် အာမခံမထားသော ထိခိုက်မှု သို့မဟုတ် ဆုံးရှုံးမှုရှိလျှင် FEMA ဘေးအန္တရာယ်ကူညီမှုအတွက် တင်သွင်းနိုင်ပါသည်။
FEMA မှ အရေးကြီးလိုအပ်ချက်များ၊ အိမ်မှပြောင်းရွှေ့ရခြင်း၊ ယာယီတည်းခိုစရာ၊ အခြေခံ အိမ်ပြုပြင်စရိတ်များ၊ ပုဂ္ဂလိကပိုင်ဆိုင်မှုများ ဆုံးရှုံးခြင်း၊ သို့မဟုတ် အခြား ဘေးအန္တရာယ်ကြောင့်ဖြစ်သော လိုအပ်ချက်များနှင့်ပတ်သက်၍ ကူညီနိုင်ပါသည်။ မကြာမီအခါက Aiken၊ Anderson၊ Bamberg၊ Barnwell၊ Cherokee၊ Greenville၊ Greenwood၊ Lexington၊ Newberry၊ Oconee၊ Pickens၊ Saluda နှင့် Spartanburg ခရိုင်များမှ အိမ်ထောင်စုများသည် ကူညီမှုအတွက် ခွင့်ပြုမှုရခဲ့သည်။
တင်သွင်းရန် အမြန်ဆုံးနည်းလမ်းမှာ အွန်လိုင်းတွင် DisasterAssistance.govသို့ သွားပါ။ သင်သည် FEMA App ကို အသုံးပြု၍ သို့မဟုတ် အခမဲ့ 800-621-3362သို့ ဖုန်းခေါ်၍လည်း တင်သွင်းနိုင်ပါသည်။ တယ်လီဖုန်းလိုင်းကို နေ့တိုင်းဖွင့်ထားပြီး အကူအညီကို ဘာသာစကားအများစုဖြင့် ရနိုင်ပါသည်။ သင်သည် ဗီဒီယို တစ်ဆင့်ခံဝန်ဆောင်မှု (Video Relay Service, VRS) စာတမ်းထိုး တယ်လီဖုန်း၊ သို့မဟုတ် အခြားဝန်ဆောင်မှုများကဲ့သို့သော တစ်ဆင့်ခံဝန်ဆောင်မှုများ အသုံးပြုပါက အဆိုပါဝန်ဆောင်မှုအတွက် သင့်ဖုန်းနံပါတ်ကို FEMA ကိုပေးပါ။ လျှောက်ထားနည်း ဗီဒီယိုကိုကြည့်ရှုရန် Three Ways to Apply for FEMA Disaster Assistance - YouTubeသို့ သွားပါ။ လျှောက်ထားမှုအတွက် နောက်ဆုံးရက်မှာ Nov. 29, 2024 ဖြစ်ပါသည်။
သင်လျှောက်ထားသည့်အခါ လိုအပ်ချက်များ
- သင့်အားဆက်သွယ်နိုင်သည့် လက်ရှိဖုန်းနံပါတ်တစ်ခု။
- ဘေးအန္တရာယ်ကျရောက်ချိန်က သင်၏လိပ်စာနှင့် သင်ယခုနေထိုင်နေသော လိပ်စာ။
- သင်၏ လူမှုလုံခြုံရေးနံပါတ်။
- အပျက်အစီးများနှင့် ဆုံးရှုံးမှုများ အထွေထွေစာရင်း။
- သင် တိုက်ရိုက်ငွေလွှဲ ကိုရွေးချယ်မည်ဆိုပါက ဘဏ်သတင်းအချက်အလက်။
- အာမခံထားရှိပါက ပေါ်လစီနံပါတ်၊ သို့မဟုတ် ကိုယ်စားလှယ် နှင့်/သို့မဟုတ် ကုမ္ပဏီ နာမည်။
သင့်တွင် အိမ်ပိုင်ရှင်၊ ငှားရမ်းသူ သို့မဟုတ် ရေဘေးအာမခံရှိပါက တတ်နိုင်သမျှ အမြန်ဆုံး တောင်းဆိုလွှာ တင်သင့်ပါသည်။ အာမခံဖြင့် အကာအကွယ်ပေးထားသည့် ဆုံးရှုံးမှုများအတွက် အကျိုးခံစားခွင့်များကို FEMA က ထပ်မံမပေးနိုင်ပါ။ သင့် အာမခံမူဝါဒသည် သင်၏ ဘေးအန္တရာယ်ဆိုင်ရာ ကုန်ကျစရိတ်အားလုံးအတွက် အကျုံးမဝင်ပါက သင်သည် ဖက်ဒရယ်အကူအညီအတွက် အရည်အချင်းပြည့်မီနိုင်သည်။
South Carolina ၏ ပြန်လည်ထူထောင်မှုနှင့်ပတ်သတ်၍ နောက်ဆုံးရသတင်းအချက်အလက်များအတွက် www.fema.gov/disaster/4829သို့ သွားရောက်ပါ။
FEMA အား X ပေါ်တွင် x.com/femaregion4 ၌လည်းကောင်း၊ သို့မဟုတ် Facebook ပေါ်တွင် facebook.com/fema ၌လည်းကောင်း ဖောလိုး လုပ်ပါ။