ဗားမောင့် နေ ပြည်သူများကိုအမျိုးသားရေဘေးအာမခံအစီအစဉ်က ဘယ်လိုကူညီနိုင်မလဲ။

ဇူလိုင်လတွင် ဗားမောင့်၏ မကြာသေးမီက မုန်တိုင်းများက ရေလွှမ်းမိုးမှု မည်မျှ ပျက်စီးစေနိုင်သည်ကို ဖော်ပြသည်။ အမျိုးသားရေဘေးအာမခံအစီအစဉ်မှ မူဝါဒတစ်ခုဖြင့် သင့်အိမ် သို့မဟုတ် လုပ်ငန်းကို အာမခံပေးခြင်းသည် နောက်လာမည့်ရေဘေးအတွက် ကြိုတင်ပြင်ဆင်ခြင်းနှင့် ပြန်လည်ထူထောင်ရန် ကူညီပေးနိုင်ပါသည်။

အမျိုးသားရေဘေးအာမခံအစီအစဉ်သည် အဘယ်နည်း။

အမျိုးသားရေဘေးအာမခံအစီအစဉ်(NFIP) သည် ရေကြီးရေလျှံမှုအန္တရာယ်ရှိ နိုင်သည့်အိမ်ခြံမြေပိုင်ရှင်များ၊ ငှားရမ်းသူများနှင့် စီးပွားရေးလုပ်ငန်းရှင်များကို ကူညီပေးသည်။ FEMA မှ စီမံခန့်ခွဲပြီး၊ အာမခံကုမ္ပဏီ 50 ကျော် သို့မဟုတ် NFIP Direct မှ တဆင့် ကိုယ်စားလှယ်များနှင့် တဆက်တပြောဖြစ်သော အာမခံအေးဂျင့်များအများစုက ဝင်ရောက်ကြရနိုင်သည့်အကူအညီဖြင့် NFIP သည် ရေကြီးရေလျှံမှုဖြစ်ပွားပြီးနောက် လျှင်မြန်စွာ ပြန်လည်ထူထောင်နိုင်ရန်အတွက် ရေဘေး အာမခံ ပံ့ပိုးပေးပါသည်။ ရေဘေးအာမခံသည် ရေလွှမ်းမိုးမှုကြောင့် သင့်အိမ် သို့မဟုတ် လုပ်ငန်းအတွက် အကျုံးဝင်သည်။

ငှားရမ်းသူများ၊ အိမ်ပိုင်ရှင်များနှင့် စီးပွားရေးလုပ်ငန်းများအတွက်

NFIP မူဝါဒများသည် အမျိုးသားရေဘေးအာမခံအစီအစဉ်တွင်ပါဝင်သည့် ရပ်ရွာများရှိ ငှားရမ်းသူများ၊ အိမ်ပိုင်ရှင်များနှင့် စီးပွားရေးလုပ်ငန်းများအတွက် ရရှိနိုင်ပါသည်။ NFIP တွင်ပါဝင်သည့်အသိုက်အဝန်းများသည် ရေလွှမ်းမိုးမှုလျော့ပါးစေရန်အစီအစဥ်ကိုလိုက်နာကြပြီး၊ ၎င်းသည် ဆောက်လုပ်ရေးလုပ်ငန်းရှင်များအား အချို့သောအကာအကွယ်အစီအမံများတပ်ဆင်ရန် လိုအပ်ခြင်း သို့မဟုတ် ရေကြီးမှုအများဆုံးဖြစ်လေ့ရှိသောဒေသများတွင် ဖွံ့ဖြိုးတိုးတက်မှုကို ကန့်သတ်ခြင်းတို့ပါဝင်နိုင်သည်။ သင့်အသိုက်အဝန်းးတွင် အကျုံးဝင်ခြင်းရှိ၊မရှိ ကြည့်ရှုရန် NFIP ရည်ညွှန်းခေါ်ဆိုမှုစင်တာသို့ 800-427-4661 သို့ခေါ်ဆိုပါ သို့မဟုတ် FloodReady.Vermont.gov/Find_Funding/Flood_Insuranceသို့ ဝင်ရောက်ကြည့်ရှုပါ။

ကျွန်ုပ်သည် ရေဘေးအာမခံကို အဘယ်ကြောင့်လိုအပ်သနည်း။

အကယ်၍ သင်သည် "အန္တရာယ်များသော" ဧရိယာတွင် မနေထိုင်သော်လည်း၊ သင့်အိမ်သည် ရေလွှမ်းမိုးနိုင်ဆဲဖြစ်သည် - NFIP တောင်းဆိုမှု၏ 20 ရာခိုင်နှုန်းကျော်သည် အန္တရာယ်အများဆုံးဒေသများ၏ ပြင်ပမှလာပါသည်။ ရေမျက်နှာပြင် ရေပမာဏတစ်လက်မသာ ရောက်ရှိသည့်အခါမှာပင် $25,000 အထိ ထိခိုက်နစ်နာမှု ဖြစ်ပေါ်စေနိုင်သည်။ တစ်ဦးချင်းနှင့် အိမ်သူအိမ်သား အကူအညီများမှ FEMA ရန်ပုံငွေများသည် ရေလွှမ်းမိုးပြီးနောက် သင့်အိမ်ကို ဘေးကင်းစေမည်ဖြစ်သော်လည်း ပျက်စီးမှုအားလုံးကို မကာမိနိုင်ပါ။ ဘေးအန္တရာယ်ခံရပြီးနောက် ပြန်လည်ထူထောင်ရေးရန်ပုံငွေ၏ အကောင်းဆုံးရင်းမြစ်မှာ ရေဘေးအာမခံမူဝါဒဖြစ်သည်။

အိမ်ပိုင်ရှင်အာမခံသည် ရေဘေးအာမခံမဟုတ်ပါ။

အိမ်ပိုင်ရှင်များနှင့် ငှားရမ်းသူအများစု၏ အာမခံမူဝါဒများသည် ရေကြီးမှုကြောင့် ပျက်စီးဆုံးရှုံးမှုများကို အကျုံးမဝင်ပေ။ သင့်မူဝါဒတွင် ရေလွှမ်းမိုးမှု အတိအကျ မပါဝင်ပါက အကာအကွယ်ပေးရန် သီးခြားရေဘေးအာမခံ လိုအပ်မည်ဖြစ်သည်။ NFIP မူဝါဒသည် အကျုံးဝင်မှု အမျိုးအစား နှစ်ခုမှတစ်ဆင့် သင့်ဖွဲ့စည်းပုံနှင့် ပစ္စည်းများအတွက် တိုက်ရိုက်ရုပ်ပိုင်းဆိုင်ရာ ဆုံးရှုံးမှုများကို အကျုံးဝင်သည်: တည်ဆောက်မှု လွှမ်းခြုံမှုနှင့် အကြောင်းအရာ အကျုံးဝင်မှု။

ကျွန်ုပ်အိမ်သည် ရေမြုပ်သွားသည်။ ကျွန်ုပ်အာမခံရနိုင်ပါသလား။

သင့်အိမ်၊ တိုက်ခန်း သို့မဟုတ် လုပ်ငန်းသည် အကြိမ်မည်မျှရေမြုပ်သည်ဖြစ်စေ အရေးမကြီးပါ။ သင့်အသိုင်းအဝိုင်းသည် NFIP တွင်ပါဝင်ပါက၊ သင်သည် ရေဘေးအာမခံအတွက် အရည်အချင်းပြည့်မီပါသည်။

သင့်တွင် အာမခံရှိပါက၊ တောင်းဆိုချက်အမြန်ဆုံးတင်ပြပါ။ သင့်အေးဂျင့်ကို ဖုန်းခေါ်ဆိုပါ၊ သင့်ပျက်စီးဆုံးရှုံးမှုများကို ဓာတ်ပုံရိုက်ပါ၊ ပြုပြင်မှုအားလုံးအတွက် ပြေစာများကို သိမ်းဆည်းထားပါ။ နောက်ထပ်အချက်အလက်များအတွက် www.FloodSmart.gov/How-Do-I-Start-My-Flood-Claimသို့ဝင်ရောက်ကြည့်ရှုပါ။

အာမခံကို ယခုရယူခြင်းသည် ယခင်ဖြစ်ပွားခဲ့သော ပျက်စီးဆုံးရှုံးမှုများကို ကာမိမည်မဟုတ်သော်လည်း၊ ၎င်းသည် သင့်အား နောက်ဖြစ်ပွါးနိုင်မည့်မုန်တိုင်းများမှ ကာကွယ်ပေးနိုင်ပါသည်။ သင်သည်ရေဘေးအာမခံကို အချိန်မရွေး ဝယ်ယူနိုင်ပါသည်။ မူဝါဒအများစုတွင် ပရီမီယံကြေးပေးဆောင်ပြီးသည့်နောက် မူဝါဒအတည်မပြုမီ ရက် 30 စောင့်ဆိုင်းကာလရှိသည်။

ကျွန်ုပ်သည်FEMA ဘေးအန္တရာယ်အကူအညီကို မည်သို့လျှောက်ထားရမည်နည်း။

သင့်တွင် ရေလွှမ်းမိုးမှုကြောင့် ပျက်စီးမှုများရှိပါက FEMA မှ ကူညီနိုင်မည်ဖြစ်ပါသည်။ သင်သည် အာမခံထားသူဖြစ်ပါက၊ သင်၏တောင်းဆိုမှုကို လုပ်ဆောင်ရန် စောင့်ဆိုင်းနေရန် မလိုအပ်ပါ။ ဇူလိုင်လ 2024 ခုနှစ် ပြင်းထန်သော ရာသီဥတု ဖြစ်ရပ်နှစ်ခုလုံးမှ သက်ရောက်မှုရှိသော ဗားမောင့် နေ ပြည်သူများသည် FEMA တစ်ဦးချင်းအကူအညီကို လျှောက်ထားရန် နိုဝင်ဘာ 25၊ 2024အထိ ရှိသည်။ လျှောက်ထားရန် နည်းလမ်းလေးမျိုးရှိသည်။

• DisasterAssistance.gov ကို အွန်လိုင်းမှ ဝင်ရောက်ကြည့်ရှုပါ။ 
• FEMA အကူအညီလိုင်း 800-621-3362သို့ ဖုန်းခေါ်ဆိုပါ။ 
• FEMA  ၏ မိုဘိုင်းအပ်ပလီကေးရှင်းကို ဒေါင်းလုဒ်လုပ်ပါ။
• ဘေးအန္တရာယ်ပြန်လည်ထူထောင်ရေးစင်တာ သို့ သွားရောက်ကြည့်ရှုပါ။ နေရာနှင့် ဖွင့်ချိန်များအတွက် fema.gov/drcသို့ ဝင်ရောက်ကြည့်ရှုပါ။