HONOLULU – Mõttan ruo wiik ñan armij ro rekkar wia em im ro rej reen em ñan kateruru ñan jibañ eo jen FEMA ikijen jorrāān kauwōtata elañe ekkar wõr jorrāān ak jako men ko mweiem jen kijeek ko relab ilo Okwoj 8 raan ilo Maui. Kwõmaron bar kateruru ñan loon ikijen jorrāān kauwõtata jen U.S. Small Business Administration (Doulul eo ej jibañ bejnej jidik ko ilo Amedka), juon jikin eo ej jerbal ibben FEMA ñan jibañ Maui.
Raan in kateruru eo āliktata ej Taije, Nobomba 9, ñan ibben opij ko jimor an federal. Burokraam in jibañ ko rej aikuj am kadeloñ etam ñan jibañ eo an FEMA ikijen jorrāān kauwõtata mokta jen aer lomnak ñe kwõmaron kobalok ilo burokraam ko, innem aurok am mokaj im kadeloñ etam.
Ro rekkar ioon jorrāān emõj rõjañ aer bael claim in injuran ko ñan em ko elab aer jokwe ae im rejorrāān ak jako, mweiuk ko aer make im wa ko mokta jen aer kateruru ñan jibañ eo an FEMA. Jāān in jibañ ko an FEMA rejab aikuj karoollok im jibañ eo jen FEMA ejab kolla eowoj im ebañ kakkure am maron tõbrak ñan Social Security, Medicaid ak jibañ ko jet an federal.
Elab kwõnaan American Red Cross ilo aer kõmadmõde jibañ ko jen kijeek ko relab ilo Maui. Red Cross ekkar lelok jibañ in jāān, jikin jokwe ilo hotel ilo kõtāān ien im jibañ ko jet, ekoba jibañe armij ro rekkar ioon jorrāān im rejab maron tõbrak ñan jet burokraam ko an FEMA. Kwõmaron kõlaajrake ien am kenono ibbeir ilo RedCross.org/HIhelp, kenono ibben juon rijerbal an Red Cross ilo Jikin Jibañ eo jen Jorrāān Kauwõtata ñe ejab kall ae lok 800-RED-CROSS (800-733-2767).
Burokraam in Jibañ eo ñan Kajojo Armij an FEMA emõj kõmmane ńan jibañ kwe kin aikuj ko am ekkā joñaer, aurok einwõt ilo an mweo imõm jab kauwõtata, erreo, im kwõmaron kõjerbale. Jibañ ekoba jibañ kin wonnen reen, karool waj wonnen jikin am kar kiki, im kõmmane jorrāān ko ilo mweo imõm im jibañ ñan bar juon imõn jokwe.
Ñan am kateruru ñan jibañ eo an FEMA, lale DisasterAssistance.gov, kõjerbal FEMA mobile app ñe ejab kall ae lok Lain in Kall eo an FEMA ilo 800-621-3362. Ñe kwõj kõjerbal juon kein jibañ ñan ro rejaroñroñ ak ro repilo einwõt juon Kein Jibañ ilo Bideo, jeje ko rej walok ilo talebon ak bar jet, lelok nomba eo am ñan FEMA ilo ien am kateruru. Rijerbal ro rej uwaak kall rebojak in jibañ kwe jen 1 awa raelap ñan 8 awa jota, jilimjuon raan ilo juon wiik, im rejela elõñ kajin ko roktak. Jibed 2 ñan Kajin Spanish. Jibed 3 ñan juon riukok eo ejela kajin eo am.
Ñan bideo ilo Kajin Kakõlle eo an Amedka kin wāween am kateruru, etal ñan https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6. Kwõmaron bar etal ñan jabdewõt Jikin Jibañ jen Jorrāān Kauwõtata ñan am loe uwaak ko ñan kajjitõk ko am. Bukõt juon jikin ijin: DRC Locator (fema.gov).
Elab an FEMA jerbal ibben U.S. Small Business Administration (Doulul eo ej jibañ bejnej jidik ko ilo Amedka), im ej lelok loon ko edik orlok ikijen jorrāān kauwõtata ñan armij ro rekkar wia em, ro rej reen em, doulul ko rejab bejnej im bejnej ko. Jet armij ro rej kateruru remaron lemaanlok er ñan SBA ñan aer kateruru ñan juon loon ikijen jorrāān kauwõtata. Armij ro emõj aer wia em remaron baro lok ñan $500,000 jen SBA ñan kõmmane jorrāān ak kõkkāāle imõn jokwe eo elab aer jokwe ie. Armij ro rekkar wia em im ro rej reen em remaron baro lok ñan $100,000 ñan aer kõmmane jorrāān ak kõkkāāle jikin ko aer make.
Ñan jibañ ikijen jorrāān kauwõtata jen SBA, kwõmaron kateruru online im download ae ablikajon ko ilo https://www.sba.gov/hawaii-wildfires. Armij ro rej kateruru remaron bar ebõk melele ilo aer kall ae lok Jikin Jibañ Customer eo an SBA ilo 800-659-2955 ñe ejab email ae lok disastercustomerservice@sba.gov.
Ñan armij ro rej kateruru ibben SBA im rejaroñroñ, ebin aer roñjak ak ewõr utamwe ilo aer kenono, jibed 711 ñan kõjerbal jibañ in leto letak melele ñan ro rejaroñroñ im ro repilo. Ablikajon ko ededelok kanne remaron mael ñan U.S. Small Business Administration, Processing and Disbursement Center, 14925 Kingsport Road, Fort Worth, TX 76155.
Ñan melele ko rekaaltata kin jerbal ko ñan jibañ kijeek ko relablok rekkar walok ilo Maui, lale mauicounty.gov, mauirecovers.org im fema.gov/disaster/4724. Loor FEMA ilo social media: @FEMARegion9 im facebook.com/fema. Kwõmaron bar loe melele kin jibañ jen jorrāān kauwõtata eo ear walok im download ae ablikajon ko ilo sba.gov/hawaii-wildfires.