HONOLULU – ʻOku toe ʻa e uike ʻe ua kia kinautolu ʻoku ʻi ai honau ngaahi ʻapí mo e kakai nofo totongí ke kole ki he tokoni ʻa e FEMA ki he fakatamakí ʻo kapau naʻe hoko ha maumau pe mole ki ho ʻapí mei he vela vao ʻo ʻAokosi 8 ʻi Mauí. Té ke lava foki ʻo kole ki ha nō koeʻuhi ko ha fakatamaki meí he Pule ʻo e Pisinisi Iiki ʻa ʻAmeliká, ko e hoangāue ʻo e FEMA ʻi he fakaakeake ʻa Mauí.
ʻE ngata ʻa e kole ki ai ʻi he Tuʻapulelulu, Nōvema. 9, ki he ongo kautaha fakapuleʻangá fakatouʻosi. ʻOku tuʻutuʻuni ʻe he ngaahi polokalama fakaakeaké ké ke lesisita ki he tokoni ʻa e FEMA ki he fakatamakí kimuʻa pea lava ke fakakaukauʻi koe ki he ngaahi polokalama ko iá, ko ia ai ʻoku mahuʻinga ke lesisita leva.
ʻOku tapou atu ki he kakai naʻe hao moʻui meí he fakatamakí ke faile ʻa e ngaahi keleimi maluʻi ki he maumau mo e ngaah mole ki honau ngaahi ʻapi tefitó, koloa taautahá mo e ngaahi meʻalelé kimuʻa pea kole ki he tokoni ʻa e FEMA. Ko e ngaahi tokoni ʻa e FEMA ʻoku ʻikai fie maʻu ia ke totongi fakafoki pea ʻoku ʻikai ke tukuhauʻi ʻa e totongi ʻa e FEMA pea ʻe ʻikai foki ké ne uesia ʻa e Social Security, Medicaid pe ha ngaahi monūʻia fakapuleʻanga kehe.
Kuo fakahoko ʻe he American Red Cross ha fatongia mahino ʻi he ngaue ki he ngaahi vela vao ʻi Maui. ʻOku ʻoatu ʻe he Red Cross ʻa e tokoni fakapaʻanga, nofoʻanga fakataimi ʻi he ngaahi hōtele mo e ngaahi ngāue kehe, kau ki ai hono tokoniʻi ʻo kinautolu naʻá nau hao moʻui ʻa ia ʻoku ʻikai kenau lava ʻo kau ki he ngaahi polokalama FEMA ʻe niʻihi. ʻE lava ké ke fakaʻaho ha ʻapoinimeni ʻi he RedCross.org/HIhelp, lea ki ha fakafofonga ʻo e Red Cross ʻi ha Senitā Fakaakeake meí he Fakatamakí pe telefoni ki he 800-RED-CROSS (800-733-2767).
ʻOku faʻu ʻa e polokolama Tokoni Fakatautaha ʻa e FEMA ke tokoniʻi koe ʻi he ngaahi fie maʻu tefito, vivilí ʻo hangē ko ha feituʻu ʻoku malu, maʻa mo lava ke aʻu ki ai ki he nofó. ʻOku kau ʻi he tokoní ʻa e tokoni ki he nofo totongí, totongi fakafoki ʻo e ngaahi fakamole ki he nofo taimi nounoú, mo e tokoni ki he monomono mo e fetongi ʻapí.
Ke kole ki he tokoni ʻa e FEMA, vakai ki he DisasterAssistance.gov, ngāue ʻaki ʻa e FEMA mobile app pe telefoni ki he Laine Mauʻanga Tokoni ʻa e FEMA at 800-621-3362. Kapau té ke ngāue ʻaki ha ngāue fakatonulea ʻo hangē ko e Ngāue Fakatonulea ʻi he Vitioó, ngāue telefoni maʻá e tulí pe ha ngaahi ngāue kehe, ʻoatu hoʻo fika telefoní ki he FEMA ki he ngāue ko iá ʻi he taimi té ke tohi kole aí. ʻOku ʻatā ʻa e tali telefoní ʻi he 1 pongipongi. ki he 8 efiafi., ʻaho ʻe fitu ʻi he uike, pea ʻokú nau lea ʻi he ngaahi lea fakafonua lahi. Lomi ʻa e 2 ki he faka-Sipēnisí. Lomi ʻa e 3 ki ha taha fakatonulea ʻoku lea ʻi hoʻo lea fakafonuá.
Ki ha vitiō Lea Talanoa Tuhutuhu faka-ʻAmeliká ki he founga ke fakahoko ʻaki ʻa e kolé, vakai ki he https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6 .Té ke lava foki ʻo ʻaʻahi ki ha Senitā Fakaakeake meí he Fakatamakí ke maʻu ʻa e ngaahi tali ki hoʻo fehuʻí. Kumi ha senitā ʻi he DRC Locator (fema.gov).
ʻOku ngāue vāofi ʻa e FEMA mo e Pule ʻo e Pisinisi Iiki ʻa ʻAmeliká, ʻa ia ʻokú ne ʻoatu ʻa e ngaahi nó koeʻuhi ko ha fakatamaki ʻi ha tupu-siʻisiʻi maʻá e kakai ʻoku ʻi ai hanau ngaahi ʻapi, nofo totongi, ngaahi kautaha ʻikai fakatupu paʻanga mo e ngaahi pisinisí. ʻE lava ke ʻave ha niʻihi ʻo kinautolu naʻe kolé ki he SBA ke kole ki ha nō koʻeuhi ko ha fakatamaki. ʻE lava ke nō ʻe he kakai ʻoku ʻi ai hanau ngaahi ʻapi ʻo aʻu ki he $500,000 meí he SBA ke monomono pe fetongi honau nofoʻanga tefitó. ʻE lava ken ō ʻe he kakai ʻoku ʻi ai hanau ngaahi ʻapi mo nofo totongí ʻo aʻu ki he $100,000 ke monomono mo fetongi haʻanau koloa tāutaha.
Ki ha tokoni ki ha fakatamaki ʻa e SBA disaster assistance, té ke lava ʻo kole ki ai ʻi he ʻinitanetí mo hiki tatau meí he ʻinitanetí ʻi he https://www.sba.gov/hawaii-wildfires. ʻE lava foki ʻa kinautolu naʻe kolé ke maʻu ha fakamatala ʻaki ʻenau telefoni ki he Senitā Tokangaekina ʻo e Kasitomā ʻa e SBA 800-659-2955 pē ʻīmeili ki he disastercustomerservice@sba.gov.
Kia kinautoolu naʻe kole ki he SBA applicants ʻa ia ʻoku tuli, faingataʻa ʻa e fanongó pe leá, taila ʻa e 711 ke lava ʻo ngāue ʻaki ʻa e ngaahi ngāue fakatonulea ʻi he fetuʻutaki telefoní. ʻE ngofua ke meili ʻa e ngaahi tohi kole kuo fakakakató ki he U.S. Small Business Administration, Processing and Disbursement Center, 14925 Kingsport Road, Fort Worth, TX 76155.
Ki he fakamatala fakamuimu taha fekauʻaki mo e ngaahi ngāue fakaakeake meí he vela vao ʻi Mauí, vakai ki he mauicounty.gov, mauirecovers.org mo e fema.gov/disaster/4724. Muimuiʻi ʻa e FEMA ʻi he mītia sōsialé: @FEMARegion9 mo e facebook.com/fema. Té ke lava foki ʻo maʻu ʻa e fakamatala tokoni ki he fakatamakí mo hiki tatau meí he ʻinitanetí ʻa e ngaahi tohi kolé ʻi he sba.gov/hawaii-wildfires.