Jibañ eo an Kajojo Armij jen FEMA ej jibañ armij ro rekkar ioon jorrāān kauwõtata jino aer kakajur ilo an lelok jāān in jibañ ñan aikuj ko rekka im aurok. Jibañ eo an FEMA ejab binej jenkwan injuran, im ejab koba ibben jikin ko jet rej lelok jibañ
Ewi Wāween Aõ Maron Kanne Peba ñan Jibañ eo jen FEMA?
- Etal online ñan DisasterAssistance.gov,
- Download ae FEMA App ñan smartphone eo nejum.
- Etal ñan juon Jikin Jibañ jen Jorrāān Kauwõtata. Kwõmaron loe juon jikin eo ebellok ilo fema.gov/drc,
- Kall ae nomba eo ejellok wonnen am kūrlok ilo 800-621-3362. Ebellok lain in kall eo aoleb raan jen 6 awa jibbon ñan 10 awa jota. CDT, im ewõr jibañ ilo elõñ kajin ko. Ñe kwõj kõjerbal juon kein jibañ bõk ak lelok melele einwõt VRS, jibañ eo ej lelok melele ilo talebon ak ro jet, lelok nomba eo am ñan FEMA ñan jibañ eo kwõj aikuji.
Kain jibañ ta ko FEMA ej lelok?
- Jibañ kin Aikuj ko Rekauwõtata ñan mweiuk ko rej kejbarok mour im kemour armij, ekoba aeboj, mõñā, kein kõmadmõd kinej, wūno ko jen taktõ, formula nimen niñniñ, mweiuk in kaninnin ko, kal, kein jerbal ko an nañinmij jej kõjerbali, kein jerbal ko an rinañinmij, kein karreo im kejbarok im kiaj ñan ial.
- Jibañ ikijen Emakūt ñan aikuj ko ikijen imõn jokwe ilo ien eo wõt ñan jibañ armij ro rekkar ioon jorrāān im rejab maron rool ñan moko mweir ālikin wõt an kar kauwõtata an nana mejatoto.
- Karool Wonnen Jikin Kiki ñan wonnen hotel; mennin ej ñan armij ro rekkar kanne aer peba in ablikajon im ejellok ak edik injuran ko aer im rejab maron rool ñan moko mweir kin jorrāān ko rekkar walok jen an kar lukkun nana mejatoto. Kejbarok kabe in rijit ko.
- Jibañ ñan Kõmman Jorrāān/Kõkkāāl Em ñan kolla wonnen ta ko rejorrāān im jako jen an nana mejatoto im juon jikin ekkar jab kollaiki.
- Jibañ ikijen Reen ñan bar juon jikin jokwe elañe kwõjab maron jokwe mweo imõm kin jorrāān eo ekkar walok jen an nana mejatoto.
- Jibañ kin Mweiuk ko an Armij Make ñan kõmman jorrāān ak kõkkāāl mweiuk ko mweien armij raurok im injuran ejab kollaiki im rekkar jorrāān jen an kar lab an nana mejatoto.
- Jibañ ikijen Ial ñan wa ko elab an armij kõjerbali im rekkar jorrāān jen an nana mejatoto.
- Jibañ ikijen Taktõ im Taktõ in Ñi ñan wonnen taktõ ko ejellok injuran im aikuj ko ikijen taktõ in ñi ak ta ko emõj aer jorrāān ak jako jen an lab an kar nana mejatoto.
- Jibañ ikijen Ilomej ikijen juon mij eo ekkar kaju ak jab kaju walok jen an kar lab an nana mejatoto.
Ta eo emaron kõmman an walok jemlok eo “ejab tõbrak”:
Ilo jet wāween ko, armij ro rekkar ioon jorrāān remaron wõt aikuj lelok melele ko relablok ñe ejab peba in kamool ñan FEMA ñan an woñmaanlok in kõmadmõde ablikajon eo.
Waan joñak in peba in kamool ko rejako emaron:
- Kamool an injuran kolla wonnen
- Jemlok eo an claim in injuran ko ak leta in jab tõbrak jen kombani in injuran
- Kamool woñ armij eo
- Kamool armij eo ak ro rej jokwe mweo
- Kamool an kar wia
- Kamool ke jorrāān in mweo ak jikin ekkar mweo elab an armij eo ej kanne ablikajon jokwe ae ilo ien an kar walok jorrāān eo.
Kajjitõk ko kin leta eo am remaron uwaak ilo am kall ae lain in kall eo kin jibañ ikijen jorrāān ilo 800-621-3362. Kwōmaron bar etal ñan Jikin Jibañ jen Jorrāān Kauwõtata (DRC) eo ebaak tata ñan kwe. Ñan melele ko kin DRC ko rebellok, im awa ko an DRC kwōmaron etal ñan peij in Kabõk Jikin DRC ilo: fema.gov/drc. Kabõk kin state innem kelet Arkansas.
Ta eo rijerbal in etale eo an FEMA ej bukõte?
Juon etale jen FEMA emaron aikuj ñan lale elañe ejab kauwõtata mweo, armij ro remaron deloñ im mour iloan. Rijerbal ro rej etale rejab kõmman jemlok elañe armij eo ej kanne ablikajon emaron tõbrak ñan jibañ. FEMA ej lomnak kin wāween ko laajrak ilo ien an lale elañe armij eo ej kanne ablikajon emaron tõbrak:
- Elañe nabojin mweo ebin, ekoba kõjam, borwaj im wūnto ko?
- Ejejjet ke an jerbal jarom, kiaj, kein kõmmāānān, paip in dān, jikin an toor dān ettoonon im kein kejbarok dān ettoonon?
- Armij remaron ke jokwe iloan mweo im ebin ke, ekoba ioon iloan mweo im bulor ko?
- Mweo emaron ke jerbal ñan wāween aer kar kõmmane?
- Ejab ke kauwõtata an armij maron deloñ im diwõj jen mweo?
Jouj im kememej: ilo jet wāween ko ewõr jorrāān ko rej walok jen mejatoto, armij ro rej jokwe rej maron wõt jokwe ilo mweo mweir ilo ejellok uwõta.
Etke armij eo ej jokwe ituru elablok jāān in jibañ eo an jen joñan eo iar loe ñan kõmmane jorrāān ko?
Ejenolok kajojo keij ko. Elõñ wāween ko rekoba, ekoba joñan ijuran im joñan im kain jorrāān ilo peba in kamool.
Ijab maron bar kaloke mweo imo kin jāān eo FEMA ej ba emaron letok.
Jibañ eo an FEMA ejab einwõt injuran. Jibañ eo an FEMA ej lelok jāān ñan jerbal ko ekkā ñan kõmman an ejellok uwõta im emmon jokwe ilo mweo. Waan joñak, FEMA emaron lelok jāān in jibañ ñan am kõkkāāl ñe ejab kõmmane jorrāān ko ñan mweiuk ko einwõt kein kabojak ko, jarom im aeboj ko raurok, wūnto, kõjam, borwaj, botab ejab einwõt waan joñak, katiin ak jerbal kapeel ko kin ba.
Na juon armij eo reen. Ij ke maron tõbrak ñan jibañ eo an FEMA?
Armij ro rej reen im ekkar jako ak jorrāān mweo ak jikin ko aer jen an lab an kar nana mejatoto im ibwijlebleb remaron tõbrak in kanne aer ablikajon ñan jibañ eo an federal. Jāān in jibañ ko an FEMA remaron jibañ kolla wonnen imõn jokwe ko an kõtaan ien. Armij ro rej reen remaron bar tõbrak ñan jāān in jibañ ńan kõkkāāl ak kōmmane jorrāān ko ñan mweiuk ko aer einwõt jea im tebol ko, kein jerbal ko kobban mweo, nuknuk, bok in jikuul, ak kein jikuul ko; kõkkāāl ak kõmmane jorrāān ko an kein jerbal im kein jerbal ko jet ikijen jerbal im rej mennin aikuj ñan jerbal eo aer make; wa ko elab aer kõjerbali; wonnen taktõ, taktõ in ñi, lale ajiri, emakut im kakwon mweiuk ko ejellok injuran ak rej make kollaiki.
Baamle eo aõ emaron ke kanne peba ñan jibañ eo an FEMA elañe ejab na citizen in Amedka?
Ñan an juon maron tõbrak ñan jibañ eo an FEMA, kwe ak armij eo uwaan mweo imõm aikuj juon citizen in Amedka, juon national eo ejab citizen in Amedka ak juon rilikin eo emaron tõbrak. Botab, baamle ko ejellok aer peba im oktak peba in immigration ko aer aikuj wõt an juon armij uwaan baamle (ekoba juon ajiri) im ej citizen in Amedka, national eo ejab citizen in Amedka, ak rilikin eo emaron tõbrak im ewõr an Social Security nomba ñan an kanne ablikajon. Juon rilikin eo emaron tõbrak ekoba melele ko laajrak:
- Juon armij eo emelim an jokwe aelon eo (juon eo ewõr an “kaat kuriin”)
- Juon eo emõj an jool, ko jen aelon eo an ak rilikin eo rej dabiji peba in karoole
- Rilikin eo emõj kar kadeloñ ilo Amedka iomwin ien eo ejab kadulok jen juon iiõ
- Rilkin eo ear emakut tokim emõj kar lelok kõmelim ñan an deloñ (ekkar ñan kakien eo ekkar jejjet kutien mokta jen Ebrol 1, 1980)
- Armij ro rekkar deloñ einwõt Cuban/Haitian
Jejjetin rilikin ro emõj aer emakut tok im rekkar ioon an lab nana ñan er ak ro rekkar jorrāān jen wia kake er, ekoba armij ro ewõr aer visa “T” ak “U”.
Rūtto ro rejab maron tobrak iomwin juon ian laajrak kein ijin loñ, ekoba ro ejellok aer peba, remaron kanne peba ikijen juon ajiri eo emaron tobrak im ewõr an Social Security nomba. Juon ajiri aikuj jokwe ibben jinen ak jemen ak rikejbarok eo ej kanne peba ikijen. Jinen ak jemen ak rikejbarok eo ejab aikuj lelok jabdwõt melele kin peba in immigration ko an ak jaini jabdewõt peba ej kalikar peba ko an ñan an jokwe aelon in.
Ta eo enaj walok elañe ijab errā kin jemlok eo an FEMA?
Aoleb armij eo ej kanne ablikajon ewõr an maron in jumae jemlok eo an FEMA. Waan joñak, ñe kwõj lomnak joñan ak kain jibañ eo ebõd, kwõmaron lelok juon jumae.
Ewi wāween aõ jumae?
Madmõdin jumae eo ebidodo kiõ. Juon Leta in Jumae ilo jeje im emõj an jain ejab aikuj elañe armij eo ej kanne ablikajon eo ejab aikuj lelok peba in kamool ko rej kamool kajjitõk in jumae eo. Ewõr am kelet in jilkinlok juon Peba in Kajjitõk Jumae ekāāl ñe ejab juon Leta in Jumae, bõtab ejab mennin aikuj.
Kwõj aikuj lelok jumae eo am iloan 60 raan jen raan eo ilo leta eo an jemlok. Ñe ejab bed aoleb peba ko aikuj ibbam iloan 60 raan, kwõj aikuj wõt jilkinlok jumae eo am mokta jen raan eo āliktata. Enaj bar wõr ien ñan am lelok jabdewõt peba ko jet im FEMA emaron aikuj.
Kwõj aikuj lelok kabe in peba in kamool ko, ekoba kamool kin ta ko rejorrāān ak jako jen an nana mejatoto. Aoleb peba, rijit, biil ko, peba ko rej laajrak melele, koonotoreak, peba in ta ko kwar wiaiki, peba in kamool injuran im tarrin wonnen ko rej aikuj koba melele ko ñan kebaak jikin eo ej lewaj jibañ. Ñe kwõj aikuj lelok tibidkin melele ko relablok, kwõmaron jilkinlok juon Peba in Kajjitõk Jumae kin Burokraam eo ej Jibañ Kajojo Armij im Baamle ñe ejab leta in jumae eo emõj an jain.
Loloorjak am je etam, nomba in jorrāān im nomba in ablikajon eo an FEMA ilo aoleb peba ko kwõj jilkinlok ñan FEMA. Nomba kein rej jeje lõnin etam im atorej ilo jinoin leta in jemlok eo. Kejbarok aoleb peba ko jinoin ibbam im lelok wõt kabe in peba ko ñan FEMA.
Ñan kõmelim an pade eo kein kajilu kõmadmõd ñan kwe, lelok peba in Kõmelim ñan Lelok Melele emõj likūt ibben leta kin jemlok eo am. Ñan bõk melele ko relablok, kebaak Lain in Kall eo an FEMA ilo 1-800-621-3362.
Kwõmaron etal ñan jabdewõt Jikin Jibañ jen Jorrāān Kauwõtata ilo state eo am, ak:
- Upload ñan akkoun eo am ilo DisasterAssistance.gov. Jibed Lale Ebed Ia ilo peij eo Imaan innem lale kõmelele ko.
- Fax ñan: 1-800-827-8112 Attn: FEMA
- Mael ñan: FEMA P.O. Box 10055 Hyattsville, MD 20782-8055
Kwõnaj loe leta kin jemlok eo an FEMA iloan 90 raan jen ien am FEMA loe jumae eo am.
Ñan lale ebed ia jumae eo am, lale www.DisasterAssistance.gov innem jibed Lale Ebed Ia elañe kwar kõmmane juon akkoun online, ñe ejab kall ae Lain in Kall eo an FEMA.