Individual Assistance Library

လူမှုအသိုင်းအဝိုင်းများ ပိုမိုအားကောင်းလာစေရန် ကူညီ ဆောင်ရွက်ပေးသည့် ကတိကဝတ်၏ တစ်စိတ်တစ်ဒေသအနေဖြင့် FEMA သည် သမ္မတက သဘာဝဘေးအန္တရာယ်ကြီးဟု ကြေညာချက်နှင့်အတူ Robert T. Stafford ၏ သဘာဝဘေးအန္တရာယ်ဆိုင်ရာ အထောက်အပံ့ပေးရေးနှင့် အရေးပေါ်ကူညီမှုဥပဒေ 1 (Stafford ဥပဒေ) ကခွင့်ပြုထားသည့်အတိုင်း နေအိမ်များကို ပိုမိုခိုင်ခံ့အောင် ပြုပြင်ရန် သို့မဟုတ် အသစ်ပြန်ဆောက်ရာတွင် ကူညီရန် FEMAက သတ်မှတ်အရည်အချင်းနှင့်ကိုက်ညီသော အိမ်ပိုင်ရှင်များကို အကူအညီပေးပါသည်။

သဘာဝဘေးအန္တရာယ်ဆိုင်ရာ ဥပဒေရေးရာဝန်ဆောင်မှုအစီအစဥ် (DLS)ကို Robert T Stafford ၏ သဘာဝဘေးအန္တရာယ်ဆိုင်ရာ အထောက်အပံ့ပေးရေးနှင့် အရေးပေါ်ကူညီမှုဥပဒေ ၊အများပြည်သူ ဥပဒေ ၉၃-၂၈၈၊ ၄၂ U.S.C. § ၅၁၈၂ တွင်လည်း စာရင်းသွင်းထားပြီး၊ ပုဒ်မ ၄၁၅ အရ ခွင့်ပြုထားပါသည်။ နိုင်ငံတော်သမ္မတက ကြီးမားသော သဘာဝဘေးအန္တရာယ်ဟုဆိုသည့် ထုတ်ပြန်ကြေညာချက်ကို မူတည်ပြီး တစ်ဦးချင်းအကူအညီနှင့် သဘာဝဘေးအန္တရာယ်ဆိုင်ရာ ဥပဒေရေးရာဝန်ဆောင်မှုအစီအစဥ် DLS ကိုလုပ်ပိုင်ခွင့်ရှိကာ အကောင်အထည် ဖော်နိုင်ပါသည်။

FEMA အစုလိုက်အပြုံလိုက်စောင့်ရှောက်မှုနှင့် အရေးပေါ်အကူအညီသည် သဘာဝဘေးဒဏ်ခံရသော၊သဘာဝဘေးလွတ်ရာပြေးလာသူများကို အိမ်ရှင်အဖြစ် လက်ခံပေးသောပြည်နယ်အစိုးရများကို သဘာဝဘေးအန္တရာယ်မှလွတ်မြောက်လာသူများ/ဘေးလွတ်ရာသို့ ပြောင်းရွေ့လာသူများနှင့် ၎င်းတို့၏ အိမ်မွေးတိရစ္ဆာန်များနှင့်ဝန်ဆောင်မှုပေးသည့်တိရစ္ဆာန်များအတွက် အသက်ကယ်ဝန်ဆောင်မှုများနှင့် အရင်းအမြစ်များ ပံ့ပိုးကူညီပေးပါသည်။

အိုးမဲ့အိမ်မဲ့ဖြစ်နေစဉ်အတွင်း ဘေးကင်းလုံခြုံသော၊ သန့်ရှင်းရေးနှင့် လုံခြုံသောနေရာတစ်ခုပံပိုးပေးဖို့ အေဂျင်စီများနှင့် အဖွဲ့အစည်းများစွာ၏ ပူးပေါင်းညှိနိုင်းဆောင်ရွက်မှုလိုအပ်ပါသည်။

သတ်မှတ်အရည်အချင်းကိုက်ညီသော သဘာဝဘေးအန္တရာယ် မှလွတ်မြောက်လာသူများအတွက် ပေးအပ်မည့် အကူအညီများတွင် ယာယီအိမ်ရာအတွက် အကူအညီ၊ အိမ်ပြုပြင်မှု၊ တကိုယ်ရေသုံး ပစ္စည်းများ၊ ကျန်းမာရေးဆိုင်ရာဆုံးရှုံးမှု၊ နာရေးစရိတ်၊ သဘာဝဘေးအန္တရာယ်ဆိုင်ရာ အလုပ်လက်မဲ့အကူအညီနှင့် အတိုးနည်းချေးငွေများ ပါဝင်ပါသည်။