នៅពេលអ្នកដាក់ពាក្យសុំជំនួយពី FEMA បន្ទាប់ពីភ្លើងឆេះព្រៃនៅខោនធី Los Angeles អ្នកនឹងត្រូវផ្តល់ភស្តុតាងអំពីអត្តសញ្ញាណ និងទីលំនៅ និងឯកសារផ្សេងទៀត។ ខាងក្រោមនេះគឺជាវិធីដើម្បីប្តូរយកឯកសារទាំងនោះ និងឯកសារសំខាន់ៗផ្សេងទៀតដែលបាត់បង់។ កន្លែងដ៏ល្អដើម្បីចាប់ផ្តើមគឺមជ្ឈមណ្ឌលសង្រ្គោះគ្រោះមហន្តរាយ (DRC) ដែលអ្នកអាចប្តូរយកបណ្ណបើកបររដ្ឋ California និងឯកសារសំខាន់ៗជាច្រើនទៀត រួមទាំងបណ្ណកម្មសិទ្ធិ បណ្ណសន្តិសុខសង្គម និងលិខិតឆ្លងដែនសហរដ្ឋអាមេរិក។ ដើម្បីស្វែងរក DRC សូមចូលមើល DRCLocator។
ឯកសាររដ្ឋ California ដែលអ្នកប្រហែលជាត្រូវប្តូរយក
បណ្ណបើកបរជាដើម៖ ក្រសួងទទួលបន្ទុកខាងយានយន្តនៃរដ្ឋ California (DMV) អាចជួយផ្តល់ឯកសារជំនួសសម្រាប់បណ្ណបើកបរ អត្តសញ្ញាណបណ្ណ និង ឯកសារកម្មសិទ្ធិយានយន្ត ដែលបាត់បង់។ ទៅជួប CA DMV - ជំនួយគ្រោះមហន្តរាយធម្មជាតិ អនឡាញ ទូរសព្ទទៅលេខ 1-800-777-0133
(ឬលេខ TTY 1-800-735-2929 ឬលេខ1-800-368-4327) សម្រាប់អ្នកដែលខ្សោយក្នុងការស្តាប់ ឬនិយាយស្តី ឬទៅជួប DRC។
ព័ត៌មានអំពីគោលការណ៍ធានារ៉ាប់រង៖ ទូរសព្ទទៅក្រុមហ៊ុនធានារ៉ាប់រង ឬភ្នាក់ងាររបស់អ្នក ហើយសុំច្បាប់ចម្លងនៃគោលការណ៍របស់អ្នក ដោយរួមទាំងទំព័រអំពីសេចក្តីប្រកាស ដែលសង្ខេបអំពីប្រភេទ និងចំនួនទឹកប្រាក់នៃការធានារ៉ាប់រងដែលអ្នកមាន និងរយៈពេលដែលវាមាន។
សំបុត្រកំណើតសំបុត្រមរណភាព ឬសំបុត្រអាពាហ៍ពិពាហ៍ និងឯកសារសំខាន់ៗផ្សេងទៀត៖ ក្រសួងសុខាភិបាលរដ្ឋ California (www.cdph.ca.gov) កំពុងធ្វើការជាមួយអ្នកដែលបាត់បង់ឯកសារសំខាន់ៗជាលទ្ធផលនៃគ្រោះមហន្តរាយ។ សំបុត្រកំណើត សំបុត្រមរណភាព និងសំបុត្រអាពាហ៍ពិពាហ៍គួរតែត្រូវបានស្នើសុំពីការិយាល័យអ្នកថតចម្លងរបស់ខោនធីនៅក្នុងខោនធីដែលព្រឹត្តិការណ៍នេះបានកើតឡើង។ សម្រាប់ បញ្ជីអ្នកកត់ត្រារបស់ខោនធី ទៅជួបអ្នកកត់ត្រា និងមន្រ្តីអត្រានុកូលដ្ឋានរបស់ខោនធីឬទូរសព្ទទៅលេខ916-445-2684 ទូរសព្ទទៅលេខ 711 1-800-735-2929 ឬសេវាបញ្ជូនបន្តរបស់ទូរគមនាគមន៍ ឬលេខ 711 TRS។
ប្រភេទឯកសារផ្សេងទៀតដែលអ្នកអាចប្តូរយក
បណ្ណរបបសន្តិសុខសង្គម៖ ទាក់ទងរដ្ឋបាលរបបសន្តិសុខសង្គមតាមអនឡាញតាមរយៈគេហទំព័រwww.ssa.gov/number-card/replace-card។ ឬអ្នកអាចទៅកាន់ការិយាល័យរបបសន្តិសុខសង្គមក្នុងតំបន់របស់អ្នក ហើយបំពេញពាក្យសុំ បណ្ណរបបសន្តិសុខសង្គម ដោយផ្ទាល់ដោយភ្ជាប់មកជាមួយនូវអត្តសញ្ញាណបណ្ណដែលមានសុពលភាព។ ដើម្បីស្វែងរកការិយាល័យ SSA នៅជិតអ្នក សូមចូលមើលគេហទំព័រ www.ssa.gov/locator។ អ្នកតំណាងរបបសន្តិសុខសង្គម ក៏មាននៅ DRC ដែរ។
បណ្ណ Medicare៖ ទូរសព្ទទៅលេខ 800-633-4227(TTY 877-486-2048) ទៅកាន់ការិយាល័យរបបសន្តិសុខសង្គមក្នុងតំបន់របស់អ្នក (សូមមើលខាងលើ) ឬចូលមើលគេហទំព័រ MyMedicare.gov។
បណ្ណស្នាក់នៅអចិន្ត្រៃយ៍ (Green Cards)៖ ចូលមើលសេវាសញ្ជាតិ និងអន្តោប្រវេសន៍សហរដ្ឋអាមេរិក (USCIS) តាមរយៈគេហទំព័រ www.uscis.gov/green-card/after-we-grant-your-green-card/replace-your-green-card ដើម្បីបំពេញ ទម្រង់បែបបទ I-90 ពាក្យស្នើសុំដើម្បីប្តូរយកបណ្ណស្នាក់នៅអចិន្ត្រៃយ៍ថ្មី។ សម្រាប់ព័ត៌មានបន្ថែម៖ www.uscis.gov ។
លិខិតឆ្លងដែន៖ ដើម្បីរាយការណ៍អំពីលិខិតឆ្លងដែនសហអាមេរិកដែលបានបាត់ សូមចូលមើលគេហទំព័រ https://travel.state.gov/content/travel/en/passports/have-passport/lost-stolen.html ។ បុគ្គលិកផ្នែកសេវាកម្មលិខិតឆ្លងដែនក៏មាននៅ DRC ផងដែរ។
លិខិតប្រកាសពន្ធសហព័ន្ធ៖ ស្នើសុំ ទម្រង់បែបបទ 4506 សម្រាប់ច្បាប់ចម្លងលិខិតប្រកាសពន្ធរបស់អ្នកតាមរយៈគេហទំព័រ www.irs.gov/forms-pubs/about-form-4506 ។
កំណត់ត្រាយោធា៖ ទទួលបានព័ត៌មានអំពីរបៀបដាក់ស្នើសំណើពី បណ្ណសារជាតិ តាមរយៈគេហទំព័រ www.archives.gov/veterans/military-service-records ។