မ့ၢ် FEMA အစိာ်ထီၣ်စူးကွံာ်တၢ်ကမှံၤကမှီၤလၢနတၢ်အိၣ်တၢ်ဆိးလီၢ်ဧါႋမ့ၢ် FEMA အစိာ်ထီၣ်စူးကွံာ်တၢ်ကမှံၤကမှီၤလၢနတၢ်အိၣ်တၢ်ဆိးလီၢ်ဧါႋ
လၢတၢ်အိၣ်သးအဃံးအစံာ်အပူၤ- သန့ၤထီၣ်သးလၢ တၢ်ကဲထီၣ်သးအတၢ်မၤဘၣ်ဒိဆါတၢ်အပတီၢ်နးနးကလဲာ်ဖီခိၣ် ဒီး မ့ၢ်တၢ်ပမှံၤကမှီၤန့ၣ် အိၣ်လၢ ပှၤနီၢ်ကစၢ်တၢ်လီၢ်တၢ်ကျဲပူၤ လၢ ကဲထီၣ်တၢ်လီၤဘၣ်ယိၣ်လၢ ကမျၢၢ်တၢ်အိၣ်ဆူၣ်အိၣ်ချ့ ဒီး တၢ်ပူၤဖျဲးဂ့ၢ်၀ီ မ့တမ့ၢ် ပှၤတ၀ၢအမုၢ်ကျိၤ၀ဲၤကွာ်တၢ်ဂုၤထီၣ်ပသီထီၣ်က့ၤအဂီၢ်ဧါ-FEMA ဆၢတဲာ်၀ဲဒၣ်လၢ တၢ်ကမှံၤကမှီၤ၀ဲန့ၣ်ဘၣ်တၢ်ထုးကွံာ်အီၤလၢ ပှၤနီၢ်ကစၢ်တၢ်လီၢ်တၢ်ကျဲပူၤ မ့ၢ်တၢ်အကြၢး၀ဲဘၣ်၀ဲလၢ ကမျၢၢ်တၢ်တိစၢၤမၤစၢၤတၢ်တိာ်ကျဲၤ ဖီလာ် သ့န့ၣ်လီၤႋ လၢတၢ်ဂ့ၢ်ဒ်န့ၣ်တဖၣ်အသိး FEMA မၤသကိးတၢ်ဒီး ကီၢ်စဲၣ် လီၢ်က၀ီၤ ကလုာ်ဒူၣ်ကရၢ မ့တမ့ၢ် ထံဖိကစၢ်ကီၢ် ပဒိၣ် လၢကထုးထီၣ်ပာ်လီၤ ဟီၣ်က၀ီၤအလီၤဆီတဖၣ် ဖဲတၢ်ထုးစူးကွံာ်တၢ်ကမှံၤကမှီၤလၢ ပှၤနီၢ်ကစၢ်တၢ်လီၢ်တၢ်ကျဲသ့ ပၣ်ဃုာ်ဒီး ပှၤနီၢ်ကစၢ်ထံယွၤကျိၤ န့ၣ်မ့ၢ်တၢ်ကြၢး၀ဲဘၣ်၀ဲ န့ၣ်လီၤႋ တၢ်ထုးစူးကွံာ်တၢ်ကမှံၤကမှီၤ ကဘၣ်မ့ၢ်လၢကမျၢၢ်တၢ်ကဲဘျုးအဂီၢ် တဘၣ်မ့ၢ်တၢ်မၤဘျုးဘၣ် ပှၤနီၢ်တဂၤ မ့တမ့ၢ် ပှၤတကရူၢ်လီၤဆီ ဘၣ်န့ၣ်လီၤႋ
န မ့ၢ်လိၣ်ဘၣ် တၢ်မၤစၢၤတဘျီဃီ လၢတၢ်ထုးစူးကွံာ်တၢ်ကမှံၤကမှီၤ ဟဲလၢတၢ်တတၢၣ်တနါ အဂီၢ်န့ၣ် သမံသမိးကွၢ်လီၤတံၢ်လၢ မ့ၢ် Crisis Cleanup Hotline ဘၣ်တၢ်ပာ်လီၤအီၤလၢနဟီၣ်က၀ီၤပူၤဧါ တက့ၢ်ႋ