Release Date:
Oktubre 18, 2023
Tapno maksayan ti buli ken panagayus dagiti kontaminado manipud iti dapo ken rugit kadagiti sanikua ti Lahaina a naapektaran iti uram iti kabakiran idi Agosto 8, ti U.S. Environmental Protection Agency ket mangtaming iti dapo ken rugit babaen ti soil stabilizer. Saan a makasabidong ti soil stabilizer apaman a namaga, ket makiddaw kadagiti umili nga agurayda iti 24 nga oras kalpasan ti pannakaipakat ti soil stabilizer sakbay a sumrekda iti sanikua.
- Maus-usar ti soil stabilizer a mangsalaknib iti salun-at dagiti umili ken ti aglawlaw manipud kadagiti peggad a patauden ti dapo ken rugit nga agtalinaed kadagiti sanikua a naapektaran iti uram iti kabakiran idiay Lahaina. Naagasan met dagiti sanikua a naapektaran iti uram idiay Kula iti isu met laeng a soil stabilizer.
- Makatulong ti pannakaipakat ti stabilization product a kas iti Soiltac tapno malapdan ti pannakaisarang iti dapo ken mangkissay iti peggad ti panaganges no ag-silf iti dapo ken buli. Makatulong pay daytoy tapno malapdan ti panagayus dagiti napeggad a materiales nga agturong iti taaw wenno kadagiti asideg a waig.
- Mabalin a sumrek dagiti umili iti sanikua ken sift through-da dagiti materialesda kalpasan a naikabil ti soil stabilizer. Kiddawen ti EPA kadagiti residente nga pangngaasiyo ta palubosanda ti 24 nga oras sakbay a sumrekda iti sanikua.
- Apaman a naipakat ken namaga ti produkto, saan a makasabidong dayta, ken kangrunaanna saan a makita. Pabassitenna ti kaadu ti buli a mabalin nga agwaras no mariribukan ti dapo.
- Kalpasan a naikabil ti stabilizer, maipaskil ti karatula iti sanikua a mangibaga iti petsa ken oras ti pannakaipakat.
- Isingasing ti managaramid ti naan-anay a 24 nga oras a panawen ti panagagas. Uray no iti daytoy a klima manamnama a tumangken ti soil stabilizer iti basbassit a panawen, mairekomendar ti naan-anay a 24 nga oras a panaguray sakbay ti iseserrek tapno masigurado ti umno a pannakaagas ken pannakatangken ti produkto.
- Bayat a ti soil stabilizer pabassitenna ti posibilidad nga adda dagiti partikulo nga adda iti angin, mairekomendar latta a dagidiay sumrek iti lugar sakbay a malpas ti pannakaikkat dagiti rugit rumbeng a suroten ti balakad dagiti opisial ti salun-at ken agusar iti personal protective equipment kas iti face mask.
Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov, mauirecovers.org ken fema.gov/disaster/4724. Suroten ti FEMA iti social media: @FEMARegion9 ken facebook.com/fema.