Ti pannakapukaw ti ay-ayaten ket maysa a di mailadawan a trahedia. Mabalin a magun-od ti tulong ti FEMA para iti gastos iti pumpon wenno pannakaitabon manen kas resulta ti Agosto 8 nga uram iti kabakiran iti Maui.
Makatulong ti FEMA kadagiti di ninamnama ken di naseguro a gastos a nainaig iti ipapatay ti asideg a kameng ti pamilia bayat ti naideklara a dakkel a pederal a didigra wenno emerhensia.
Naituding ti Maui County para iti tulong ti FEMA. Uray no agnanaedka iti ruar ti county, mabalin a kualipikadokayo ken ti pamiliayo para iti tulong iti pumpon no napasamak ti ipapatay iti uneg ti lugar a nakadidigra. Tapno agkiddaw iti tulong iti pumpon, masapul nga umuna nga agaplikarka iti FEMA.
Pagalagadan ti Kualipikasion
- Mabalin laeng nga ited ti FEMA agingga iti $11,000 para kadagiti gastos a mainaig iti tunggal natay nga indibidual, uray no nangatngato dagiti gastosmo.
- Kas aplikante, masapul nga ipaaymo iti FEMA ti:
- opisial a sertipiko ti ipapatay nga inruar ti estado wenno napirmaan a statement manipud iti medical examiner, coroner wenno dadduma pay a certifier a mangibagbaga a ti ipapatay ket direkta wenno saan a direkta a nainaig kadagiti uram iti kabakiran;
- maysa a resibo wenno maberipika a pattapatta para kadagiti gastos iti pumpon manipud iti bulsa;
- pammatalged a saan a nabayadan dagiti gastos iti pumpon babaen ti insurance wenno dadduma pay a rekurso. Babaen ti linteg, saan a makaipaay ti FEMA iti pondo no ti aniaman a sabali a gubuayan – dagiti benepisio ti Social Security, Veterans Affairs, donasion, crowdfunding (e.g., GoFundMe) – ket sinakupna dagiti
- gastos para iti isu met laeng a kasapulan a mainaig iti didigra. No naawatmon dagita a benepisio para kadagiti gastos iti pumpon, maikissay koma ti gatad a naawatmo iti FEMA award-mo.
- Ti tulong iti pumpon ket mabalin a mangsaklaw iti sumagmamano a maikari a gastos a pakairamanan ti:
Para iti Interment Laeng
- Transportasion agingga iti dua nga indibidual tapno mailasin ti natay, no ti pannakabigbig ket kasapulan dagiti autoridad ti estado wenno lokal a gobierno
- Pannakaitabon (rairaman ti panangikabil kadagiti tedda iti tanem, urno wenno lugar a pagitaneman iti ngato ti daga) .
- Serbisio ti pumpon
- Serbisio ti klero, officiant wenno cultural protocol
- Gastos a nainaig iti panagpataud ken panangsertipikar agingga iti lima a sertipiko ti ipapatay
Para iti Reinterment Laeng
- Serbisio ti pumpon (limitado iti panagsagana ken panagusar kadagiti pasilidad, agraman dagiti cultural protocols, tapno maisagana dagiti tedda para iti pannakaitabon manen) .
- Gastos ti panangilasin kadagiti disinterred remains
Dagiti Di Maikari a Gastos
- Saan nga ipaay ti FEMA ti tulong para iti aniaman kadagiti sumaganad:
- Dagiti obituario
- Dagiti Sabong
- Nayimprenta a materiales kas iti banner, programa wenno libro ti rehistro
- Serbisyo ti catering—agraman ti taraon
- Panangibiahe kenka, ti aplikante, wenno dadduma pay iti (dagiti) site ti serbisio ti pumpon; pannakaitabon wenno pannakaitabon manen; ken dagiti gratuities.
Adtoy dagiti wagas ti panagaplay para iti tulong ti FEMA:
Bisitaen ti DisasterAssistance.gov
Usaren ti FEMA mobile app
Tawagan ti FEMA Helpline iti 800-621-3362. No agus-usar ka iti relay service kas iti video relay service, captioned telephone service wenno dadduma pay, itedmo iti FEMA ti numerom para iti dayta a serbisio no agaplikarka. Adu a pagsasao ti pagsasao dagiti operator ti helpline ken silulukat dagiti linia iti 24 nga oras iti inaldaw, 7 nga aldaw iti makalawas.
Para iti video ti American Sign Language no kasano ti agaplikar, mapan iti https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6
Mabalinmo pay a bisitaen ti aniaman a Disaster Recovery Center para kadagiti update maipapan iti aplikasionmo iti FEMA wenno sungbat kadagiti saludsod. Sapulen ti sentro ditoy: DRC Locator (fema.gov)
Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov ken fema.gov/disaster/4724. Suroten ni @FEMARegion9 iti Twitter ken iti facebook.com/fema.