TALLAHASSEE, Fla. – FEMA te Ouvri yon Sant Mobil Reyabilitasyon apre Katastwòf nan Konte Brevard pou bay Rezidan Florida yo ki afekte akoz Siklòn Milton nan èd youn pa youn. Sant lan kapab sèvi tou pou sivivan Siklòn Helene oswa Siklòn Debby yo.
Sivivan yo pa bezwen vizite yon sant pou yo aplike pou asistans. Nou ankouraje sivivan yo pou yo aplike anliy nan DisasterAssistance.gov oswa telechaje FEMA App la. FEMA pa distribiye lajan kach nan Sant Reyabilitasyon apre Katastwòf yo.
Adrès sant lan:
Brevard County
UF/IFAS Ag Center
3695 Lake Drive
Cocoa, FL 32926
Orè: 8è nan maten jiska 6è nan apre midi soti Lendi pou rive Dimanch
Pou w ka jwenn adrès lòt sant ale sou fema.gov/drc oswa voye tèks “DRC” ak yon Kòd Postal nan 43362. Tout sant yo aksesib pou moun ki gen andikap oswa ki bezwen aksè fonksyonèl epi ekipe ak teknoloji asistans.
Nou ankouraje pwopriyetè kay ak lokatè yo pou yo aplike anliy nan DisasterAssistance.gov oswa lè yo itilize FEMA App. Ou ka aplike tou nan telefòn nan 800-621-3362. Si w chwazi aplike nan telefòn, tanpri nou swete w konprann tan atant yo ka pi long akoz volim apèl yo ki ogmante apre plizyè katastwòf ki sot pase yo. Liy telefòn yo ouvri chak jou epi gen èd ki disponib nan majorite lang yo. Si w ap itilize yon sèvis relè, telefòn ki gen soutit oswa lòt sèvis, bay FEMA nimewo w pou sèvis sa a. Pou w gen aksè ak yon videyo sou fason pou w aplike pou w jwenn asistans, ale sou FEMA Accessible: Aplike pou Asistans Endividyèl - YouTube.
Pou w ka jwenn dènye enfòmasyon sou reyabilitasyon apre Siklòn Milton nan, vizite fema.gov/disaster/4834. Pou w ka jwenn enfòmasyon sou reyabilitasyon apre siklòn Helene nan, vizite fema.gov/disaster/4828. Pou w ka jwenn enfòmasyon sou reyabilitasyon apre siklòn Debby a, vizite fema.gov/disaster/4828. Swiv FEMA sou X sou x.com/femaregion4 oswa sou Facebook sou facebook.com/fema.
###
Misyon FEMA se ede moun anvan, pandan epi apre katastwòf yo.
FEMA pran angajman pou l asire l asistans pou katastwòf yo fèt ekitab, san diskriminasyon sou baz ras, koulè po, nasyonalite, sèks, oryantasyon seksyèl, relijyon, laj, andikap, konpetans nan lang Anglè, oswa estati ekonomik. Nenpòt moun ki sivivan nan katastwòf oswa manm piblik la ka kontakte FEMA Biwo Dwa Sivil yo si yo santi yo gen yon plent pou diskriminasyon. Biwo Sivil FEMA a
Ou ka kontakte dwa yo nan FEMA-OCR@fema.dhs.gov oswa gratis nan 833-285-7448.