Rimè Sou Respons a Siklòn

Rimè ak move enfòmasyon ka gaye byen vit apre nenpòt dezas. Apre Siklòn Helene ak Milton, nou te wè anpil rimè ki gen gwo potansyèl pou antrave seryezman efò repons a tanpèt oswa anpeche moun jwenn asistans byen vit.

Rete okouran de rimè yo ak magouy yo epi pataje enfòmasyon ofisyèl ki soti nan sous fyab yo. Sa ap ede kenbe oumenm, fanmi ou ak kominote ou an sekirite. Ou ka jwenn enfòmasyon ofisyèl sou Siklòn Helene ak Milton.

Lè ou fè twa bagay byen fasil sa yo ou fè pati pa w la pou ede rimè yo kanpe: 

  • Jwenn enfòmasyon ki soti nan sous ou fè konfyans.  
  • Pataje enfòmasyon ki sòti nan sous ou fè konfyans.  
  • Dekouraje lòt moun pou yo pa pataje enfòmasyon ki sòti nan sous ki pa verifye. 

Rimè yo

Rimè: Lè ou depoze yon reklamasyon asirans pou inondasyon sa pral lakoz detèminasyon gwo domaj.

Se pa vre. Yon reklamasyon asirans pou inondasyon pa pral lakoz detèminasyon gwo domaj. Ofisyèl lokal yo nan kominote w la pral evalye domaj inondasyon an nan kay ou a pou fè detèminasyon sa a ka pa ka.

FEMA ankouraje tout moun ki gen kontra asirans inondasyon ki te gen domaj pou fè reklamasyon. Kantite domaj ki detèmine pa enspektè bilding lokal yo PA afekte kantite lajan yo peye pou moun ki gen asirans Pwogram Nasyonal Asirans Inondasyon an. NFIP ap peye tout domaj ki kouvri anba kontra asirans ou an.

Rimè: Si yo detèmine ke kay mwen an ap “andomaje anpil”, mwen pral sèlman resevwa 50% nan depans pou repare domaj sa a nan Pwogram Nasyonal Asirans Inondasyon an.

Se pa vre. Yon detèminasyon gwo domaj PA afekte kantite lajan ou resevwa pou yon reklamasyon dapre politik Pwogram Nasyonal Asirans Inondasyon ou (NFIP). NFIP ap peye tout domaj ki kouvri anba kontra asirans ou an.

Gen kèk moun ki gen asirans kay ki domaje anpil ki ka resevwa lajan anplis grasa kouvèti Ogmantasyon Pri Konfòmite pou ede bati bilding yo ann amoni ak nòm lokal yo egzije. Kontakte konpayi asirans inondasyon w oswa ajan w pou plis enfòmasyon.

Rimè: FEMA pral kraze kay mwen an si domaj yo plis pase 50% valè li.

Se pa vre. FEMA pa demoli oswa kondane okenn estrikti. Ofisyèl lokal yo kontwole devlopman nan zòn ki gen pi gwo risk pou inondasyon.

Si kominote w la patisipe nan Pwogram Nasyonal Asirans Inondasyon an epi otorite lokal yo detèmine kay ou a domaje anpil, ou ka bezwen pran mezi siplemantè pou repare pou mete kay la nan nivo estanda aktyèl lokal yo. Anpil òdonans kominote lokal yo mande sa lè yo deside pri pou repare kay ou a se 50% oswa plis valè machand jis li. Sepandan, ou bezwen mande ofisye lokal kominote w yo enfòmasyon espesifik nan zòn ou an. Rekòmande vizite paj wèb ofisyèl vil ou oswa konte ou pou jwenn enfòmasyon kontak.

Rebati nan estanda ki pi aktyèl kominote w la enpòtan paske li pi byen pwoteje pwopriyete kont efè inondasyon yo.

Rimè: Travayè liy k ap travay pou retabli kouran nan North Carolina te fè grèv paske FEMA pa t peye yo depi plizyè semèn.

Se pa vre. FEMA pa peye travayè kouran yo dirèkteman. Koperativ elektrik, elektrik prive oswa kominikasyon prive ak konpayi kab peye anplwaye yo ak kontraktè yo.

Nan kèk sitiyasyon, FEMA ka ranbouse kowoperativ elektrik riral ki elijib k ap bay yon sèvis gouvènmantal pou depans ki soti nan yon dezas atravè Sibvansyon Asistans Piblik, men ajans lan pa peye travayè yo dirèkteman. Konpayi prive ki fè pwofi yo pa kalifye pou sibvansyon Asistans Piblik.

Rimè: FEMA etabli sit sekirize tou pre zòn ki te afekte nan dezas la yo pou opere kòm "kan FEMA" pou kenbe moun oswa pou bay priyorite a sekouris yo sou bezwen sivivan yo.

Tout sa se manti. Rimè "kan FEMA" yo fonde sou tewori konplo ki ki la lontan ki gen entansyon pou diskredite efò ap fè pou ede sivivan yo. FEMA pa ranmase oswa mete moun nan detansyon, li pa dekklare law masyal, li pa etabli kan entènasyon oswa opere koloni min an kachèt.

Gen anpil sekouris ak sivivan ki bezwen èd pou jwenn lojman apre yon dezas. FEMA kreye lojman tanporè pou sekouris yo toupre sit katastwòf yo pou pèsonèl repons yo gen yon kote pou rete tou pre kominote nou ede yo san yo pa pran otèl oswa lòt lojman sivivan yo bezwen. Aprann kijan FEMA bay asistans lojman pou sivivan yo.

Kòm yon pati nan repons a Siklòn Helene nan lwès North Carolina, FEMA te etabli lojman pou sekouris yo nan kèk kote. Apati 23 oktòb 2024, gen plis pase 1 600 anplwaye FEMA nan eta a. Sit lojman tanporè sekouris yo itilize sèlman kòm yon kote pou yo rete pou pèsonèl k ap travay nan zòn siklòn ki afekte yo e non pou okenn lòt rezon. Kòm dabitid, enstalasyon sa yo gen karakteristik sekiritè pou pwoteje anplwaye yo.

Rimè: FEMA retire kò l nan zòn North Carolina siklòn nan afekte yo akoz menas li jwenn.

Se pa vre.

Toupandan nou te pran dispozisyon pou asire sekirite ekip nou yo ak moun nou t ap eseye ede yo, nou te kontinye ede kominote Helene te frape yo.

Nan jou ki te 12 oktòb 2024 la, FEMA te v in konnen gen yon menas ki sanble fèt sou ekip nan North Carolina a. Nou te pran desizyon pou ekip FEMA ki bay sivivan katastwòf yo èd sispann frape nan pòt moun nan katye yo, men nou te deside pou yo kanpe nan kèk kote nan katye yo kote yo t ap toujou ka fè rankont epi travay ak sivivan katastwòf yo pou ede yo jwenn èd. Nou te pran desizyon sa a ann amoni ak pwosesis fonksyònman abityèl nou yo sou tèren an pou asire ekip FEMA a an sekirite e li ka konsantre l sou bay sivivan katastwòf yo èd.

Nou travay men nan men ak fòs delòd yo ak ofisyèl eta yo pandan tout pwosesis la e nou te anonse 14 oktòb ekip FEMA yo gen pou yo rekòmanse frape nan pòt pou bay sivivan yo èd.

FEMA ap kontinye veye enfòmasyon li jwenn sou menas yo e l ap fè chanjman nesesè anrapò ak sa an kolaborasyon ak otorite lokal yo.

Rimè: FEMA ap anpeche rezidan yo ak konpayi yo retire debri nan zòn ke siklòn afekte yo.

Sa a se manti.

FEMA pa bloke oswa anpeche okenn aspè nan retire debri, epi se gouvènman lokal yo ki okipe yo de sa. FEMA pa dirèkteman okipe de retire debri, anboche kontraktè yo pou retire debri, oswa jere sit pil fatra oswa estasyon transfè. FEMA ranbouse gouvènman lokal, leta oswa tribi yo pou debri yo retire ki gen rapò ak tanpèt yo.

Si ou te afekte pa yon siklòn epi ou ta renmen konnen kijan pou adrese zafè retire debri pou pwopriyete ou, tcheke avèk konte lokal ou oswa gouvènman minisipal pou direktiv. Òganizasyon volontè ak konpayi yo ki ap opere nan zòn ou yo ka kapab ede tou. Aprann plis: 9 Fason Pou Netwaye Apre Yon Dezas an Tout Sekirite.

Rimè: FEMA kontwole oswa jere estasyon transfè, sit fatra ak kontra ki gen rapò ak debri apre tanpèt.

Sa a se manti.

FEMA pa anboche, jere oswa sipèvize travay ke kontraktè fèt pou retire debri apre tanpèt. FEMA pa kontwole oswa jere sit fatra oswa estasyon transfè yo. FEMA ranbouse gouvènman lokal, leta oswa tribi pou retire debri ki gen rapò ak tanpèt yo. Sepandan, nou pa gen okenn kontwòl sou lwa oswa òdonans lokal pou retire debri ki ka kontwole estasyon transfè, sit pil fatra oswa kontra.

Rimè: FEMA ap ba ou $1200 otomatikman si ou pa t gen kouran pandan 24 èd tan.

Deklarasyon sa pa verite.

Pou detèmine pou ki asistans ou ka elijib, vizite DisasterAssistance.gov oswa rele 1-800-621-3362 pou ale nan pwosesis aplikasyon an. Yo pral poze w kesyon pandan pwosesis aplikasyon an sou fason katastwòf la te afekte w. Y ap revize aplikasyon w lan epi y ap fè w konnen pou ki asistans ou kalifye pandan l ap li prale nan pwosesis revizyon an. Gen kèk fòm asistans yo ka bay pi vit pase lòt. Ou ka tcheke etati aplikasyon w lan nenpòt lè lè w konekte sou DisasterAssistance.gov oswa lè w rele 1-800-621-3362.

Rimè: FEMA ap bloke moun nan Florid epi anpeche evakiyasyon

Sa se manti.

FEMA pa bloke moun nan Florid epi anpeche evakyasyon yo. FEMA pa kontwole sikilasyon oswa fè kontwòl trafik, se otorite lokal yo ki okipe yo de bagay sa yo. Sa a se yon rimè danjere ki ka mete lavi moun an danje.

Si w ap viv nan kòt lwès Florid ak nan penensil Florid la, pran aksyon imedyatman pou pwoteje tèt ou ak pwòch ou yo. Swiv konsèy otorite lokal ou yo. Si yo bay lòd pou w evakye, fè sa imedyatman. Si w retade evakyasyon w, sa ka mete lavi w ak lavi lòt moun an danje.

Otorite lokal yo se pi bon sous enfòmasyon nan sa ki gen pou wè ak evakiyasyon. Jwenn plis enfòmasyon: Siklòn Milton | Dezas nan Florida.

Dènye Mizajou
Retounen anwo