Rimè Komen ki gen Rapò avèk Katastwòf

Souvan gen anpil rimè ak fwod apre yon katastwòf. Bay patisipasyon ou pou anpeche rimè yo simaye de pi ou fè kat bagay fasil sa yo: 

  1. Jwenn sous enfòmasyon ou fè konfyans. 
  2. Divilge enfòmasyon ou jwenn nan sous ou fè konfyans yo. 
  3. Dekouraje lòt moun pou yo pa bay enfòmasyon nan sous yo pa verifye. 
alert - info

Ale sou sitwèb Disaster Fraud | FEMA.gov.

Rimè yo

Itilize meni dewoulan an pou distenge selon kalite kesyon an oswa tape yon mo kle.

Rimè: Si ou resevwa yon sibvansyon nan FEMA, w ap resevwa mwens lajan nan Sekirite Sosyal.

Reyalite:

Sa pa vrè. Asistans FEMA pa taksab epi li p ap afekte kalifikasyon ou pou avantaj Sekirite Sosyal, avantaj Medicaid ak lòt avantaj federal.

Rimè: FEMA kapab ranbouse mwen pou depans pou lojman si mwen deplase nan kay prensipal mwen.

Reyalite:

FEMA kapab bay ranbousman pou depans lojman ou fè avèk lajan pòch ou epi ki pa kouvri avèk avantaj asirans ou. Adrès kay prensipal anvan katastwòf yon sitwayen dwe envivab oswa difisil pou antre ladan pou nou konsidere li.

Konsève kopi resi ou yo pou ou kapab prezante yo ansanm avèk aplikasyon ou pou asistans akòz katastwòf la.

Rimè: Ou dwe se yon sitwayen ameriken pou aplike pou asistans federal.

Reyalite:

Sa pa vrè. FEMA ak gouvènman eta gouvènman teritwa ak gouvènman tribi ka bay asistans dirèk ak asistans finansye pou sitwayen Etazini ak moun ki pa sitwayen ameriken ak etranje kalifye yo. Pou jwenn plis enfòmasyon, ale sou sitwèb

Pou jwenn plis enfòmasyon, ale sou sitwèb Egzijans Sitwayen ak Estati Imigrasyon pou Benefis Piblik Federal yo.

Rimè: Yon ti dlo pa ta lakòz anpil domaj.

Reyalite:

Sa pa vrè. Sèlman senk pous dlo kapab lakòz domaj ki vo $25,000.

Ale nan paj sitwèb National Flood Insurance Program pou achte asirans pou inondasyon oswa pou jwenn plis enfòmasyon.

Rimè: Mwen kapab resevwa ranbousman pou depans mwen fè pou manje oswa transpò pandan mwen rete nan yon otèl.

Reyalite:

Sa pa vrè. Depans kalifye yo ka gen ladan peman pou chanm ak taks yon otèl oswa lòt founisè lojman resevwa. Sa pa gen ladan depans pou manje, koutfil nan telefòn, depans pou transpò oswa lòt kalite depans.

Rimè: Mwen pa posede yon biznis, poutèt sa mwen pa kapab aplike pou prete lajan nan Administrasyon Ti Biznis (SBA).

Reyalite:

Ou pa bezwen posede yon biznis pou mande asistans nan Administrasyon Ti Biznis. Aplikasyon pou prete moun lajan akòz katastwòf la ofri èd finansye rezonab pou pwopriyetè kay yo ak lokatè yo.

Rimè: FEMA pral ranbouse mwen pou yon dèlko mwen achte. ase.

Reyalite:

Sa depann. Anjeneral, FEMA pa ranbouse ou pou yon dèlko ou achte. Sonje pou tcheke dènye konsèy yo sou si FEMA ap kouvri depans pou yon sèten katastwòf, peryòd tan li ka kouvri ak lòt enfòmasyon sou kalifikasyon.

Rimè: Sa koute lajan pou aplike pou asistans lan.

Reyalite:

Sa pa vrè. Anplwaye FEMA pa janm egzije moun ki aplike pou yo peye pou asistans akòz katastwòf.

Si ou okouran fwod, gaspiyaj oswa abi, ou kapab rapòte sa yon fason anonim depi ou rele Liy Dirèk FEMA pou Rapòte Fwod nan Katastwòf nan nimewo 866-720-5721. Ou kapab voye yon imèl tou nan StopFEMAfraud@fema.dhs.gov.

Rimè: Mwen enskri otomatikman pou asistans FEMA si mwen te rapòte domaj yo ba pawas lokal mwen, ofisyèl lokal yo, oswa yon òganizasyon sekou pou katastwòf.

Reyalite:

Sa pa vrè. Pou yo konsidere ou pou asistans federal akòz katastwòf, ou dwe aplike dirèkteman avèk FEMA.

Rimè: Si mwen gen asirans, yo pa kapab ranbouse mwen pou depans lojman.

Reyalite:

Sa depann. Dapre lalwa, FEMA pa kapab double avantaj asirans lan. Si asirans lan pa kouvri tout depans ou fè pou lojman pandan yon katastwòf, ou ka toujou kalifye pou ranbousman an.

Dènye mizajou
Retounen anwo