Yog tias koj ua hauj lwm rau tus kheej, FEMA tuaj yeem yuav muaj peev xwm muab nyiaj pab los kho los sis hloov cov cuab yeej ua puas tsuaj los ntawm cua daj cua dub thiab khoom siv uas xav tau los pab rau koj txoj hauj lwm. Qhov kev pab no, muaj rau ntau tus neeg thov, xws li rau cov neeg kws ua liaj ua teb, kws ua yeeb yam los sis kos duab, kws ntaus nkauj thiab hu nkauj, kws kho tsheb thiab rau ntau lwm txoj hauj lwm ntxiv thiab.
Cov Cuab Yeej Uas Tuaj Yeem Yauv Pab Nyiaj Tau Rau
Cov cuab yeej ua hauj lwm yog cov khoom uas siv rau kev ua hauj lwm rau tus kheej los sis tsis yog cov cuab yeej ib tug tswv ua hauj lwm muab rau yus siv tab sis yuav tsum muaj thaij ua tau hauj lwm. Xws li hauv qab no:
- Cov khoos phis tawj tau los ntawm tus tswv ntiav yus ua hauj lwm los sis rau kev ua hauj lwm rau tus kheej es yog tias lub khoos phis tawj tsis ua hawj lwm lawm ces yus yuav tau hloov yus tus kheej. Koob yim thiab khoom siv rau txoj kev tsim kos duab, ua suab paj nruag ua nkauj, yees duab thiab lwm yam.
- Cov cuab yeej thiab cov khoom siv xws li cov cuab yeej ua siv hluav taws xob, tsheb laij teb, tsheb khawb av, tsheb cog noob, tsheb cog qoob, tsheb hlais qoob, tsheb tsuag tshuaj, tsheb qhwv nyom, tsheb me sib ua hauj lwm, cav txiav nyom, thiab lwm yam.
- Cov khoom sib coj los kos duab, xim coj los pleev, cov pas pleev xim, cov ntawv coj los kos duab, av coj los puab, cuab yeej coj los ua suab paj nruag, cov cuab yeej ua yeeb yam xws li cov khoom siv ua nqas mus nqas los tau, ntaub siv xws li ntaub qhov rais, tshuaj/xim pleev plhu, khaub ncaws hnav ua yeeb yam thiab nrog rau cov khoom siv ua suab thiab teeb kom pom kev saum sam thiaj.
- Cov khaub ncaws uas hnav rau kev ua hauj lwm es yog tsis zoo lawm ces yog koj lub luag hauj lwm hloov dua cov tshiab.
Qhov kev pab no yuav muaj tau yog tias cov khoom raug puas tsuaj los ntawm disaster, es koj tsis muaj lwm yam khoom uas yuav pab tau koj txoj hauj lwm, thiab kev tuav pov hwm tsis them kho qhov khoom raug puas tsuaj.
Cov Ntaub Ntawv Uas Yuav Tsum Tau Txais
Ua ntej yuav tau txais txiaj tsig kev pab los ntawm kev ua hauj lwm rau tus kheej, koj yuav tsum muab cov ntaub ntawv pov thawj qhia tias koj ua hauj lwm rau tus kheej, xws li cov ntaub ntawv ua se, thiab yuav tsum nyob raws FEMA cov lus tsim nyog txais kev pab.
Cov neeg ua hauj lwm rau tus kheej yuav tsum muab cov ntawv hauv qab no rau FEMA:
- Cov ntaub ntawv pov hwm rau tag nrho cov uas yuav raug them thiab cov txiaj ntsig.
- Cov receipts ua qhia tias cov khoom yog raug li cas los sis sau ntawv kwv yees tias kho los sis hloov qhov khoom ua puas ntawv yauv raug li cas
- Sau ib tsab ntawv piav qhia cov khoom koj xav tau rau kev ua hauj lwm rau tus kheej.
Kom paub seb koj puas tsim nyog tau txais kev pab, thov FEMA:
- Mus online ntawm disasterassistance.gov/.
- Download qhov FEMA App rau koj lub xov tooj ntawm tes.
- Hu rau FEMA tus xov tooj ntawm 800-621-3362 txhua txhua hnub thaum 7 teev sawv ntxov mus txog ib tag hmo. ET. Kuj tuaj yeem muaj neeg txhais lus rau koj. Yog koj siv relay service, xws li video relay (VRS), lub xov tooj muaj tshuav sau ntawv tias lwm tus hais dab tsi, los sis lwm yam, muab koj tus xov tooj rau FEMA rau yam ntawv.
- Mus nram Disaster Recovery Center. Xav paub tias qhib lub sij hawm twg thiab qhov chaws nyob, mus online rau qhov qhia tias DRC nyob qhov twg: fema.gov/drc.
Diam video qhia tias yuav ua li cas thiaj li thov tau kev pab, mus online: Three Ways to Register for FEMA Disaster Assistance.
Muaj ntau lub khoom hawm uas tuaj yeem txaus siab los pab daws kev puas tsuaj los ntawm cua daj cua dub rau cov kws kos duab, kws hu nkauj, thiab kws ua yeeb yam. Muaj qhov webinar pub dawb: Introduction to Emergency Preparedness for Performing Arts khoom hawm pib lub 1 hlis ntuj tim 14 thaum 2 teev tav su. Cuv npe ntawm Webinars – Performing Arts Readiness. Nyem rau cov link hauv qab no kom paub ntau tsaj no:
Heritage Emergency National Task Force
National Coalition for Arts Preparedness & Emergency Response.
U.S Kev Tswj Lag Luam Me Cov Nyiaj Txiaj Ntsig Txais Pab Kev Puas Tsuaj Los Ntawm Cua Daj Cua Dub
US Small Business Administration (SBA), FEMA tus khub tsoom fwv ua pab cov uas raug kev puas tsuaj, tuaj yeem pab tau thiab. Cov neeg xav thov kev pab tuaj yeem thov tau online thiab txais ntaub ntawv qhias ntxiv txog ntawm kev pab vim kev puas tsuaj ntawm SBA.gov/disaster. Muaj tsib qhov chaw uas qhib nyob rau North Carolina hnub Monday-Friday: 9 teev sawv ntxov mus txog 6 teev tsaus ntuj. thiab hnub Saturday: 9 teev sawv ntxov txog 2 teev tav su. Cov ntaub ntawv uas qhia txog cov nyiaj txiaj ntsig pab kev vim puas tsuaj los ntawm cua daj cua dub thiab daim ntawv thov, mus nqa tau nram Disaster Recovery Center los sis hu rau SBA qhov chaws pab neeg ntawm 800-659-2955.