LAHAINA, Maui – Naʻe fakaava ʻe he Kautaha Fakapuleʻanga ki hono Puleʻi ʻo e Meʻa Fakatuʻupakeé ʻa hono feituʻu nofoʻanga fakakulupu fakataimi foʻoú ʻi he ʻahó ni, ʻo fakahoko ai ha ouau tāpuaki tukufakaholo mo hono talitali ʻo kinautolu naʻe hao moʻui mei he ʻuluaki vela afí ki hono ngaahi ʻiunití.
Hili pē ha kakato ʻa e ngāué, ʻe ʻoatu ʻe he Kilohana ʻa e ngaahi ʻapi fakatau ʻe 167 ko e tokoni kia kinautolu naʻe hao moʻui mei he vela afi ʻi Lahaina lolotonga ia ʻenau toe langalanga hake ʻenau ngaahi moʻuí mo ngāue ki hano maʻu hanau ʻapi tuʻumaʻu. ʻI heʻene aʻu mai ki he Nōema 18, kuo tufaki atu ʻa e ngaahi ʻiuniti ʻe 94 ki he feituʻu nofoʻanga fakakulupú ʻi he Fleming Road mo e Malo Street. ʻE ʻomi ʻa e ngaahi ʻiuniti fakataha mo e ngaahi naunau tuʻupau pea ʻe ʻoatu mo e ngaahi meʻangāue angamahení.
"ʻI he ʻetau kau fakatahá, ʻoku mau langa ʻo lahi ange ʻi he nofoʻanga fakataimi pē maʻa kinautolu naʻe hao moʻui mei he velá," ko e pehē ia ʻe he Pule Fakafeituʻu 9 Robert J. Fenton. "ʻOku mau langa ha fakavaʻe ki he malava ʻo matuʻuaki, fakaakeaké mo e fakafoʻou maʻá e kakai ʻo e Maui Hihifó."
Naʻe fakangāueʻi ʻe he FEMA ʻa e ngaahi kautaha ʻe tolu - Dynamic, Timberline mo e Acuity - kenau ngaohi ʻa e ngaahi ʻiuniti loki mohe ʻe taha, ua mo e tolu ʻi he konitinēiti ʻo ʻAmeliká pea fakaheka mai ʻi he vaká ki Maui. Naʻe fakakau mai ʻa e U.S. Army Corps of Engineers kenau teuteuʻi ʻa e feituʻu nofoʻanga fakaulupu ʻeka ʻe 34.
Kuo foʻu ʻa e ngaahi falé ke tolonga ʻo aʻu ki he taʻu ʻe 30 pe lahi ange. Ko e fuofua taimi eni ke foʻu ai ʻe he FEMA ha ngaahi ʻapi fakataimi - ʻa ia ʻoku ʻiloa ko e Ngaahi ʻIuniti Talifaki Nofoʻanga Fakataimi Feʻaveʻaki - ʻa ia ʻoku ne fakakakato ʻa e ngaahi tuʻutuʻuni lao fakafonuá mo fakavahaʻapuleʻangá.
ʻE fili leva ʻa e FEMA ke fakahiki ʻa e ngaahi ʻiunití ʻi he taimi pē ʻe ʻikai toe fie maʻu ai kinautolu ki he nofoʻanga fakataimí, ʻo tokoni ke fakalahi ʻa e sitoka nofoʻanga ʻa Mauí. ʻOku fuʻu ʻa Kilohana ʻo hoko atu ki he polōseki nofoʻanga fakataimi, Ka Laʻi Ola, ʻa ia ʻoku ne fokotuʻu ha ngaahi ʻapi kuo tomuʻa ngaohi ʻo aʻu ki he toko 450 mo e ngaahi fāmili ʻa ia kuo ʻikai hanau ʻapi koeʻuhi ko e vela vaó.
Ki he ngaahi fakamatala fakamuimui taha fekauʻaki mo e ngaahi ngāue fakaakeake meí he vela vao ʻi Mauí, vakai ki he mauicounty.gov, mauirecovers.org, fema.gov/disaster/4724 mo e Hawaii Wildfires - YouTube. Muimui ʻi he FEMA ʻi he mitia fakasōsialé: @FEMARegion9 pea mo e facebook.com/fema.