LAHAINA, Maui – Pwihnen Federal Emergency Management Agency opendahrwasahn kousoan kan nan Kilohana rahnwet, pahn mie kasarawien tiahk ong wasao ni e pahn tepin kapidelong irail kan me pitisang kisiniei laud ong nan kisin ihmw kan.
Ni ansou me e pahn mwahula, Kilohana pahn kak kihda kisin ihmw meh 167 en apwalihala irail kan me pitisang Kisiniei laud en Lahaina ni ar pahn kak pwurehng kamwahuihla arail mour lao lel ansou re diar arail wasahn kouson poatopoat. Nan Nov. 18, kisin ihmw meh 94 kohiengehr kisin ihmw kan nan Fleming Road oh Malo Street. Kisin ihmw kan pahn pil wiawihda loale oh kak kihda sawas kan duehte pihl oh lioal.
“Ni atail ehupene, kitial kak wiahda wasahn kousoan me mwahusang ong irail me pitisang kisiniei laud,” FEMA’s Region 9 Administrator Robert J. Fenton. “Kitail pahn kauwahda irair en dadaurete, kamwahula oh wiakapwala ong aramas akan nan West Maui.”
FEMA pilada company siluh – Dynamic, Timberline and Acuity – en wiahda kisin ihmw me pere ehu-, riau- oh siluh- nan United States oh kadarodo Maui. Pwihnen U.S. Army Corps of Engineers pekederdo en kaunopada wasa me laudki acre 34 ong kisin ihmw kan.
Kisin ihmw kan koudaier en kin mihmmihki sounpahr 30 de wereisang. Met iei tepin en FEMA wiahda kisin ihmw kan – me adaneki Alternative Transportable Temporary Housing Units – me pahn pwungiong koasoned en wasao oh wasa teikan nan sampah.
FEMA pahn kak pwureng doadoangki kisin ihmw kan wasa teikan ni ar sohla anahne kadoadoahk wasao, Kilohana kin mih karanih project en wia ihmw, Ka Laʻi Ola, me pil kihkihda ihmw kan me pahn kak apwalihala aramas 450 oh peneinei kan me sohla ar wasa pwehki kisiniei laud.
Ong rohng kapw kan me pid kamwahulahn kisiniei laud nan Maui, kohla mauicounty.gov, mauirecovers.org, fema.gov/disaster/4724 oh Hawaii Wildfires - YouTube.
Idawehn FEMA nan wasahn kapehse nan internet: @FEMARegion9 oh facebook.com/fema.