Liliu Houa Lainetokoni FEMA

San Diego, Calif. – Kuo holoki he FEMA ‘a e houa lainetokoni – 800-621-3362 – ‘e kei malava pe he kakai ‘o telefoni ki he FEMA ke ma’u ha fakamatala ki he ‘enau tohi kole pe ko ha vakai’i ‘a e tu’unga ‘oku ‘i ai ‘i he ‘enau feinga ke ma’u ha fakalelei mei he tafea ‘i Sanuali 21-23. 

• ‘Oku faingamalie ‘a e kau sipesolisi FEMA faka’aho 7 a.m. – 8 p.m. PT ‘unu atu kimu’a.

‘E kei malava pe ha taha na’e uesia mei he tafea ‘i Sanuali ‘o telefoni 800-621-3362 ke ma’u ha fakamatala ki he ‘enau tohi kole pe ko ha fehu’i ke fakahoko ange. Telefoni ki he lainetokoni, te ke lava ‘o ma’u ha tokoni ‘o kau ai ‘a e ngaahi kaveinga ko ‘eni:

• Kei hoko atu fakafonu tohi kole tokoni ki he leni (rental) fakataimi.
• Fakatangi (Appealing) ki he tali ‘a e FEMA.
• Fakahoko ha tohi kole tomui tupu mei ha hulu tu’u ‘o ha me’a na’e hoko.
  • Ko ha ngaahi fakatataa ‘eni mei ha hulu tu’u ‘o ha me’a na’e hoko:
    • Tokoto ‘i he falemahaki, puke, pe ko ha tisapiliti ‘o e toko taha kole pe ko ha memipa ofi ‘o e famili.
    • Pekia ha memipa ofi ‘o e famili.
    • Na’e folau fakataautaha pe ko ha pisinisi ‘o ke mavahe ai mei he ‘elia he taimi katoa na’e tonu ke fakafonu ai ‘a e tohi kole.

‘I HE FEITU’UNI

‘Oku kei faingamalie ‘a e tokoni he ngaahi lea kehekehe. ‘O kapau ‘oku ke fakaa’onga’i ha Sevesi Fakafou Vitio (VRS), telefoni kiate kinautolu ‘oku tuli pe ko ha toe kautaha kehe, ‘oange ‘a e fika sevesi ko ia ki he FEMA.

‘Oku kei hoko atu ‘a e ngaue kau ‘inisipekita FEMA ‘i San Diego. Kuo nau fetu’utaki mo kinautolu ne nau fai ha kole, fokotu’u taimi tepile ki he ‘inisipekita, pea fakapapau’i ‘a e maumau. Kiate kinautolu na’e te’eki ‘inisipekita ho nau ‘api ke nau telefoni ki he Lainetokoni ‘a e FEMA he 800-621-3362 ke vakai’i ‘a e tu’unga ‘oku ‘i ai ‘enau tohi kole.

NGAAHI FIKA

Ki he ‘aho ni, kuo lahi hake he ngaahi nofo’anga ‘e 3,000 kuo tali ki he pa’anga tokoni ‘a e FEMA pea a’u ‘o lahi he $23 miliona.

• $19.1 miliona pa’anga ki he ngaahi ‘api, ‘o kau ai ‘a e leni (rental) fakataimi mo ha totongi ki ha fakalelei’i ‘o e ngaahi ‘api.
• $3.9 miliona kuo tali ki ha ngaahi fiema’u na’e fekaunga’aki mo e fakatamaki, ‘o hange ko ha fakamole fekaunga’aki mo ha totongi faito’o (medical) pe ko ha me’a fakafo’ituitui na’e mole. 

Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.

###

Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.

Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika. ‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)