San Diego, Kalefonia — Ua fa’aitiitia itula faigaluega o le lainafesoasoani a le FEMA -- 800-621-3362 -- o le numera e mafai ona valaau mai ai ina ia faaopoopo ni faamatalaga fou o talosaga i le FEMA pe siaki foi le tulaga ua o’o i ai a’o faagasolo pea le tautua o le faaleleia o mea sa faaleagaina ia an. 21-23 i lologa.
- E avanoa le tagata faapitoa mai le FEMA i aso taitasi i le 7 a.m. – 8 p.m. PT i le agai atu i luma.
So’o se tasi na afaina i lologa ia Ianuari e maua pea le avanoa e valaau mai ai i le 800-621-3362 mo ni faamatalaga fou e faaopoopo i latou talosaga pe mo ni fesili. A valaau mai i le lainafesoasoani, e maua se fesoasoani i mataupu nei e aofia ai:
- Apalai mo fesoasoani fa’aauau i fale mau totogi le tumau.
- Apiliina o se fa’aiuga a le FEMA.
- Faatuaia ona fa’auluina o se talosaga ona o se faalavelave le ma ‘alofia.
- Faataitaiga o faalavelave le ma ‘alofia e aofia ai:
- Fa’ata’otolia, gasegase, po’o manaoga fa’apitoa o le tagata talosaga po’o se totino o le aiga.
- Maliu o se tagata o le aiga e latalata le so’otaga.
- Toesea ona o se malaga i sou faalavelave po’o se matafaioi faa pisinisi ua le mafai ai ona e toe taliu mai i fanua i le taimi o le faauluina o talosaga.
- Faataitaiga o faalavelave le ma ‘alofia e aofia ai:
E avanoa pea le fesoasoani i le tele o gagana. Afai e te fa’aaogaina le Video Relay Service (VRS), le telefoni e faamatala upu poo nisi auauanaga, faailoa i le FEMA lau numera mo lea tautua.
I Lea lava Mataupu
O asiasi fale a le FEMA o loo faaauau pea galuega i San Diego. O lo’o fesootai ma e na apalai, faatulaga asiasiga, faamaonia mea faaleagaina. O e na talosaga e le’i asia o latou fale e tatau ona valaau mai i le FEMA i le lainafesoasoani i le 800-621-3362 e siaki le tulaga ua o’o i ai latou talosaga.
E tusa ai ma Numera
E oo mai i le aso, e silia ma le 3,000 aiga ua ma’ea ona talia talosaga ma ua fa’amatu’u i ai le vaega tupe e le FEMA e oo atu i le $23 miliona.
- $19.1 miliona mo fesoasoani i mea fale, e aofia ai fesoasoani mo fale mau totogi le tumau ma vaega o maota e faaleleia.
- $3.9 miliona ua talia mo mea moomia ona faaleleia sa leaga ona o le faalavelave, o mea e aofia ai pilio fale ma’i ma mea totino faaleagaina.
Mo tala lata mai e uiga i le tautua a le FEMA e tauala mai i le faalavelave na tupu ia Ian. 21-23, 2024 i le Itumalo o San Diego ona o lologa ma le afa matautia, asiasi ane i le itulau a le upega tafa i lagi www.fema.gov/disaster/4758.
###
O le misiona a le FEMA o le fesoasoani lea I tagata ae lei tupu, taimi ua tupu ai, ma le maea ona tupu o se faalavelave faale natura.
O fesoasoani uma a le FEMA e tuuina atu e aunoa ma se faa ituau e atagia mai I le faailoga tagata, faailoga lanu, fua I le ituaiga tagata (e o’o lava i le sauaina i soo se auala ae maise ai le amio mataga) pe fua I se talitonuga faale lotu, faa ituau e fua I tausaga, fua I manaoga tumau, fua I le Tapula’a o le silafia o le gagana Igilisi, pe fua I lona taualoa. Afai e te talitonu ua solia lau aia tatau, e mafai ona e faafesootai le Civil Rights Resource i le 833-285-7448 (TTY 800-462-7585). O i latou e faaogaina isi fesootaiga faapitoa e aofia le videophone Innocaption poo le CanTel e ao ina faailoa i le FEMA le numera o le latou telefoni o loo sootaga i lea auaunaga. O loo iai tali telefoni e mau gagana o loo avanoa (oomi le 2 mo le gagana Sipaniolo.