San Diego, Calif. – ‘I he ofi ‘a e ‘aho faka’osi ke fakafonu ai ha tohi kole, ‘Oku kei ‘i heni pe ‘a e FEMA ke tokoni kiate kinautolu ne uesia ‘i Sanuali 21-23, 2024 mei he matangi malohi mo e tafea he Vahenga San Diego. ‘E tapuni ‘a e ngaahi Senitaa Fakalelei’i Fakatamaki he 7 p.m Falaite, ‘Epeleli 19. ‘I he ‘osi e tapuni ‘a e Senitaa Fakalelei’i Fakatamaki, ‘oku kei faingamalie pe ‘a e tokoni FEMA he telefoni, ‘initaneti pea mo e polokalama mopaila (mobile app). Ko e ‘aho faka’osi ke fai ha lesisita tokoni FEMA ko e Falaite, ‘Epeleli 19.
Senitaa Fakalelei’i Fakatamaki
Te ke kei lava pe ‘o fakataha mo e kau sipesolisi mei he FEMA pea mo e ‘Ofisi Pule Pisinisi Iiki he ngaahi feitu’u ko ‘eni ‘o a’u ki ‘Epeleli 19:
‘Oku ava ‘a e ongo senitaa mei he 10 a.m. ki he 7 p.m. PT, Tusite ki he Tokonaki ‘o a’u ki ‘Epeleli 19.
Mountainview Community Center
641 South Boundary Street
San Diego, CA 92113
Spring Valley Library
836 Kempton Street
Spring Valley, CA 91977
Kei Hoko Atu Tokoni ‘a e FEMA
Neongo ‘oku ‘osi ‘a e lesisita ki ‘Epeleli 19, te ke kei lava ‘o toe fakalelei ho tohi kole, fakahu mai ha ngaahi tohi pea mo vakai’i ‘a e tu’unga ko ia he ‘initaneti pe ko e telefoni.
- Ko e founga faingofua taha ke ke fetu’utaki ko e telefoni Tokonilaine ‘a e FEMA.
- Telefoni ta’etotongi 800-621-3362, 7 a.m. ki he 10 p.m. PT, faka’aho.
- ‘Oku tokolahi ‘a e kau ngaue fakatonu lea ke tali ho ngaahi fehu’i, fakalelei ki ho tohi kole pea tokoni ki ha fakatangi.
- ‘Oku faingamalie kiate koe ‘a e FEMA 23/7/365 he uepisaiti mo e polokalama mopaila.
- Fakafonu ha tohi kole ki he Tokoni ‘a e FEMA, fakalelei ha fakamatala, fakahu ha ngaahi tohi pe ko ha faile ha fakatangi he DisasterAssistance.gov.
- Faka’aonga’i ‘a e FEMA Mobile App Ki ha tohi kole pe vakai’i ‘a e tu’unga ho tohi kole.
Tokoni ‘Ofisi Pule Pisinisi Iiki
Ko e kau ‘ouna ‘api, leni (renters), pisinisi kalasi kehekehe, mo e ngaahi kautaha ‘ikai ma’u ha tupu te nau lava ‘o fai ha tohi kole noo fakatamaki SBA ‘o au ki he Falaite, ‘Epeleli 19. Te ke lava ‘o fakafonu ‘a e tohi kole he ‘initaneti pea toe ma’u ha famatala tokoni fakatamaki he SBA.gov/disaster. Pisinisi iiki mo e kautaha ‘ikai ma’u ha tupu te nau lava ‘o fakafonu ha tohi kole ki ha noo fakatamaki lavea faka’ekanomika ‘o a’u ki Novema 19, 2024. Ko e Senitaa Fakalelei’i Pisinisi SBA (BRC (Business Recovery Center)) ‘oku nau tapuni he 5 p.m. Falaite, ‘Epeleli 19.
Ko e hounga ngaue ‘a e BRC Monite – Falaite 8:30 a.m. ki he 5 p.m. PT ki ‘Epeleli 19.
National City Business Recovery Center
Southwestern College, Higher Education Center National City
First Floor, Room 7100 — Center for Business Advancement
880 National City Blvd.
National City, CA 91950
Te ke toe lava ‘o telefoni ki he Senitaa Sevesi Kasitoma SBA he 800-659-2955, pe ‘imeili disastercustomerservice@sba.gov ke toe ma’u ha fakamatala ki he tokoni fakatamaki SBA. ‘O kapau ‘oku ke tuli, palopalema ho fanongo, pe ko ha tisapiliti he lea, kataki ‘o telefoni ki he 7-1-1 ke ma’u ‘a e faingamalie ‘o ha sevesi fakafou fetu’utaki.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika.
‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)