San Diego, Calif. – Ko kinautolu ne uesia ‘i Sanuali 21-23, 2024 mei he matangi malohi mo e tafea he Vahenga San Diego ‘oku toe pe ha uike ‘e ua ke fai ha tohi kole ki ha tokoni fakapa’anga ke totongi ha nofo’anga fakataimi, ngaohi ngaahi fiema’u ‘o e ‘api, koloa fakafo’ituitui ne mole pea mo ha fakamole kehe ‘oku fekaunga’aki mo e fakatamaki. Ko e ‘aho faka’osi ki he tohi kole ko e Falaite, ‘Epeleli 19, 2024.
‘Oku mau na’ina’i atu ke faile ha keleimi ‘inisiua ki ha maumau ki ho mou ngaahi ‘api, koloa fakafo’ituitui mo ha me’alele kimu’a pea ke toki fai ha tohi kole tokoni mei he FEMA. ‘Oku ‘ikai ha fiema’u ia ke totongi fakafoki ‘a e pa’anga ‘ofa ‘a e FEMA. Ko e tokoni ‘a e FEMA ‘oku ‘ikai ha totongi tukuhau pea ‘e ‘ikai uesia ai ho faingamalie ki he tokoni Fika Ngaue (Social Security), Metikeiti (Medicaid) pe ko ha toe penefiti mei he fetulolo
Founga ‘E Tolu ‘o e Fakafonu Tohi Kole
Fakafonu ‘a e tohi kole he ‘initaneti he DisasterAssistance.gov, faka’aonga’i ‘a e polokalama mopaila ‘a e FEMA FEMA mobile app pe telefoni ki he 800-621-3362 ‘oku faingamalie ‘a e kau ngaue Tokonitelefoni mei he 7 a.m. ki he 10 p.m. PT faka’aho. ‘Oku tokolahi ‘a e kau fakatonu lea ‘oku nau faingamalie ke tokoni atu. ‘O kapau ‘oku ke faka’aonga’i ha sevesi fakafou, ‘o hange ko e fakafou vitio (Video Relay Service (VRS)), telefoni kiate kinautolu ‘oku tuli pe ko ha toe kautaha kehe, ‘oange ‘a e fika sevesi ko ia ki he FEMA. Ke mamata ki ha vitio ‘o kau ki he founga fakafonu ha tohi kole ‘a’ahi: Three Ways to Register for FEMA Disaster Assistance - YouTube.
Noo tokoni fakatamaki SBA
Ko kinautolu na’a nau tohi kole ki ha tokoni fakatamaki mei he FEMA ‘e lava ke fai ha fakaongoongo lelei ki he U.S. Small Business Administration ((SBA) ‘Ofisi Pule Pisinisi iiki U.S.). ‘E lava he noo fakatamaki SBA ‘o totongi ha mole na’e ‘ikai totongi kakato he ‘inisiua pe ko ha toe ma’u’anga tokoni kehe. ‘O kapau ‘e tali ho tohi kole, ‘oku ‘ikai pehe ko ha me’a pau ia ke ke tali ‘a e noo fakatamaki SBA. Ka neongo ia, ko e malava ke fai ha tohi kole noo ‘e malava ai ke ke toe faingamalie ki he tokoni kehe ‘a e FEMA, ‘o hange ko ha fakatamaki ‘o fekaunga’aki mo ha ngaohi me’alele, ngaahi me’a faka’api, mo ha toe fakamole kehe.
‘E lava he ngaahi pisinisi ‘o noo pea a’u ki he $2 miliona ‘o ha maumau ki he ngaahi ‘api pe ko ha pa’anga ngaue (Noo Fakatamaki Lavea Faka’ekanomika). ‘E lava he kau ‘ouna ‘api ‘o noo pea a’u ki he $500,000 mei he SBA ke fakalelei’i pe fakafetongi ho nau nofo’anga. ‘E lava he kau ‘ouna ‘api mo e kau leni (renters) ‘o noo pea a’u ki he $100,000 ke fakaellei’i pe fakafetongi ha koloa fakafo’ituitui.
Ha’u ‘o fakafonu ‘a e tohi kole:
SBA San Diego County Business Recovery Center (Senitaa Fakalelei’i Pisinisi Vahenga San Diego SBA):
Southwestern College, Higher Education Center National City
Levolo ‘Uluaki, Loki 7100 - Center for Business Advancement (Senitaa Pisinisi Fakalakalaka)
880 National City Blvd.
National City, CA 91950
Monite – Falaite, 8:30 a.m. – 5:00 p.m.
Te ke lava ‘o fai ha tohi kole he ‘initaneti sba.gov/disaster. ‘E lava ke ma’u ha fakamatala ki he noo Fakatamaki ‘aki ha’o telefoni ki he Senitaa Sevesi Kasitoma SBA he 800-659-2955, pe ‘imeili disastercustomerservice@sba.gov ke toe ma’u ha fakamatala ki he tokoni fakatamaki SBA. ‘O kapau ‘oku ke tuli, palopalema ho fanongo, pe ko ha tisapiliti he lea, kataki ‘o telefoni ki he 7-1-1 ke ma’u ‘a e faingamalie ‘o ha sevesi fakafou fetu’utaki.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika.
‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)