San Diego, Kalefonia. — O i latou na faasao mai i le faalavelave o Ian. 21-23, 2024 i le Itumalo o San Diego i le afa matautia ma lologa o loo toe nei e lua vaiaso e mafaia ai ona faaulu a latou talosaga mo fesoasoani tau seleni mo apitaga i se taimi puupuu, vaega o fale moomia na toe faaleleia, mea totino faaleagaina ma isi lava mea faaleagaina e sootaga ma le faalavelave. O le aso mulimuli apalai ai o le Aso Faraile, Aperila 19, 2024.
O loo fautuaina e na aafia ina ia faila talosaga i inisiua e toe faaleleia mea faaleagaina o fale, mea totino ma taavale ae le’i apalai i le FEMA mo fesoasoani. O fesoasoani tupe e maua atu i le FEMA e le toe totogia. O fesoasoani foi mai le FEMA e leai ni lafoga e totogia ma e le afaina ai foi isi penefit mai le malo feterale e pei o Saogalemu, Medicaid poo isi faamanuiaga faapena.
Tolu Auala E Apalai ai
Apalai i luga o le laina le DisasterAssistance.gov, faaaoga le FEMA mobile app, pe valaau le Lainafesoasoani a le FEMA i le 800-621-3362. O le au tali telefoni a le Lainafesoasoani e avanoa mai i le 7 a.m. e o’o atu i le 10 p.m. PT i aso taitasi. E avanoa le fesoasoani i le tele o gagana. Afai e te faaaogaina le auauanaga o le relay service, e pei o le video relay (VRS), fesootaiga o telefoni faamatala upu ma isi lava tautua, faailoa i le FEMA le numera oena auauanaga. Ae fia maimoa i le video o loo faailoa atu ai pe faapefea ona apalai oomi le itulau: Tolu Auala e Resitala ai mo Fesoasoani a le FEMA - YouTube.
Nonoga tupe fesoasoani tagata aafia mai le SBA
O tagata na faasaoina mai lea sa apalai mo fesoasoani a le FEMA e ono faasino i ai le Ofisa o Pisinisi Laiti (SBA) i le U.S. E mafai e nonoga tupe mai le SBA ona kavaina mea faaleagaina e lei kavaina e inisiua poo isi alagamanuia. Afai e talia lau talosaga, e le faamalosia oe e talia le nonoga tupe a le SBA. Ae peitai, o le faatumuina o lau talosaga e ono matala mai ai isi avanoa e maua ai se fesoasoani mai i isi vaega a le FEAM, e pei o toe faaleleia o taavale, mea manaomia i totonu o aiga, ma isi mea ua faaalu ai tupe.
E mafai ona nono e pisinisi le $2 miliona mo soo se tuufaatasiga o mea faaleagaina ma tupe maua mai galuega masani (Fesoasoani mo Manuaga tau Tamaoaiga). E mafia e i Latour ua faatau fale ona nono le $500,000 mai le SBA e toe faaleleia ai le fale nofo. O e ua faatau fale am e mau fale totogi e agavaa i le nonoina o le$100,000 e toe faa;leleia ma faafou ai mea totino.
Apalai faafesaga’i i le:
Ofisa o le SBA i le Itumalo o San Diego mo Mea Toe Faaleleia i Pisinisi:
Southwestern College, Higher Education Center National City
First Floor, Room 7100 - Center for Business Advancement
880 National City Blvd.
National City, CA 91950
Aso Gafua – Aso Faraile, 8:30 a.m. – 5:00 p.m.
E mafai ona apalai i luga o le laina i le sba.gov/disaster. Pe valaau foi i le Ofisa o Auaunaga Lautele a le SBA i le (800) 659-2955, pe imeli mai foi i le disastercustomerservice@sba.gov mo isi faamatalaga e uiga i le i fesoasoani a le SBA. If you are deaf, hard of hearing, or have a speech disability, please dial 7-1-1 to access telecommunications relay services.
Mo tala lata mai e faatatau i le FEMA ma galuega faatino ona o le faalavelave ia IJan. 21-23, 2024 i le Itumalo o San Diego ona a le afa matautia ma lologa, asiasi ane i le www.fema.gov/disaster/4758.
###
O le misiona a le FEMA o le fesoasoani lea I tagata ae lei tupu, taimi ua tupu ai, ma le maea ona tupu o se faalavelave faale natura.
O fesoasoani uma a le FEMA e tuuina atu e aunoa ma se faa ituau e atagia mai I le faailoga tagata, faailoga lanu, fua I le ituaiga tagata (e o’o lava i le sauaina i soo se auala ae maise ai le amio mataga) pe fua I se talitonuga faale lotu, faa ituau e fua I tausaga, fua i manaoga tumau, fua I le Tapula’a o le silafia o le gagana Igilisi, pe fua I lona taualoa.
O ofisa tumaoti o le Disaster Recovery Centers ua puipuia lona saogalemu aua le tuuina atu o fesoasoani mo e ua aafia I se faalavelave. E le faatinoina ni galuega a le Ofisa o le U.S. Immigration and Customs Enforcement and U.S. Customs and Border Protection e lata I nei nofoaga, sei vagana ai nai faafitauli e ono tulai mai e lamatia ai se soifua, pe sauaina ai, pe faatamaia ai se ola. I le ma lenei, e le faasoaina e le FEMA I le immigration poo leoleo ni faamatalaga e uiga I soo se tasi e oo mai I lenei tautua.
Afai e te talitonu ua solia lau aia tatau, e mafai ona e faafesootai le Civil Rights Resource i le 833-285-7448 (TTY 800-462-7585). O i latou e faaogaina isi fesootaiga faapitoa e aofia le videophone Innocaption poo le CanTel e ao ina faailoa i le FEMA le numera o le latou telefoni o loo sootaga i lea auaunaga. O loo iai tali telefoni e mau gagana o loo avanoa (oomi le 2 mo le gagana Sipaniolo).Mo isi faamatalaga e maua lea i le fema.gov/disaster/4758