SAN DIEGO – Soifua malolōina o le Mafaufau, Gagana, ma Tautua ma gagana mo ē gūgū o lo’o maua i luga o le initaneti ma le telefoni e fesoasoani ai i ē na sao mai afā malolosi ma lolōga o Ianuari 21-23, 2024 i le Itumālo o San Diego.
Ua tatala e le Matagaluega o le Soifua Malolōina ma Tautua mo Tagata a le US ma le FEMA se laina fesoasoani Disaster Distress Helpline e mafai ona e vala’au pe tesi le 800-985-5990. O lenei tautua lagolago e avanoa i aso uma ma le aso atoa mo ē nonofo i San Diego o lo’o feagai ma fa’afitauli o le mafaufau po’o lagona na mafua pe fa’ateteleina e afā malolosi ma lolōga o Ianuari 21-23, 2024 i le Itumālo o San Diego; ma tulaga mulimuli ane.
E ono tu’uina atu e le aufaigaluega a le laina fesoasoani ni fautuaga fa’alilolilo ma nisi tautua lagolago e mana’omia, po’o le fa’afeso’ota’i vave loa i se tagata polofesa ua fa’amasani, o lo’o i se nofoaga tutotonu o le soifua malolōina o le mafaufau latou te galulue fa’atasi.
A ‘e vala’au mai, o’omi le “2” mo ē tautala fa’aSipaniolo e maua ai le fesoasoani mo gagana. E mafai ona feso’ota’i so’o se isi e vala’au mai ma se faufautua o gagana e silia i le 100, ae maua le fa’aliliu upu e fa’afeso’ota’i pe a ta’u lau gagana mana’omia i le tagata faufautua o lo’o lua feagai.
E mafai fo’i e tagata na sao mai ona vala’au i le Laina Avanoa ma Fa’afitauli a San Diego (ACL) i le 1-888-724-7240 mo se lagolago i se fa’afitauli fa’afuase’i.
Fesoasoani o Gagana eseese ma le ASL
Ina ia talosaga mo se fesoasoani mai le FEMA, e mafai e tagata sao mai o lo’o nonofo i le Itumālo o San Diego ona asiasi le DisasterAssistance.gov, fa’aaogā le mobile app a le FEMA pe vala’au i le Laina Fesoasoani i le 800-621- 3362 mai le 7 i le taeao e o’o i le 10 i le afiafi, Taimi Pasefika. E avanoa tagata talitelefoni o gagana eseese pe a e resitala mo se fesoasoani i le telefoni. A ‘e fa’aaogāina se tautua avefeau, pei o se vitiō (VRS), telefoni e iai upu po’o se isi tautua, ave le numera o le tautua lena i le FEMA.
Mo tagata Gūgū pe Lē lelei le Fa’alogo (DHH) ma i latou e manana’o muamua i le Gagana Fai Saini (ASL), fa’aaogā lau telefoni vitiō e vala’au ai le 1-800-985-5990 po’o le kiliki le “ASL Now” i le https://www.samhsa.gov/findhelp/ disaster-distress-helpline ina ia feso’ota’i ma se tagata faigaluega a le DDH e lelei lana gagana ASL.
Mo fa’amatalaga aupito lata mai i afā malolosi ma lolōga iā Ianuari 21-23, 2024 i le Itumālo o San Diego, asiasi le www.fema.gov/disaster/4758.
###
O le misiona a le FEMA o le fesoasoani i tagata ae le’i tupu, a’o feagai ai, ma le uma o se fa’alavelave fa’anatura.
O fesoasoani uma fa’anatura a le FEMA e tu’uina atu e aunoa ma se fa’ailoga atunu’u, lanu, itupā (e aofia ai ma le sauāina tau feusua’iga), filifiliga fa’aitupā, tapua’iga, tupuaga, tausaga, lē atoatoa le malosi, lē lava le gagana Igilisi, po’o le tamāoaiga.
Afai e te manatu ua solia ou āiā tatau, e mafai ona e vala’au i le Laina o Punā’oa o Aiā Tatau i le 833-285-7448 (TTY 800-462-7585). O i latou e fa’aaogāina tautua avefeau pei o se telefonivitiō, InnoCaption po’o le Cap Tel e tatau ona logo le FEMA fa’atasi ma le latou numera o lo’o fa’aaogā mo lena tautua. O lo’o avanoa talitelefoni mo gagana eseese (o’omi le 2 mo le gagana Sipaniolo).