HONOLULU – Wasahn rent me adperdais nan komputer de mehn kapehse teikan pahn ih irail kan me iang apwalkihda kisiniei me wiawihda nan kousampw Maui nan Ahkoso. Miehier me iang leloahng kahpwal wet ni arail pwain mwohni en deposit oahng ihmw en rent ahpw diarada mwuhr me aramas mwerisuwed me pitihsang neirail mwohni.
Irail me iang lelohng kahpwal me pwaradahsang kisinei en nan Oahkoso anahne wehwehki me diren soun wiedip mie me pahn kak kawaisang nein aramas aidih oh iretik kan me kowe kelehpw anahne ese. Pirap en mehn aidih kak wiawi ansou me re pahn mwomwehda me irail soun sawas nan delepwohn, nan email de pil ni ansou me re pahn pwarowei nin kousan kan.
Ahniki lemelemehk ma mie tohn sawas pahn rent ehng uhk ihmw pweitikitik oh nda me pweipwei pahn wiawi nin mwohni doaropwe de ehu soangen pweipwei en nan komputer. Mie sawas kak alahldi pwe ken dehr lelohng soangen kahpwal me kasansaladahr semen kan ni ahmw pahn lukwerih FEMA Helpline ni nempe (800-621-3362) oh tohn doadoahk en American Red Cross sang Lahaina Disaster Recovery Center.
Wiedip me wiawi ansouet uheng aramas me iang apwalkihda kisiniei me wiawihda nan Maui. Soun wiedip kan kin kihda kilel en ihmw en rent me pweitikitik nan mehn kair kan. Ansou me soun ripen ihmw kan koahl pwehn kadehde koasoandi oh mwomwen alehdi wasahn rent pwukat, aramas me dene imwaniki wasahn rent kat nda me re pahn anahne tuhpene oh pweipwei pahn nin mwohni doaropwe de cash. Ansou me re tuhpene, Kontirak de daropwehn inou en rent me kohda likamw oh sohte manaman. Aramas me nda me imwe ihmwo oh alehdi mwohni en diposit o likamw, oh ihmw wet kaidehn imwe.
Ma mie ahmw peneinei de kempokepahmw me iang lelohng mwekid me sansalahdar, kalelehki nin karuwaru Maui Police Department nin nempe 808-244-6400. Komw pil kak kihlong kisin likoun repen pwung ni ohpis en Hawaiʻi Department of Commerce and Consumer Affairs’ hotline nin 808-587-4272, padik 7.
Ma ke mweleki me mwekid suwed de wiedip me pid kahpwal en luludahn Maui de kahpwal sohte lipilipil me pid sahpw, lahng oh sehd, menlau kalelehki FEMA Fraud Investigations oh Inspections Division nan FEMA-OCSO- Tipline@fema.dhs.gov or call 866-223-0814.
Ire kapw me pid sawas en kamwahuihla ohlahn kisiniei nan Maui, douda nan mauicounty.gov, mauirecovers.org, fema.gov/disaster/4724 oh Hawaii Wildfires - YouTube. Douda nan ahn FEMA mehn kapehse teikan: @FEMARegion9 oh facebook.com/fema. Sawas oh kaweid teikan me pid kahpwal en luludahn kisiniei kak alahldi ma ke kapidelong aplikeisin nan sba.gov/hawaii-wildfires.