ပြန်လည်နလံထူရေးတွင် ယူအက်စ် အသေးစားလုပ်ငန်း စီမံအုပ်ချုပ်မှုဌာန၏ အခန်းကဏ္ဍ

FEMA သည် ကပ်ဘေးဒဏ်သင့်သူများအား မကြာခဏပင် ယူအက်စ် အသေးစားလုပ်ငန်းစီမံအုပ်ချုပ်မှုဌာန (SBA) သို့ ညွှန်ပြလွှဲပြောင်းပေးလေ့ရှိရာတွင် အတိုးနှုန်းနိမ့် ချေးငွေများ လျှောက်ထားနိုင်ရန် ဖြစ်သည်။ ကပ်ဘေးချေးငွေသည် ဖယ်ဒရယ်အကူအညီတွင် အရေးပါသည့် အစိတ်အပိုင်းဖြစ်ပြီး အိမ်ပိုင်ရှင်များ၊ အိမ်ငှားများ၊ အရွယ်အမျိုးမျိုးရှိသည့် လုပ်ငန်းများနှင့် အချို့ ပရဟိတအဖွဲ့အစည်းများအား ပြန်လည်ထူထောင်နိုင်ရန် ကူညီနိုင်ပါသည်။ 

FEMA ကပ်ဘေးအကူအညီလျှောက်ထားချိန်တွင် သင့်အား SBA သို့ ရည်ညွှန်းလွှဲပြောင်းပေးနိုင်သည်

• SBA ၏ ကပ်ဘေးချေးငွေများသည် ဖယ်ဒရယ်ကပ်ဘေးပြန်လည်ထူထောင်ရေးရန်ပုံငွေများအနက် အကြီးဆုံးရင်းမြစ် ဖြစ်သည်။ SBA က ရေရှည်၊ အတိုးနှုန်းနိမ့် ကပ်ဘေးချေးငွေများကို အိမ်ပိုင်ရှင်များ၊ အိမ်ငှားများ၊ အရွယ်အမျိုးမျိုးရှိသည့် လုပ်ငန်းများနှင့် အချို့ ပရဟိတအဖွဲ့အစည်းများအား ပြန်လည်ထူထောင်နိုင်ရန် ကမ်းလှမ်းနေပါသည်။
• SBA ချေးငွေများသည် ပုံသေသတ်မှတ်ထားသော အတိုးနှုန်းဖြင့် ကာလရှည်အတွက် ကောင်းမွန်ပြီး ၁၂ လအတွက် ပေးခြေရမည့်ငွေကို အလိုအလျောက် ရွှေ့ဆိုင်းကာ ပထမဆုံး  ၁၂ လတွင် အတိုးနှုန်း ၀% ဖြစ်သည်။ 

SBA ချေးငွေများသည် သင်၏ ပြန်လည်ထူထောင်ရေးတွင် အရေးပါသည့် အစိတ်အပိုင်း ဖြစ်နိုင်သည်။

• SBA ချေးငွေလျှောက်ထားခြင်းဖြင့် FEMA က သင့်အား အခြားအကူအညီ အမျိုးအစားများအတွက် ထည့်သွင်းစဉ်းစားနိုင်ရာတွင် ကားပျက်စီးခြင်း၊ မရှိမဖြစ်လိုအပ်သည့် အိမ်သုံးပစ္စည်းများနှင့် အခြား ကပ်ဘေးဆိုင်ရာ ကုန်ကျစရိတ်များ ပါဝင်သည်။
• လျှောက်ထားခြင်းသည် အခမဲ့ဖြစ်ပြီး ချေးငွေခွင့်ပြုစေကာမူ သင်လက်ခံယူရန် မလိုပါ။
• အကယ်၍ သင်က ချေးငွေကို လက်မခံရန် ဆုံးဖြတ်ပါက သင်သည် နောက်ခြောက်လအတွင်း ပြန်လည်လက်ခံရန် တောင်းဆိုနိုင်သည်။ အပျက်အစီးများက သင်ထင်ထားသည်ထက် ပိုများနေလျှင် သို့မဟုတ် သင့်အာမခံလျော်ကြေးက ပြုပြင်မှုအားလုံးကို မကာမိလျှင် သင်၏ လျှောက်လွှာကို ပြန်လည် အသက်သွင်းနိုင်သည်။
• အကယ်၍ SBA က သင်သည် သတ်မှတ်ချက်မပြည့်မီကြောင်း တွေ့ရှိပါက သင့်အား FEMA သို့ ပြန်လည်လွှဲပေးပြီး ၎င်းတို့က သင်သည် အပိုဆောင်းထောက်ပံ့ကြေးရနိုင်မှု ရှိမရှိ စိစစ်နိုင်ပါသည်။

ပို၍ ခိုင်မာအောင် ပြန်လည်ဆောက်လုပ်ခြင်း

• FEMA ၏ ထောက်ပံ့ကြေးနှင့် SBA ၏ ကပ်ဘေးချေးငွေများသည် အပျက်အစီးများပြုပြင်ရန်နှင့် သင်၏ ပြန်လည်နလံထူရေး ပိုမိုမြန်ဆန်လာရန် အတူတကွ ပူးပေါင်းလုပ်ဆောင်ပါသည်။
• SBA ချေးငွေများသည် အဆောက်အအုံများကို အနာဂတ်အပျက်အစီးများ မဖြစ်စေရန် ပိုမိုကောင်းမွန်အောင် ပြုပြင်ခြင်း သို့မဟုတ် အသက်ကယ်တင်နိုင်ခြင်းတို့ ဖြစ်စေပါသည်။ အနာဂတ် အပျက်အစီးများကို လျှော့ချရန်နှင့် အဆောက်အအုံကို ပိုမိုကောင်းမွန်ခိုင်ခန့်အောင် ဆောက်လုပ်ရန်အတွက် ကပ်ဘေးချေးငွေများကို ၂၀% အထိ တိုးမြှင့်ပေးနိုင်သည်။ 
• SBA အကြောင်း ပိုမိုသိရှိရန် SBA ၏ ဝန်ဆောင်မှုဌာန ၁-၈၀၀-၆၅၉-၂၉၅၅ (တယ်လီဖုန်း ထပ်ဆင့်ပို့ဝန်ဆောင်မှုအတွက် ၇-၁-၁ ကို ခေါ်ပါ) သို့မဟုတ် DisasterCustomerService@sba.gov သို့ အီးမေးလ်ပို့ပါ
• SBA ကပ်ဘေးချေးငွေလျှောက်ထားရန် အတွက် DisasterLoanAssistance.sba.gov
• အကူအညီလျှောက်ထားရန် DisasterAssistance.gov ကို ဝင်ကြည့်ပါ။ FEAM မိုဘိုင်းအက်ပ် ကို ဒေါင်းလုဒ်လုပ်ပါ။ သို့မဟုတ် FEMA အကူအညီလိုင်း ၈၀၀-၆၂၁-၃၃၆၂ ကို ဖုန်းခေါ်ပါ။ အကယ်၍ သင်သည် ထပ်ဆင့်ပို့သည့် ဝန်ဆောင်မှုဖြစ်သော ဗီဒီယိုထပ်ဆင့်ပို့ဝန်ဆောင်မှု (VRS)၊ ဖုန်းစာသားဝန်ဆောင်မှု သို့မဟုတ် အခြား အလားတူ ဝန်ဆောင်မှုကို သုံးပါက သင်လျှောက်ထားချိန်တွင် သင့်နံပါတ်ကို FEMA အား ပေးပါ။
  • FEMA မှ ကျွမ်းကျင်သူများက သင်လျှောက်ထားမှုကို ကူညီပြီး လူကိုယ်တိုင် မေးခွန်းများ ဖြေကြားပေးနိုင်သည့် ကပ်ဘေးပြန်လည်ထူထောင်ရေးဌာနတစ်ခုကို ရှာရန် fema.gov/drc. သို့ သွားပါ။