LITTLE ROCK, Ark. – Einwõt aoleb jorrāān in mejatoto ko rej walok, tornado ko remaron kõlab jorrāān ko ilo moko imõn armij, jikin ko, im ekāl ko. Ekkā an labtata an tornado ko kõmman jorrāān eo elabtata ñan ekāl ko rejab kajur, ekoba jet em ko emõj kadede aer kar ekāl im em in jokwe ko jet.
Ewõr wāween ko ñan kadiklok jorrāān ko ñan kõkmanmanlok kejbarok ñan armij ak ñan kadiklok im jolok jorrāān ko remaron walok ilo jeklaj ñan ekāl ko im moko im jikin ko an armij. Rijerbal ro an FEMA rej jibañ kin em remaron lewaj melele kin wāween kõmmane jorrāān ko, kõkkāāl, im bar ekāl imõm bwe en lablok an armij jab jorrāān im kajurlok ilo ien ebar walok bar juon jorrāān.
Melele ko ñan Lomnak ñan Kadiklok Jorrāān
BÕRWAJ KO
Ekkā an jorrāān bõrwaj im kobban imõn jokwe ko jen kõto ko relab. Ewõr wāween ko ñan kadiklok jorrāān im armij remaron kõmmane ñan kadiklok an jorrāān bõrwaj ko.
Kultien wāween kein ñan kadiklok jorrāān ekoba:
- Kõmmane Bõrwaj ko rebañ jorrāān jen kõto
- Kabine Jabbon Bõrwaj ko Juon Wõt Jebaan
- Kabin im Kajimwe Wāween Kõjerbal Alal im Kein Jerbal ko rej Kejbaroke Moko
- Kajimwe an Elāk Mõttan ko rej Kalbubu Bõrwaj ko
JIKIN KO EBIDODO TATA AER JORRĀĀN
Kõjam im wūnto ko inabojin mweo rej mõttan ko ebidodo tata aer jorrāān ilo juon em. Ñe renaj rup, kõto ko relab remaron deloñe iloan moko im kõmman an ibweeb iloan em imm kakkure bõrwaj im dabin em ko, innem kõmman jorrāān ko relukkun lab. Ilo ien ewõr jorrāān ilo juon em, kõto, menoknok, im wot emaron kõmman an jorrāān iloan mweo ak kõjorrāān jabdewõt armij iloan mweo.
Kultien wāween ko ñan kejbarok jikin ko ebdidodo tata aer jorrāān ko ekoba:
- Kabin ae Kõjam ko an Garage ko
- Kabin ae Kõjam ko Ruo Kõjam in Deloñ
- Kõlak Kilaaj ko ebin aer jorrāān
RIJERBAL RO AN EM ILO JUKJUKINBED EO
Aoleb ien lale ibben juon rijerbal an em ilo jukjukinbed eo mokta jen am jinoe jabdewõt jerbal in kõmman jorrāān ak bar ekal kinke:
- Emaron wõr kakien in em ko, peba in kõmelim, mennin aikuj ko ikijen etale, im kakien ko kin jejejjetin jikin ko.
- Juon kakien kin jikin ko ekkā aer ibwij enaj kabõjrak an armij maron bar ekal ilo ien elab joñan jorrāām ilo juon em ak ebed ilo jikin ko ekkā an ibwij.
Rijerbal ro an em renaj kabin ñe rijerbal ro wõt ewõr aer laijen in jerbal remaron kõmmane moko rejorrāān ak kõmmane jerbal ko ñan kadiklok an jorrāān em.
Email ae juon Rijerbal
Ñe kwõjab maron kall, email ae lok kajjitõk, enaan, ak abnõnõ ko am ñan FEMA-ARMit@fema.dhs.gov ñan bõk juon uwaak ilo jeje jen juon Rijerbal.
Kenono ibben juon Specialist
- Lain in Kall ñan Jibañ Jolok Jorrāān– Ebellok Mande ñan Bolaide, 8:30 awa jibbon ñan 4:30 awa raelap ilo am kall ae lok 833-FEMA-4-US ak 833-336-2487.
- Kwõmaron loe web peij in kin Kakõlle in QR in ñe ejab ilo am etal ñan: Arkansas Disaster Web Page (Web Peij eo an Jorrāān ilo Arkansas) (cosocloud.com)
- Ejellok ej uwaak ilo ien am kall? Likūt juon majej im juon Rijerbal enaj bar kall ae kwe iloan 24 awa.
Kein Jibañ ko Online
- Etal ñan https://fema.connectsolutions.com/armit/ ñan am lale elõñ melele ko emõj kaajeeded im remaron jibañ kwe ilo ien am kõmman jorrāān, kõkkāāl, ak bar ekal.
- Building Science Resources After an Extreme Wind Event (Kõlablok Kein Jibañ ko jen Science Ālikin an Walok juon Kõto eo Elab) FEMA Kõlablok Kein Jibañ ko jen Science ñan Jibañ ikijen Bar Ekal ālikin juon Ien Elab Kõto.
- Improving Windstorm and Tornado Resilience: Recommendations for One- and Two-Family Residential Structures (Kõkmanmanlok Kajur jen Kõto im Tornado: Melele in Rõjañ ko ñan Imõn Jokwe ko ewõr Juon im Ruo Baamle) Jidik kõmelele ñan kõkmanmanlok moko ñan kadiklok an jorrāān em ko rej kõmman jen alal, imõn jokwe ko an juon im ruo baamle ilo ien renaj jorrāān jen tornado ko emõj kalikar joñan ilo Enhanced Fujita (EF) Scale (Kein Joñjoñ joñan kõtõ ak kajur) im ej einwõt EF2 ak diklok an kajur, im ejab kaju walok jorrāān jen tornado ko elablok jen EF joñan.
Ñan melele eo āliktata etal ñan fema.gov/mh/disaster/4788. Lale akkoun eo an FEMA Region 6 X ilo X.com/FEMARegion6 ñe ejab Facebook ilo facebook.com/FEMARegion6/.