LITTLE ROCK, Ark. – Zoo ib yam li txhua hom kev puas tsuaj, cov khaub zeeg cua yeej raug tau vaj tse, thaj teb thiab cov nroog lub hauv paus tib si. Feem ntau, cov khaub zeeg cua yuav raug tau cov tsev uas sib me ntsis, suav nrog cov tsev txawb thiab lwm yam tsev nyob.
Muaj tej txoj kev txo kev pheej hmoo kom haj yam tiv thaiv tau tus kheej thiab txo los yog tshem kev pheej hmoo uas lub tsev los yog thaj teb yuav raug kev puas tsuaj yav tom ntej. FEMA cov kws txua tsev pub tau ntaub ntawv rau koj uas yuav qhia koj paub kho, txum tim, los yog rov qab txua koj lub tsev kom haj yam nyab xeeb thiab ruaj khov kho ua ntej yuav raug kev puas tsuaj yav tom ntej.
Cov Ntsiab Cai Txog Txoj Kev Txo Kev Pheej Hmoo Uas Yuav Tau Xav Txog
Txoj Kev Txua Lub Ruv Tsev
Thaum twg lub ruv tsev raug cua hlob ces ua kom lub tsev thiab txhua yam nyob rau haud ruag tib yam. Muaj tej txoj kev txo kev pheej hmoo uas siv tau kom tiv thaiv ntawm lub ruv tsev qhov raug puas.
Tej txoj kev txo kev pheej hmoo no muaj xws li:
- Txua lub ruv tsev uas txawj tiv thaiv cua hlob
- Ntxiv Zog Rau Lub Ruv Tsev Ob Sab
- Ntsia Cov Ntaub Thaiv Ruv Tsev Kom Zoo
- Ntsia Cov Vuas Vov Tsev Kom Zoo
Cov Qhov Nkag Tsev
Cov qhov rooj tawm mus thiab qhov rais yog tej qho chaw qaug zog tshaj plaws rau ib lub tsev twg. Yog tias tej no raug tawg los yog raug cua hlob, ces cov cua txawm nkag tau lub tsev tag nrho thiab cua tshuab rau phab ntsa thiab lub qab nthab uas yuav raug tau lub tsev sab heev. Thaum uas cua nkag tau lub tsev lawm, ces yuav muaj cua tshuab hlob, khib nyiab thiab nag uas raug tau lub tsev sab hauv thiab mob leej twg uas nyob rau haud.
Tej kev txo kev pheej hmoo ntawm cov qhov nkag tsev muaj xws li:
- Txhawb Zog rau Lub Qhov Rooj hauv Chaw Nres Tsheb
- Txhim Kho Cov Qhov Rooj Uas Muaj Ob Lub Qhov Rooj Ua Ke
- Siv Cov Qhov Rais Uas Tsis Txawj Tawg Thaum Raug
Cov Nom Saib Xyuas Kev Txua Tsev Hauv Zej Zog
Yuav tsum xub sab laj nrog cov nom saib xyuas kev txua tsev hauv zej zog ua ntej yuav pib kho los yog rov qab txua tsev dua vim:
- Tej zaum yuav txhaum cov cai txua tsev, cov ntawv pub cai txua, cov kev kuaj ntsuas, thiab cov cai rau thaj tsam.
- Ib txoj cai rau cov tsev uas nyob hauv ib qho chaw muaj feem raug dej los nyab yuav raug tau lub peev xwm rov qab txua tsev thaum ib lub tsev uas nyob hauv ib qho chaw raug dej los nyab no raug sab heev.
Cov nom saib xyuas kev txua tsev no yuav qhia hais tias tsuas pub cai rau cov kws txua tsev uas muaj ntawv pub cai thiaj kho tau lub tsev los yog kho tsev kom txo kev pheej hmoo raug yav tom ntej.
Xa Email Mus Rau Ib Tug Neeg Tshaj Lij
Yog koj tsis muaj peev xwm hu xov tooj, ces yuav tau xa koj cov lus nug, cov lus hais, los yog cov teeb meem mus rau FEMA-ARMit@fema.dhs.gov es yuav muaj ib tug Neeg Tshaj Lij sau ntawv teb rov qab.
Sab Laj Nrog Ib Tug Neeg Tshaj Lij
- Tus Xov Tooj Hu Pab Txo Kev Pheej Hmoo – Khoom Hnub Monday txog Hnub Friday, 8:30 sawv ntxov mus rau 4:30 tsaus ntuj thaum hu 833-FEMA-4-US los sis 833-336-2487.
- Yees qhov QR Code no los yog mus saib: Arkansas Disaster Web Page (cosocloud.com)
- Tsis muaj leej twg teb thaum koj hu tuaj lov? Kaw suab thiab ib tug Neeg Tshaj Lij yuav hu rov qab ua ntej dhau 24 teev.
Cov Chaw Pab Hauv Is Taw Nej
- Mus saib https://fema.connectsolutions.com/armit/ kom nyeem ntau yam ntawv txog ntaub ntawv siv nyog thaum kho tsev, txum tim lub tsev thiab rov qab txua lub tsev dua.
- Building Science Resources After an Extreme Wind Event FEMA Cov Chaw Pab Txuj Ci Txua Tsev Kom Pab Rov Qab Txua Tsev Tom Qab Raug Cua Hlob.
- Improving Windstorm and Tornado Resilience: Recommendations for One- and Two-Family Residential Structures Ib co lus dav txog kev kho tsev kom txo kev pheej hmoo raug khaub zeeg cua rau cov tsev muab ntoo los txua thiab cov tsev muaj ib los ob tsev neeg nyob rau haud raws li Lub Cuab Yeej Ntsuas Khaub Zeeg Cua uas yog EF2 los yog tsawg zog, thiab thaum raug cua hlob ntawm ib qho khaub zeeg cua uas muaj zog dua EF2 tiam sis nyob deb me ntsis thiaj raug tsev tsis ncaj.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.