LITTLE ROCK, Ark. – Ro rar ellā jen jorrāān eo elap aikuj jelā kōn ro ewōr kapeel ilo jerbal nana im rijorrāān ro rej maroñ ebbōk jāān ak koot e melele ko am ilo aer koot jāān ak melele ālikin jorrāān ko rellap. Jet iien, rikoot ro rej kajeoñ kanne ñan jipañ ko an FEMA ilo aer kōjerbal āt, atōrej, im jojal nōmba ko emōj aer koot i jen ro rar ellā jen jorrāān ko rellap.
Ñe juon rijerbal in etale (inspector) jen FEMA ej iwōj ñan kabijuknen im kwar jab kanne aplikājen eo an FEMA, melele ko am maroñ kar kōjerbali ilo an ejjelok am jelā kake ñan kōmmane aplikājen eo an FEMA. Ñe aet, jouj im kōjellāiki ri etale eo ke kwar jab kanne ñan jipañ ko an FEMA bwe ren kajjitōk an kabõjrak jerbal in wōnmaanlok ko an aplikājen eo.
Ñe kwar jab kanne etam ñan bōk jipañ ko, ak kwar loe lōta jen FEMA, jouj im kall e FEMA Helpline (Jipañ ilo Talboon) ilo 800-621-3362. Jikin lain in kall eo naaj jilkinlok juon kajjitōk ñan kabōjrak jabdewōt jerbal in wōnmaanlok ko an aplikājen eo.
Ñe kwoj kōnaan kanne etam ñan jipañ ko an FEMA ālikin kabōjrak juon aplikājen iumwin etam ilo an ejjelok am jelā kake, jikin jipañ eo ilo talboon naaj jipañ eok kanne bar juon aplikājen.
Jerbal Nana ko
Kumi ko an FEMA eo rej Jipañ ro Rej Ellā jen Jorrāān ko Rekauwōtata (Disaster Survivor Assistance, DSA), rijerbal in etale em im bar rijerbal ro jet rej jerbal ilo jikin ko emōj jelōt i jen lañ ko rellap. Enaaj wōr ibbeir bāāj im pija ko aer ie jen doulul eo. Rijerbal ro an FEMA im Doulul in Bejnej Jidik ilo U.S. (Small Business Administration, SBA) rejjab aikuj lewaj wōnāān ñan kanne etam ñan jipañ ko ilo iien jorrāān ko rellap, jerbal in etal ko ak jipañ kanne aplikājen ko.
Jab tōmak jabdewōt eo ej kallimur an iwōj jāān in jipañ an iien jorāān ko rellap ālikin am kōllā.
Kwon ekkōl kōn kall ko kwojaje rej iwōj jen ia ak ro rej lowaj eok ilo kabijuknen jen armij ro rej ba ke rijerbal jen FEMA ñan etale em im armej ro rej ba ke rej jerbal ñan FEMA. Rijerbal ro an doulul eo naaj wōr bāāj in pija-ID jen jikin jerbal im nōmba in FEMA aplikājen eo am.
Jab lelok melele in bank akkaun eo am ñan juon eo ej mon e armej ke ej juon rijerbal jen FEMA eo ej etale em (house inspector). Ri etale ro an FEMA raar jab kōmālin ñan bōk melele ko am ikkijien jāān.
Ñe kwōj tōmak kwar jorrāān jen jerbal nana ko, ripoot e ilo iien eo emōkajtata ñan mōn bwilijmāān eo an jukjukin pād eo ak ra eo an sheriff ak kepaak e Wōpiij eo an Attorney General eo ilo Arkansas ilo (501) 682-2007 ak (800) 482-8982 ak email oag@ArkansasAG.gov.
Ñe ewōr am jelā kōn jerbal in koot, jokpej ak jōrrāān – 24 awa juon raan, jiljilimjuon raan ilo juon wiik – ñan FEMA Disaster Fraud Hotline (Lain in Kall eo an Jerbal in Koot ko iien Jorrāān ko Rellap) ilo 866-720-5721. Kwōj maroñ bareinwōt email e StopFEMAFraud@fema.dhs.gov ñan ripoot jerbal nana ko.
Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 X ilo X.com/FEMARegion6 ak ilo Facebook ilo facebook.com/FEMARegion6/.