LITTLE ROCK, Ark. – Cov neeg muaj sia nyob yuav tsum paub tias cov neeg dag ntxias thiab cov neeg ua phem yuav dag nyiaj lossis nyiag cov ntaub ntawv ntiag tug los ntawm kev dag los sis tub sab nyiag tom qab muaj kev puas tsuaj. Qee zaum, tub sab maj mam siv thov cov kev pab ntawm FEMA los ntawm kev siv npe, chaw nyob thiab tus nab npawb Xaus Saus uas lawv tau nyiag los ntawm cov neeg muaj sia nyob.
Yog tias tus kws tshuaj xyuas FEMA tuaj txog rau hauv koj lub tsev thiab koj tsis tau xa daim ntawv thov FEMA, koj cov ntaub ntawv yuav raug siv yam uas koj tsis paub txog los tsim daim ntawv thov FEMA. Yog tias muaj li ntawd, ces thov qhia rau tus kws tshuaj xyuas tias koj tsis tau thov kev pab cuam los ntawm FEMA txhawm rau kom lawv thiaj li tuaj yeem xa daim ntawv thov kom tsis txhob ua daim ntawv thov ntxiv lawm.
Yog tias koj tsis tau thov kev pab, tab sis tau txais tsab ntawv los ntawm FEMA, ces thov hu rau FEMA Xov Tooj Pab Cuam ntawm 800-621-3362. Tus xov tooj pab cuam yuav pab xa daim ntawv thov kom txwv tsis pub ua daim ntawv thov ntawd ntxiv lawm.
Yog tias koj xav thov kev pab los ntawm FEMA tom qab tso tseg ua daim ntawv thov uas siv ua koj lub npe yam koj tsis paub txog li, tus xov tooj pab cuam yuav pab koj tsim daim ntawv thov tshiab.
Dag
Pab pawg pab cov muaj sia dig los ntawm kev puas tsuaj (Disaster Survivor Assistance, DSA) ntawm FEMA, cov neeg tshuaj xyuas vaj tse chaw nyob thiab lwm cov neeg ua hauj lwm tau ua hauj lwm hauv thaj chaw uas tau txais kev puas tsuaj los ntawm cua daj cua dub. Lawv muaj daim npav txheeb qhia txog tus kheej nrog daim duab ID. FEMA thiab Teb Chaws Meskas Kev Tswj Hwm Lag Luam Me (US Small Business Administration, SBA) yuav tsis tsub nqi rau cov neeg thov kev pab cuam rau kev puas tsuaj, kev tshuaj xyuas los sis pab ua daim ntawv thov.
Tsis txhob ntseeg leej twg kiag li uas tau cog lus tias yuav pab nyiaj rau kev puas tsuaj thiab yuav tau them rov qab.
Ceev faj txog tej tsab xov tooj txawv-txawv los sis tej tus neeg tuaj ntsib koj tom tsev uas nws qhia tias nws yog tus neeg tshuaj xyuas vaj tse chaw nyob ntawm FEMA los sis cov neeg ua hauj lwm rau FEMA. Cov neeg sawv cev ntawm Lub Chaw Hauj Lwm uas muaj daim ntawv cim duab-ID thiab koj tus nab npawb daim ntawv thov ntawm FEMA.
Tsis txhob muab koj cov ntaub ntawv hauv tuam txhab nyiaj rau ib tus neeg uas nws qhia tias nws yog FEMA tus neeg tshuaj xyuas vaj tse chaw nyob. FEMA cov neeg tshuaj xyuas tsis tau tso cai los sau koj cov ntaub ntawv nyiaj txiag ntawm tus kheej.
Yog tias koj ntseeg tias koj yog tus neeg raug tsim txom ntawm kev dag ntxias, tshaj tawm tam sim ntawd rau koj cov tub ceev xwm los sis lub chaw hauj lwm tub ceev xwm los sis hu rau Chaw Hauj Lwm ntawm Arkansas Tus Kws Lij Choj ntawm (501) 682-2007 los sis (800) 482-8982 los sis email oag@ArkansasAG.gov.
Yog tias koj muaj kev paub txog kev dag ntxias, kev pov tseg los sis kev tsim txom, koj tuaj yeem tshaj tawm cov lus qhia no tau hauv - 24 teev hauv ib hnub, xya hnub hauv ib lub lim tiam - rau FEMA Tus Xov Tooj Pab Cuam Kev Dag Ntxias Kev Puas Tsuaj ntawm 866-720-5721. Koj tseem tuaj yeem xa tau email mus rau StopFEMAFraud@fema.dhs.gov txhawm rau los tshaj tawm qhia ib lub tswv yim.
Hais txog rau cov ntaub ntawv tshiab tshaj plaws, mus saib fema.gov/disaster/4788. Caum tus as khauj FEMA Region 6 X ntawm X.com/FEMARegion6 los sis saum Facebook ntawm facebook.com/FEMARegion6/.