FEMA ej kõkememej ro rekkar ioon jorrāān kauwõtata ilo Arkansas im rej ebõk jibañ jen kien eo an federal ālikin an kar lukkun nana mejatoto ilo Mae 24-27 ñan aer kõjerbal jāān eo ñan wāween eo rekkar lelok im kakwone rijit ko iomwin jilu iiõ.
Armij ro rekkar ioon jorrāān ilo bukon ko an Baxter, Benton, Boone, Fulton, Greene, Madison, Marion im Randolph remaron katmane aer loe juon leta ej kõmelele wūnin jibañ eo rekkar lelok ālikin wõt aer loe jek ak jāān ej kaju deloñ ilo akkoun eo aer. Jibañ eo an FEMA ej ñan jibañ armij ro rekkar kanne aer ablikajon im rejab maron jokwe ilo mweo mweir ekkar jorrāān jen an lab an kar lukkun nana mejatoto kolla wonnen imõn jokwe ilo kõtaan ien. Jibañ eo jen FEMA ej bar ñan jibañ kolla wonnen kõmmane jorrāān im kõkkāāl ae em im jikin ko rejorrāān ak rejako.
Ñe kwõjañin loe leta eo am, ak ñe kwõjab melele, kall ae lain in kall eo ilo 800-621-3362 ñan aer kõjejjet melele ko ñan kwe.
Ñe armij ro rej kanne ablikajon renaj kõjerbal jāān eo ñan bar juon men eo ejab ñan wūnin aer kar lewaj jāān eo, armij ro remaron jab tõbrak ñan jibañ ikijen jorrāān kauwõtata ilo jeklaj. Ilo jet wāween ko, FEMA emaron kajjitõk am karoollok jāān eo.
Ro rej ebõk jibañ emõj rõjañ aer kakwone rijit ko in jāān ko rekkar kõjerbal ikijen jorrāān kauwõtata iomwin jilu iiõ ñan an wõr aer kein kamool kin ta eo rekkar kõjerbal kin jāān eo ñan kõtõbrak ta ko rekkar kolla wonnen ikijen jorrāān eo. Ñe kwõnaj loe jemlok eo jen injuran ñan kollaiki wonnen ejja men kein, kwõj aikuj karool jāān eo ñan FEMA. Ewõr jerbal in etale ko rej kõmman ñan kamool ejejjet wāween an kar jāān kein jerbal.
Ewõr wāween ko ñan kanne ablikajon ñan jibañ eo an FEMA:
- Etal ñan juon Jikin Jibañ jen Jorrāān Kauwõtata. Ñan bukõt jikin eo ebaak ñan kwe, etal online ñan: DRC Locator.
- Kall ae Lain in Kall eo an FEMA ilo 800-621-3362. Ewõr jibañ ilo elõñ kain kajin ko. Lain in kall eo ebellok aoleb raan jen 6 awa jibbon ñan 11 awa boñ. CT.
- Etal online ñan DisasterAssistance.gov.
- Download ae mobile app eo an FEMA, ewõr ilo Google Play ak Apple App Store.
Ñan lale bideo eo kwõmaron alwoje kin wāween am kanne ablikajon lale Three Ways to Register for FEMA Disaster Assistance - YouTube.
Ñan melele ko rekāāltata lale fema.gov/disaster/4788. Loor FEMA Region 6 ilo X.com/FEMARegion6 ñe ejab Facebook ilo facebook.com/FEMARegion6/.