FEMA pab qhia neeg dim cov cua daj cua dub rau hauv Lub Xeev Arkansas thaum Lub Tsib Hlis Ntuj Tim 24-27 uas txais tseem fwv cov nyiaj pub kom nco qab tias yuav tsum siv cov nyiaj raws li lub hom phiaj uas tau muab rau thiab kom khaws cia cov ntawv ua pov thawj txog cov nqi tau peb xyoos.
Cov neeg dim uas nyob rau hauv cov cheeb tsam Baxter, Benton, Boone, Fulton, Greene, Madison, Marion thiab Randolph yuav txais ib tsab ntawv uas piav txog seb siv tau cov nyiaj ntawd rau qhov twg tsis ntev tom qab tau txais cov nyiaj ntawd. FEMA kev pab nyiaj no yog kom pab cov neeg tso npe uas nyob tsis taus rau hauv lawv lub tsev uas raug puas tsuaj los yog them rau cov nqi tsev nyob tau ib ntus. FEMA kev pab nyiaj no kuj yog kom them cov nqi kho tsev thiab theej cov teej tug uas raug puas tsuaj lawm.
Yog koj tseem tsis tau txais koj tsab ntawv no, los yog koj tsis to taub, hu mus rau tus xov tooj pab rau ntawm 800-621-3362.
Yog tias cov neeg tso npe siv cov nyiaj rau lwm yam uas tsis yog raws li lub hom phiaj uas tau muab lawd, ces tej zaum lawv yuav tsis tsim nyog txais kev pab rov zoo ntawm kev puas tsuaj yav tom ntej. Tej thaum FEMA yuav txib kom muab cov nyiaj ntawd pub rov qab rau lawv.
Peb yaum kom cov uas txais cov nyiaj pab no, lawv yuav tau khaws cov ntawv pov thawj txog tus nqi cia tau peb xyoos kom muaj puav pheej tias tau siv cov nyiaj ntawd rau cov nqi rov zoo ntawm kev puas tsuaj. Yog tias koj twb txais nyiaj ntawm lub koom haum tuav pov hwm kom duav tib co nqi, ces koj yuav tsum muab FEMA cov nyiaj pub rov qab rau lawv. Yuav muaj kev tshuaj xyuas kom paub tseeb tias koj tau siv cov nyiaj raws li lub hom phiaj uas twb piav tseg lawm.
Muaj ntau txoj kev tso npe rau FEMA kev pab:
- Mus xyuas ib Qho Chaw Rov Zoo Ntawm Kev Puas Tsuaj. Kom nrhiav ib qho chaw ze koj, mus saib: DRC Locator.
- Hu mus rau FEMA Tus Xov Tooj Pab rau ntawm 800-621-3362. Muaj kev pab hauv ntau yam lus. Tus Xov Tooj Pab no qhib txhua hnub pib thaum 6 moo sawv ntxov mus rau 11 moo tsaus ntuj.
- Mus saib DisasterAssistance.gov.
- Muab FEMA qhov mobile app txuas rau koj lub xov tooj, uas nrhiav tau tom Google Play los yog Apple App Store.
Kom saib ib zaj nam pab qhia koj paub tso npe li cas, mus saib: Three Ways to Register for FEMA Disaster Assistance - YouTube.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.