Ñe kwõnaj loe juon leta jen FEMA ej ba kwõjab maron tõbrak ñan jibañ, jab wiwijet. Melelein ke FEMA emaron aikuji melele ko relablok jen kwe. Ñe kwõjab erra kin jemlok eo an FEMA kin ablikajon eo am, kwõmaron jumae. Ewõr am maron iomwin kakien ko an kien.
FEMA ej lelok jibañ in jāān ñan kajojo armij im armij ro ilo juon em ejellok aer injuran ñe ejab ejabwe injuran ñan wonnen ko rej kolla ikijen jorrāān kauwõtata. Iomwin kakien, Burokraam eo ej Jibañ Kajojo Armij im Armij ro ilo Juon Em an FEMA ejab maron lelok jāān ilo ien jabdewõt bar jikin ej lewaj kolla – injuran, jāān in kõbajet ak jibañ in jāān jen opij ko rej make lelok jibañ – emõj an kolla wonnen ejjā aikuj ko ikijen jorrāān kauwōtata.
Ñe injuran eo am ejab kolla wonnen aoleb mweiuk ko am emõj aer jako ak ñe jemlok eo rej lewaj erumij, kwõmaron tõbrak ñan jibañ ñan aikuj ko am rejañin tõbrak.
Ñe emõj loe kwõjab maron tõbrak ñan jibañ, FEMA enaj jilkinwaj juon leta ej kõmelele wūnin am jab tõbrak. Mennin ej lewaj ien ñan am jumae jemlok eo.
Madmõdin Jumae eo
- Juon jumae ej juon kajjitõk ilo jeje ñan FEMA ñan aer etale ablikajon eo am. Ej bar juon ien ñan am lelok melele ko rekāāl ak relablok im kwar jab lelok moktalok im emaron jañiji jemlok eo an FEMA. Kwõmaron jumae jabdewõt jemlok an FEMA kin ablikajon eo am ñan Jibañ eo an Kajojo Armij. Waan joñak, kwõmaron jumae jemlok eo am kein kajuon ikijen maron tõbrak, joñan ak kain jibañ eo FEMA ear lewaj, ablikajon ko rerumij aer etal, kajjitõk ko ñan karoollok jāān, ñe ejab jab tõbrak Woñmaanlok in Jibañ eo ikijen Imõn Jokwe eo an Kõtaan Ien.
Juon jumae aikuj etal ñan FEMA iloan 60 raan jen raan eo ilo leta in jemlok eo. Ilo leta in jumae eo am emõj am je raan eo im jaini etam, kwõn lelok kõmelele kin wūnin am jab errā kin jemlok eo. Loloorjak am likūt melele ko laajrak:
Aoleben etan armij eo ej kanne ablikajon, atorej eo an kiõ, im atorej in mweo imõn ear jorrāān
Ilo kajojo peij ko, likūt nomba in ablikajon ko ruwatimjuon an armij eo ej kanne an ablikajon ibben FEMA (kwõnaj loe itulõñ in leta eo ej lewaj jemlok eo)
Nomba in kõjella eo an FEMA kin jorrāān kauwõtata ñan Hawaii: DR-4724-HI
Jain in etan armij eo ej kanne ablikajon im raan eo
- Ñe kwõnaj kelet an bar juon armij lelok jumae eo ikijem, leta in jumae eo aikuj jain jen ibben armij in. Bar likūt peba in kamool eo am emõj am jaini ke kwõj kõmelim an armij in kõmmane jumae eo ikijem.
- Mael ae leta in jumae eo am ñan:
FEMA Individuals & Households Program
National Processing Service Center
P.O. Box 10055
Hyattsville, MD 20782-8055
- Leta in jumae im peba in kamool ko rej jibañ jumae eo remaron bar upload ñan akkoun eo am ilo DisasterAssistance.gov ñe ejab kwõmaron fax ae leta eo am ñan 800-827-8112.
Ñe kwar jab kanne am ablikajon ñan jibañ bõtab kwar loe juon leta jen FEMA, kall ae Lain in Jibañ ikijen Jorrāān Kauwõtata ilo 800-621-3362. Ñe kwõj kõjerbal juon kein jibañ in leto letak melele einwõt Jibañ in Melele ilo Bideo, jibañ eo ej ukoke melele ko rej kenono ilo talebon ak bar jet, lelok nomba eo am ñan FEMA kin jibañ eo kwõj aikuji ilo ien am kenono ibben rijerbal eo ej Lain in Jibañ eo. Rijerbal ro rej uwaak ilo lain in jibañ eo rej kenono elõñ kajin ko im rebellok jen 1 awa jibbon ñan 8 awa jota, jilimjuon raan ilo juon wiik. Jibed 2 ñan kajin Spanish. Jibed 3 ñan juon riukok eo ej kajin ejela kajin eo am.
Ñe kwõj tõmak kwar jorrāān jen juon koot, kaju ripoot ñan Opij eo an Bulijmaan ilo Maui ñan 808-244-6400. Armij ro rej kõjerbale remaron bar bael ae juon abnõnõ kin koot ibben Hawaiʻi Department of Commerce and Consumer Affairs (Ra eo an Hawai’i ej bõk eddoin lale kakien ko rej kejbarok bejnej im armij ro rej wia) ilo 808-587-4272 (Kelet 7).
Ñan melele ko rekaaltata kin jerbal ko ñan jibañ kijeek ko relablok rekkar walok ilo Maui, lale mauicounty.gov, mauirecovers.org im fema.gov/disaster/4724. Loor FEMA ilo social media: @FEMARegion9 im facebook.com/fema. Kwõmaron bar loe melele kin jibañ jen jorrāān kauwõtata eo ear walok im download ae ablikajon ko ilo sba.gov/hawaii-wildfires.