Ñe kwar kanne am ablikajon ñan jibañ eo FEMA ikijen jorrāān im ebar wōr am injuran in wia ak reen em, kwōj maron wõt tōbrak ñan jāān in jibañ ko an federal ñan kolla wonnen mweiuk ko injuran eo am ejab kolla wonneir.
Ñe kwōj jokwe ilo bukon ko ilo Baxter, Benton, Boone, Fulton, Greene, Madison, Marion ak Randolph, FEMA emaron jibañ ñe jemlok eo an injuran eo am ālikin an kar kauwõtata an nana mejatoto ilo Mae 24-27 im ejab kolla wonnen aoleben mweiuk ko am rejorrāān ak rejako, ak elañe ekkar jab tōbrak claim eo am. Kwōmaron bar bōk jibañ ñe claim in injuran eo am enaj rumij elablok jen 30 raan.
Ilo ien eo emōj am bael claim ibben kombani in injuran eo am, loloorjak am bar lale ibben kombani in injuran eo am ñan am bõke melele eo FEMA enaj aikuji jen kwe. Kwõmaron kajjitōk:
- Juon leta ej kalikar am jab tōbrak: Kamool ke kombani in injuran eo am ejab kolla wonnen mweiuk ko am.
- Juon leta ej kwalok tõbrak in jāān eo rej lewaj: Jejjetin ta eo kombani in injuran eo am ej kolla wonnen.
- Juon leta ej kalikar erumij aer lewaj uwaak: Kamool ke kombani in injuran eo am ejañin lewaj jejjetin jemlok eo kin claim in injuran eo am im emōj an mootlok 30 raan ālikin am bar bael ae claim in injuran eo am.
Ñe kwōj katmane am loe jemlok in wonnen eo injuran eo am ej lewaj – ak ñe emõj am bōke – im kwōj aikuj lablok in jāān in jibañ eo jen FEMA ñan wonnen ko injuran ejab ak edik an kolla wonneir, aurok am ememej melele kein laajrak:
- Ñe kakien in injuran eo am ejab kolla wonnen aikuj ko am relablok ak wonnen am jab maron kõjerbal mweo imōm, kwōmaron tōbrak ñan burokraam ko an FEMA ñan imōn jokwe ilo kōtaan ien. Jāān in jibañ ko ikijen jorrāān an federal rejab kolla eowoj. Leta in kōjella eo an FEMA enaj ba waj jejjetin wāween am kōjerbal jāān in jibañ eo ikijen jorrāān. FEMA ej rōjañ am kōjerbal jāān ko wōt ñan wonnen ko rej ikijen jorrāān eo. Kakwone aoleb rijit iomwin jilu iiõ ak lablok ñan kein kamool wāween am kar kõjerbal jāān eo.
- Jabdewõt jāān kwōmaron bõke jen FEMA kin an kar rumij am loe tōbrak in jāān eo am jen injuran emõj watoke jāān eo kwar bõk mokta jen tõbrak in jāān eo am jen injuran. Ñe jāān ko an FEMA rekkar lewaj ñan ejjā mweiuk ko injuran eo am ej kolla wonnen, jāān ko an FEMA rej aikuj roollok ilo ien am loe jāān injuran eo am ej lewaj.
- Tōbrak ñan jibañ eo an federal ej ekkar ñan jejjetin melele ko an kajojo ablikajon jen FEMA, ekoba peba in kamool eo armij eo ej kanne an ablikajon ibben FEMA enaj lelok. Ewõr lok ñan 12 am allõñ jen raan eo kwar kanne am ablikajon ñan jibañ jen FEMA ñan lelok tõbrak in jāān eo am jen injuran ak leta eo ej kalikar am jab tōbrak ñan an FEMA etale.
Kwōmaron upload ae peba in injuran ko ñan akkoun eo am ilo DisasterAssistance.gov. Bar juon wāween kwōmaron lelok peba ko ej fax ae lok ñan FEMA ilo 800- 827-8112 ñe ejab mael kabe ñan: FEMA, P.O. Box 10055, Hyattsville, MD 20782.
Ñan kanne ablikajon ñan jibañ eo an FEMA ikijen jorrāān, kall ae nomba eo ejellok wonnen ilo 800-621-3362, etal online ñan DisasterAssistance.gov, download ae FEMA App ñe ejab etal ñan Jikin Jibañ jen Jorrāān ilo Northwest Arkansas Community College’s Shewmaker Center for Workforce Technologies (Building 15) ilo 1000 SE Eagle Way, Room B103. Ebellok lain in kall eo aoleb raan jen 6 awa jibbon ñan 11 awa boñ, awa in ET, im ewōr jibañ ilo elōñ kajin ko roktak. Ñe kwōj kōjerbal juon kein jibañ in bõk melele einwōt VRS, kein jibañ in bōk melele ilo talebon ak kein jibañ ko jet, lelok nomba in kein jibañ eo ñan FEMA. Raan eo āliktata ñan lelok ablikajon ej Okwoj 28.
Ñe kwõj aikuji juon kein jibañ eo kim maron lewaj ak juon riukok an kajin kakōlle, kall ae Lain eo an FEMA ej Jibañ Kejbarok Maron ko an Armij iomwin kakien: 833-285-7448 (jibed 2 ñan kajin Spanish). Ebellok lain eo jen Mande ñan Bolaide 6 awa jibbon ñan 4:30 awa raelap, awa in CT.
Ñan melele ko āliktata lale fema.gov/disaster/4788. Lale akkoun eo an FEMA Region 6 X ilo Twitter ilo twitter.com/FEMARegion6 ñe ejab Facebook ilo facebook.com/FEMARegion6/.