Jibañ eo jen FEMA emaron jibañ armij ro ilo bukon ko an Baxter, Benton, Boone, Fulton, Greene, Madison, Marion im Randolph im rej jerbal ibbeir make, ekoba rijerbal ro ilo jikin atake, ro rej rijibañ ilo jikin atake in menninmour ko, rijerbal ro rej kõmman jerbal kapeel kin beir, rial im rikõjañjañ ro, im rijerbal ro rej kõmman injin ak wa.
Kein Jibañ in Jerbal ko Remaron Tõbrak
FEMA emaron jibañ kõkkāāl kein jerbal ko kwõj aikuj ñan jerbal eo am make, ak jikin jerbal eo am ejab lewaj bõtab kwõj aikuji kein jerbal kein ñan am jerbal. Kein jerbal ko remaron tõbrak emaron:
- Kombuitor ko
- Kein jerbal ko einwõt kein jerbal jarom ko, kein jerbal ko ñan kõmman jerbal kapeel ko ilo ba, kein kõjañjañ, tractor ko rej waan jerbal, waan jarom ko, kein mwijmwij wujooj im jikin uwe
- Unibom
Kwõmaron bar tõbrak ñan aer karool waj wonnen kein jerbal kein elañe rekkar jorrāān jen mejatoto, ejellok am bar juon kein jerbal eo ej jerbal, im injuran ekkar jab kolla wonnen kein jerbal eo ejorrāān.
Peba in Kamool ko rej Mennin Aikuj
Ñan am maron tõbrak ñan jibañ eo an ro rej jerbal ibbeir make, kanne ablikajon ñan jibañ eo an FEMA. Ilo ien am kanne ablikajon, likūt melele kein:
- Peba in kamool ej kwalok ke kwõj jerbal ibbam make, einwõt peba in eowoj,
- Peba in injuran ko ñan aoleb mweiuk im jibañ ko injuran eo ej kolla wonnen,
- Rijit ko rej kwalok wonnen ak tarrin wonnen kajojo mweiuk ko ñan kõmmane jorrāān ak kõkkāāl kein jerbal ko kwõj kajjitõke, im
- Juon peba in kamool ilo jeje ej kõmelele am aikuji kein jerbal ko ñan jerbal eo am make.
Ñan am kanne ablikajon ñan jibañ eo jen FEMA kin jorrāān eo ear walok ilo mejatoto, kall ae nomba eo ejellok wonnen 800-621-3362, etal online ñan DisasterAssistance.gov, download ae FEMA App ñe ejab etal ñan juon Jikin Jibañ jen Jorrāān. Kwõmaron loe jikin jibañ ko rebellok ilo fema.gov/drc. Ebellok lain in kall eo aoleb raan jen 6 awa jibbon ñan 10 awa boñ CDT, im ewõr jibañ ilo elõñ kajin ko roktak. Ñe kwõj kõjerbal juon kein jibañ ñan bõk melele einwõt VRS, jibañ bõk melele ilo talebon ak jibañ ko jet, lelok nomba an kein jibañ eo ñan FEMA. Raan eo āliktata ñan lelok ablikajon ej Okwoj 28, 2024.
Ñan melele ko āliktata etal ñan fema.gov/disaster/4788. Lale akkoun eo an FEMA Region 6 ilo Twitter twitter.com/FEMARegion6 ñe ejab Facebook ilo facebook.com/FEMARegion6/.
For the latest information visit fema.gov/disaster/4788. Follow the FEMA Region 6 Twitter account at twitter.com/FEMARegion6 or on Facebook at facebook.com/FEMARegion6/.