FEMA kev pab no pab tau cov neeg uas nyob hauv cov cheeb tsam Baxter, Benton, Boone, Fulton, Greene, Madison, Marion thiab Randolph uas ua hauj lwm rau lawv tus kheej, suav nrog cov kws ua teb, cov kws yug tsiaj, cov kws kos duab, cov kws tso nkauj, thiab cov kws kho tsheb.
Cov Khoom Siv Ua Hauj Lwm Tsim Nyog
FEMA pab tau theej cov twj thiab cov khoom siv uas yuav tsum muaj kom ua hauj lwm rau koj tus kheej, los yog tej yam uas yuav tsum muaj thaum ua hauj lwm rau lwm tus tiam sis tus tswv hauj lwm ntawd tsis muab rau yus. Cov khoom siv tsim nyog suav nrog:
- Cov koos pis tawj
- Cov cuab yeej fai fab, cov khoom kos duab, cov twj paj nruas, cov tsheb laij teb, cov tsheb ua hauj lwm, cov tshuab txiav nyom, thiab cov ntaiv
- Cov khaub ncaws hnav ua hauj lwm
Tej zaum koj txais tau nyiaj rau tej no yog tias tej no raug ntawm kev puas tsuaj thiab koj tsis muaj lwm yam uas koj siv tau, thiab lub koom haum tuav pov hwm yuav tsis pab theej.
Cov Ntawv Yuav Tsum Xa Tuaj
Kom thiaj tsim nyog txais kev pab vim koj ua hauj lwm rau koj tus kheej, koj yuav tsum tso npe rau FEMA kev pab. Thaum koj tso npe, muab ntim nrog:
- Cov ntawv ua pov thawj tias koj ua hauj lwm rau koj tus kheej, xws li daim ntawv them se,
- Cov ntawv tuav pov hwm seb lub koom haum tuav pov hwm yuav pov hwm dab tsi thiab koj txais txiaj ntsig li cas,
- Cov ntawv ua pov thawj txog tus nqi them los yog cov ntawv kab seb yuav kim npaum li cas kom kho los yog theej yam ntawd, thiab
- Ib daim ntawv uas koj sau uas piav cov khoom uas koj yuav tsum muaj rau kev ua hauj lwm rau koj tus kheej.
Kom thiaj tso npe rau FEMA kev pab rov zoo ntawm kev puas tsuaj, hu mus rau 800-621-3362, mus saib DisasterAssistance.gov, muab FEMA App los txuas ntawm lub xov tooj ntawm tes, los yog mus xyuas Ib Qho Chaw Rov Zoo Ntawm Kev Puas Tsuaj Koj nrhiav tau cov chaw nyob tom fema.gov/drc. Tus xov tooj no qhib thaum 6 moo sawv ntxov mus rau 10 moo tsaus ntuj thiab muaj kev pab hauv ntau yam lus. Yog koj siv lub cuab yeej pab tham xov tooj xws li lub cuab yeej yees duab thaum tham xov tooj (VRS), lub cuab yeej sau ntawv thaum sib tham los yog lwm yam cuab yeej, muab tus xov tooj rau koj txoj kev pab cuam ntawd pub rau FEMA. Hnub kawg tso npe rau kev pab yog Lub Yim Hli Ntuj Tim 28, 2024.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.