Armij ro rej reen ilo bukon ko ilo Baxter, Benton, Boone, Fulton, Greene, Madison, Marion im Randolph im ewõr mweiuk ko aer rejako jen kõto ko relab ilo Mar 24-27 remaron kanne aer peba ñan jibañ eo jen federal ikijen jorrāān kauwõtata.
Ewõr Jibañ eo an Kajojo Armij jen FEMA ñan armij ro rekkar wia em im armij ro rej reen, ekoba rijikuul. Jāān in jibañ jen federal emaron jibañ kolla wonnen imõn jokwe ilo kõtaan ien.
Armij ro rej reen emaron bar tõbrak ñan juon jāān in jibañ iomwin burokraam in Jibañ kin Aikuj ko Jet an FEMA ñan jet mweiuk ko aer make rekkar jab injuran im wonnen ko jet rej kolla jen an kar walok jorrāān eo. Men kein emaron koba:
- Kõkkāāl ak bar kõmman mweiuk ko aikuj an juon armij, einwõt nuknuk, bok in jikuul, ak kein jikuul ko. FEMA emaron jibañ kõkkāāl kobban iloan em ak kein jerbal ko iloan mweo imõm im kwar waiki.
- Kõkkāāl ak kõmmane kein jerbal ko im kein jerbal ko jet ikijen jerbal im rej mennin aikuj jen jerbal eo an juon make armij.
- Wa ko elab kõjerbali.
- Wonnen ko rejab deloñ ilo injuran ak kwar aikuj kolla ñan taktõ, taktõ in ñi, lale ajiri, emakūt im wonnen kakwon mweiuk.
Ñan kanne am peba ñan jibañ ikijen jorrāān kauwõtata eo jen FEMA, kall ae nomba eo ejellok wonnen kūrlok ilo 800-621-3362, etal online ñan DisasterAssistance.gov, download ae FEMA App ñe ejab etal ñan Jikin Jibañ jen Jorrāān Kauwōtata. Nomba in talebon eo ebellok aoleb raan jen 6 awa jibbon ñan 10 awa jota CT, im ewõr jibañ ilo elõñ kajin ko. Ñe kwõj kõjerbal juon kein jibañ bõk ak lelok melele einwõt VRS, jibañ eo ej lelok melele ilo talebon ak ro jet, lelok nomba eo am ñan FEMA ñan jibañ eo kwõj aikuji. Raan eo āliktata ñan lelok abikajon ej Julae 29, 2024.
Ñe kwõj aikuj kein jibañ eo kim maron lewaj ak juon rukok an kajin kakõlle, jouj im kall ae Nomba in Jibañ Kejbarok Maron ko an Armij iomwin Kakien an FEMA: 833-285-7448 (jibed 2 ñan Spanish). Nomba eo ebellok Mande -Bolaide 6 awa jibbon ñan 4:30 awa raelap CT.
Ñan melele ko āliktata lale fema.gov/disaster/4788. Lale akkoun in Twitter eo an FEMA Region 6 ilo twitter.com/FEMARegion6 ñe ejab Facebook ilo facebook.com/FEMARegion6/.