Cov neeg xauj tsev uas nyob rau hauv cov cheeb tsam Baxter, Benton, Boone, Fulton, Greene, Madison, Marion thiab Randolph uas xiam tej yam ntawm Lub Tsib Hlis Ntuj Tim 24-27 cov cua daj cua dub tso tau npe rau tseem fwv kev pab rov zoo.
Muaj FEMA Kev Pab Rau Tib Neeg rau cov tswv tsev thiab cov xauj tsev tib si, suav nrog cov tub ntxhais kawm ntawv. Kuj muaj kev pab nyiaj them nqi rau chaw nyob tau ib ntus.
Cov xauj tsev los tej zaum kuj yuav tsim nyog txais nyiaj ntawm FEMA lub khoos kas Lwm Yam Toob Kas rau lawv ib co teej tug uas plam lawm thiab lawv tsis muaj kev tuav pov hwm rau tej ntawd. Lawv kuj txais tau nyiaj rau lwm yam nqi ntawm kev puas tsuaj xws li:
- Theej los yog kho lawv li teej tug, xws li khaub ncaws, cov ntawv kawm, thiab khoom siv kawm ntawv. Tej zaum FEMA kuj yuav pab theej cov rooj tog los yog khoom siv uas koj yuav.
- Theej los yog kho cov cuab yeej thiab lwm yam khoom siv rau cov uas ua hauj lwm rau lawv tus kheej.
- Cov tsheb uas siv ntau tshaj.
- Cov nqi kho mob, kho hniav, zov me nyuam, tsiv tsev, thiab cov nqi ntim khoom uas lub koom haum tuav pov hwm tsis kam them los sis yog tsis muaj kev tuav pov hwm hlo li.
Kom thiaj tso npe rau FEMA kev pab rov zoo ntawm kev puas tsuaj, mus saib DisasterAssistance.gov, muab FEMA App los txuas ntawm lub xov tooj ntawm tes, los sis hu FEMA tus xov tooj pab rau ntawm 800-621-3362. Tus xov tooj no qhib thaum 6 moo sawv ntxov mus rau 10 moo tsaus ntuj. Muaj kev pab hauv ntau yam lus. Yog koj siv lub cuab yeej pab tham xov tooj xws li lub cuab yeej yees duab thaum tham xov tooj (VRS), lub cuab yeej sau ntawv thaum sib tham los yog lwm yam cuab yeej, muab tus xov tooj rau koj txoj kev pab cuam ntawd pub rau FEMA. Hnub kawg tso npe rau kev pab yog Lub Xya Hli Ntuj Tim 29.
Yog hais tias koj toob kas kev pab twg los xav tau ib tug kws txhais lus pab piav tes, thov hu mus rau FEMA Tus Xov Tooj Rau Neeg Cov Cai (Civil Rights Resource Line): 833-285-7448 (nyem 2 rau Lus Mev). Tus xov tooj no qhib thaum Hnub Monday-Hnub Friday 6 moo sawv ntxov txog 4:30 tsaus ntuj CT.
Kom tau cov ntaub ntawv nyuam qhuav luam tawm tshaj mus saib fema.gov/hmn/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.